13-11-10 Acara Pesta Gotilon [PDF]

Citation preview

IBADAH KHUSUS PESTA GOTILON HKBP Tangerang Kota Resort Tangerang Kota Minggu, 10 November 2013



Pelehon ma na Dumenggan tu Debata 1.



2.



Prosesi (Parhobas mamasuki acara kebaktian diiringi lagu BE 585: 1-2) 1. Somba ma Jahowa Debatanta Amen Haleluya. Sigomgom langit tano on ro diisi na Amen Haleluya. Beta hita lao, marsinggang tu joloNa, Amen Haleluya na songkal jala na badia do Jahowa, Amen Haleluya endehon Amen haleluya endehon, Amen haleluya. endehon Amen haleluya endehon. Amen haleluya (Jongjong) 2. Puji ma Jahowa Debatanta, Amen Haleluya. Parasi roha na sumurung do Ibana, Amen Haleluya. Taendehon ma goar ni Debatanta, Amen Haleluya Alani denggan ni basaNa tu hita, Amen Haleluya. Endehon; “Amen Haleluya, endehon Amen Haleluya. Endehon Amen Haleluya, endehon Amen Haleluya”. Joujou Tu Parsaoran na badia: (L:Liturgis; S:Sude; SL:Song Leader; MK:Musik) L: Syalom jala dame ma di hita. Horas! H: Horas! Haleluya! Syalom L: Marlas roha do hita sadari on, patupahon Pesta Gotilon di ombas on. Ai songon na nidok ni pandohan i. Parik ni janji mauli, hatubuan ni sanggesangge. Molo nunga jinalo pasupasu ni Tuhan i, ingkon botoon ma mandok mauliate. Nunga tapeop basabasa ni Debata manipat na sataon bolon on, nuaeng ma tingkina hita manggotil di pasupasuNa. Di hamu huria ni Tuhanta dohot di hamu amang pandoal-pargonsi. Didok Hata ni Tuhanta: Puji hamu ma Debata, di bagasan habadiaonNa i. Puji hamu ma Ibana di hajang-hajang ni hagogoonNa i. Puji hamu ma Ibana ala hagogoonNa, angka na sumurung i. Puji hamu ma Ibana, hombar tu hinagodang ni hatimbulonNa i. Antong, manggora ma ho, jumolo tu Tuhanta Debata Pardengganbasa i, tu Tuhanta Jesus Kristus dohot tu Tondi Parbadia. MK: (Manggora marhite soara ni taganing…) L: Punguan na badia. Mardongan uning-uningan na adong, taolophon sude na denggan na binahen ni Jahowa tu hita. Angka na mariluilu laho manabur, marolopolop do sogot laho manggotil. Mardalandalan pe ibana huhut tangis pausungusung boni sisaburhononhon, ro do ibana sogot marolopolop



mangusung angka tibalanna. I do tutu. Tinampul bulung bira, di toru ni hau torop-torop, nunga marpungu hita mariaria, luhut ma marolopolop . MK: (Manggora marhite soara ni tangiang…) L: Di Minggu XXIV Dung Trinitatis on, dijouhon Hata ni Tuhanta do tu hita Jesaya 32: 1 na mandok “Ida ma, hombar tu hatigoran do Raja I mangarajai sogot, jala hombar tu uhum angka induk manggomgomi”. Antong sian nasa rohanta tasombahon jala tajouhon ma pujipujianta tu Ibana. Sangap di Jahowa…(BE 581: 1-3) 1. Sangap di Jahowa na sun timbul i, balga ni holongNa ndang tarasam i. Dilehon AnakNa na sasada i, manobus hita jolma pardosa i. Ref. Puji ma Debata ale manisia, las roham, las roham, somba ma Debata. Dapothon Jahowa na sun timbul i, marhite AnakNa Tuhan Jesus i. 2. Tung so hasuhatan do basaNa i, marhite AnakNa ni lehonNa i. MudarNa durus do di hau silang i, rara pe dosanta ias di baen i. Ref. Puji ma... Jongjong 3. Balga situtu pambaenMi Debata, tung so hasuhatan holong ni rohaM. Tu jolma pardosa asi do rohaM, di ungkap Ho dalan lao tu banuaM. Ref. Puji ma... 3. Votum – Introitus – Tangiang: L: Marhitehite Goar ni Debata Ama, AnakNa Jesus Kristus dohot Tondi Parbadia. Amen. Saluhutna silehonlehon na denggan dohot nasa ulibasa na mauliutus, ro sian banua ginjang do i, sian Ama ni angka hatiuron. H: Songon on do didok Tuhan Jahowa: Ndang be ulahanKu mangaragehon nasa na mangolu, songon na Hubahen i. On pe saleleng adong tano on, ndang jadi mansohot saburon dohot gotilon, ari ngali dohot ari las, ari logo dohot rondo ni ari, arian dohot borngin. L: Na balga situtu do Ho, ale Jahowa Debatangku, marpahean hasangapon dohot hamuliaon do Ho. Ala ni i taendehon ma: Haleluya! H: (Mangendehon) Haleluya, Haleluya, Haleluya… L: Martangiang ma hita: Ale Tuhan Debata, Amanami Pardenggan basa, nunga hupatulus hami rohanami laho tumangihon Ho. Di Pesta Gotilon on, sai pargogoi ma hami marhaporseaon, marpanghirimon dohot marhaholongon, asa tutu hami gabe PARTUMPAK di Pesta na hinasuhuthonMon. Asi ma rohaM. Togu jala dongani ma hami sian bonana



4.



5.



sahat tu ujungna, ala denggan ni basaM na godang i, di bagasan Jesus Kristus, Tuhannami. H: Amen. (Hundul) Ende Patik BE 826: 1+3 “Gohi Au Tuhan” L: Hamu haholongan. Nunga tasomba Tuhanta Parholong roha i. Nunga tapuji hamuliaon ni GoarNa. Antong! Sai jongjong ma hita di Uluan manatap-natap dompak Tampahan. Sai jumpang ma angka na niluluan, jala dapot hita ma tutu angka na jinalahan. Ama: Nunga saor Tuhanta tu hita be. Sahala do Patik dohot Uhum, alai Tondi do Sipangajari. Manumpak ma parsaoranta di Huria dohot na di huta, jala manghorasi ma luhut parsaoranta na badia. Ina: Asa disi sirungguk disi ma sitata, ia disi dua-tolu hita marpungu di bagasan goar ni Jesus Kristus, disi ma sai saor jala sahap pasupasu ni Tuhanta. Naposo:Ido tutu. Sai jumpang ma di HuriaNa marhite Pesta Gotilon on, songon pandohan na mandok: Marsinemnem do uruk-uruk, marsilanlan aek Toba. Na magodang ndang marungut-ungut, dakdanak, remaja dohot naposobulung pe luhut ma marlas ni roha. MK: (Mangolophon marhite soara ni taganing…) L: Nuaeng, Debata do mual ni las ni roha, dame dohot haluaon. Ibana do haroroan ni pasupasu di ngolunta. Antong! Tahaporseai jala taihuthon ma Ibana sian unduk dohot serep ni rohanta. Tatangihon jala taoloi ma PatikNa, dung taendehon: Gohi au Tuhan marhite hataMi… 1. Gohi au Tuhan marhite HataMi, Gohi au Tuhan marhite HataMi, Songon hudon na rumar do au Tuhan di sumurMi, Gohi au Tuhan marhite HataMi. 3. Gohi au Tuhan marhite HataMi, Gohi au Tuhan marhite HataMi, Asa tang jala matoras au marhite HataMi, Gohi au Tuhan marhite HataMi. Manghangoluhon Patik dohot Hata ni Debata: L: Hata ni Debata na gabe Patik sihangoluhononta mamungka sian Minggu sadarion, i ma sian Mateus 5: 16. “Naeng songon i ma marsinondang palitomuna di jolo ni halak, asa diida angka pambahenanmuna na denggan i, asa dipuji nasida Amamuna na di banua ginjang i. Ama: Songon ambolas di partaonan logo ni ari dohot songon udan di hamamasa ni gotilon, suang songon i, ndang patut halak na oto i hasahatan ni hamuliaon. (Poda 26:1)



L:



6.



7.



Jala ndang dung didok di bagasan rohana: Ua itahabiari ma Jahowa Debatanta, na mangalehon udan di tingkina, na mangaramoti di hita minggu angka na pinatik tu gotilon. (Jeremia 5:24) Ina: Ala ni i do umbahen na hudok tu hamuna: Unang holsohon hamu hosamuna sumarihon sipanganon, manang dagingmuna pasarisari parabiton! Nda ummarga hosa sian sipanganon? Nda ummangat daging sian parabiton? (Mat 6: 25) L: Bereng hamu ma pidong angka na martongatonga langit, angka na so manabur, na so manggotil, na so papunguhon tu sopo; tong do diparmudumudu Amamuna na di banua ginjang i nasida! Nda godang dope hasurunganmuna sian i? (Mat 6: 26) Naposo: Antong unang ma holsoan rohamuna, mandok: Aha ma panganonnami? Aha ma inumonnami? Aha ma parabitonnami? Angka sipelebegu do mangkaringkothon saluhutna sisongon i. Diboto Amamuna na di banua ginjang i do, naung ringkot angka i di hamu. (Mat 6: 31-32) L: I ma Patik ni Debata siulahononta. Antong, rap mangido gogo ma hita tu Debata laho mangulahonsa! S: Ale Tuhan Debata, sai pargogoi jala parrohai ma hami laho mangulahon PatikMi. Amen. Ende Manopoti Dosa BE 182: 1-2 “Tu Jolom o Debatangku” L: Hamu angka dongan na ni asian ni Tuhan Parasiroha i. Halak sirimasan ni Debata hian do hita ala dosa i, alai nunga ditogu hita tu ampuanNa gabe anakhonNa. Nunga dipapos jala dipatau rohanta manjalo hasesaan ni dosanta. Antong, marhiras ni roha ma hita mandok: S: Tuhan, nunga ro Ho gabe Pardengganannami. Nunga durus mudarMu mangaroro hami sian lombang hamatean i. Nunga harhar hami sian bura ni dosa i. Asi ma rohaM, sesa ma dosanami. L: Antong, tapaunduk ma rohanta jala taendehon ma “Tu Jolom o Debatangku”) S: (Ayat 1) Tu joloM o Debatangku Sai use do rohangkon, Sai pasiat tangiangku Dohot iluilungkon. (Jongjong) S: (Ayat 2) Husolsoli do rohangku Na gok dosa i tongtong. Ai godang ariaringku Na hubahen ambolong. Tangiang Manopoti Dosa/Bagabaga: L: Hamu angka haholongan, didok Hata ni Debata di Psalmen 32: 5 ”Jadi hupabotohon ma tu Ho dosangku jala ndang huhungkupi salangku; ningku



8.



do: Topotanku ma angka pangalaosingku tu Jahowa, jadi marpamuati do roham di utang ni dosangki. S: Ale Tuhan! Sai asi ma rohaM di hami. Mansai jotjot do hami lalap di portibi on ndang huulahon hami lomo ni rohaM. Ndang hupatulus hami na tinonahon ni HataM na badia i di tongatonga ni keluarganami nang di HuriaM. Ala ni ro ma hami nuaeng tu adopanMu mangido hasesaan ni dosanami. L: Ale Tuhan, na mangido hasesaan ni dosa do hami sian joloM, pasuang ma hami gabe anak haholonganMu. Tangiang Parpadanan ma on di hami dompak hamubaon ni roha, na tumogu i sian nasa las ni roha. Ai didok do: Tanggo urat ni bulu, tanggoan urat ni padang. Togu jala hot hata ni uhum, toguan hata ni padan dohot Tuhan. S: Asa dengke ni sabulan tu tabona. Manang ise siose padan, tu rugina tu magona. L: Antong, auhon ma panghophopNa jala patangkas ma panghangoluhononmu di muar ni Tuhanta na manesa saluhut dosam! S: Balintang ma pagabe, tumindangkon Sitadoan. Arinta ma gabe jala martua mamungka sian pesta gotilon on, molo tutu jala burju hita mangoloi Hata ni Tuhan. MK: (Mangolophon marhite soara ni taganing…) L: Tahaporseai, Pardenggan basa jala Parasiroha do Jahowa. SesaonNa do sude utang ni dosanta, molo marsitutu hita mangelekhon asi ni rohaNa. SL: (Mangendehon BE 686: 1 “Ramun do au”) Ramun do au di joloMi, gok dosangki urasi au. O Jesus birubiru i dison do au patau ma au. S: (Mangendehon BE 686: 2 “Ramun do au”) Na ro do au tu joloMi, gale do au urupi au. O Jesus, ala mudarMi, dison do au patau ma au. L: Bagabaga ni Debata taringot tu hasesaan ni dosanta: Ise be mangulahon angka na pinillit ni Debata? Debata do na mamintori. Ise do na mandabu uhum hamagoan? Kristus Jesus do naung mate, alai ndada holan i, naung mulak mangolu do, jala di siamun ni Debata do Ibana mangondihon hita . Hasangapon ma di Debata na di ginjang. H: Amen. (Jongjong dope) L: Huria ni Tuhanta. Tajangkon jala tahangoluhon ma HataNa. Tapatuduhon ma naung taolophon hasesaan ni dosanta, marhite na marsitutu hita mangendehon Marolopolop Tondingki… Ende Olopolop BE 435: 1+3 “Marolopolop Tondingki” 1. Marolopolop tondingki, ai naung ditobus Jesus i. Hamu sude, bege ma i, sai las rohangku mandok i. Ref. Sonang ni tingki i, dung jumpang Jesus Tuhanki! Tondina mangajari au, tarbaen marlas ni roha au. Sonang ni tingki i, dung jumpang Jesus Tuhanki. (Hundul)



3.



Tu Jesus sahat ngolungki saleleng ni lelengna i. Rap dohot au endehon ma endengku na imbaru da. Ref. Sonang ni... 9. Epistel: Poda 26: 17-28 L: Tajaha ma turpuk Epistel i ma tarsurat di Poda 26: 17-28. Manangkup pinggol ni biang do manang ise pamolus, molo pola piripirion ibana mida bada na so ro di ibana. H: Songon halak na lalaen, na mamantomhon tulbu, sumbia dohot hamatean: L: Songon i do baoa na mangansi kedanna, gabe didok muse: Nda na margait sambing do ahu! H: Molo soada soban mintop ma api, jala molo soadong pangasung i mansohot ma parsalisian. L: Songon arang tu gara ni api, jala songon soban tu api, songon i do baoa parbadabada pasobu parsalisian. H: Hatahata ni pangasung i, hira hata pargaiton do i, hape torus do angka bilut ni pusupusu ditondong. L: Songon hudon na nilampis dohot taktak ni perak, songon i do bibir angka na marsigorgor mangumma, hape jat do anggo rohana. H: Marhitehite bibirna mangela pangiburu i, hape patahitahi sipaotooto do anggo rohana di bagasan. L: Molo dipabasar ibana pangkulingna, unang ma porsea ho di ibana, ai pitu lampis do biasbias ni rohana di bagasan. H: Dihungkupi pe hosom ni rohana marhite sian ansiansi, hape patar do muse hinajahatna di bagasan luhutan. L: Manang ise na mangkali godung, laos ibana sandiri madabu tu bagasanna, jala marsibalik do batu tu halak na manggulangsa. H: Matua dila sipaotooto mangkosom halak na niropuhanna, jala. L: I ma sahatna. Martua ma ganup na manjaha, na manangihon, lumobi na mangulahon Hata ni Debata di bagasan ngolu na bonar S: Amen. 10. Ende Haporseaon BE 723: 1-2 “Tu jolom O Tuhan” L: Hamuna haholongan. Nunga tajaha Hata ni Debata, Epistel na mangurupi hita asa marharinggason marparbue di panandaionta mananda Jesus Kristus. On pe Pandenami: Tubu ma tambinsu didolok ni sipoholon. Sai horas ma hita sude Huria ni Tuhanta, ala rade hita manghatindanghon goar ni Tuhan. Mandurung ma pardengke di aek sihoruhoru, durung-durung na i, dapotan pora-pora. Sai gabe maruli ma hita horhonon ni pestanta sadari on, jala gabe martua jala mamora dipasupasu Tuhan. MK: (Mangaolophon marhite soara ni taganing)



L:



Antong, sude ma hita patuduhon las ni rohanta mangihuthon Ibana. Tuhanta do mual ni pasupasu sihatindangkononta. Taendehon: Tu jolom O Tuhan…



1.



Tu joloM O Tuhan sahat ma diringkon pangke ma au hombar tu lomoM, molo ndang Ho Tuhan, maringanan di au, diringkon ndang mararga be i. Ref. Tung pogos pe dison manang sonang tahe marsigantung tu Ho sasude holan Ho huihuthon ndang be diringkon togutogu ma tu nature. (Jongjong) Tu joloM o Tuhan sai gara rohangkon, tung unduk do mangoloi Ho TondiMi ma tongtong margogoihon au on, mangulahon lomo ni rohaM. Ref. Tung pogos...



2.



11. Manghatindangkon Haporseanon: L: Tahatindangkon ma haporseaonta i rap dohot donganta sahaporseaon di sandok portibi on, rap ma hita mandok: S: Ahu porsea…!Amen (Hundul) 12. Koor – Tingting – Koor: 13. Ende Jamita BE 651: 1---“Huria na huhaholongi hami”(Pers Ia, Ib, &II) L: Tapatuduhon ma parbue ni haporseaonta di pasupasu ni Debata, marhite na pasahathon pelean Ia, Ib dohot II huhut taendehon Huria na huhaholongi hami… 1. Huria na huhaholongi hami na pinajongjong ni Tuhanta i. Tung na so lupa sian rohanami, Huria i dohot ruasna i, di nasa hasusaan tongtong do i manahan. Ref. Manggogo pe angka galumbang i, Tuhanta do na pademakhon i, martua do na hot di Tuhan i. Musik 2. Marpadan do au on tu Debatangku; tu Jesus Raja ni Huria i. Sai pangkeonku do nasa gogongku, mangaradoti huriaNa i, tung ro pe haleaon ingkon huhabengethon. Ref. Manggogo pe angka… Musik 3. Huria na hinophop ni Tuhanta, sai mian ma di haholongon i. Sahata ma pangula nang ruasNa, manomba Jesus na marsangap i, sai timbul hadameon lam tang haporseaon. Ref. Manggogo pe angka… 14. Jamita: Rom 12: 17-21 15. Marende BE 848 Dison Adong Huboan Tuhan (Pelean Janji Iman) L: Hamu angka dongan. Tahangoluhon jala tapatuduhon ma parbue ni haporseaonta di panarihonNa. Tapasahat ma PELEAN KHUSUS manang JANJI IMAN, songon tanda ni las ni rohanta. Bona ni aek puli di dolok ni Sitapongan, nunga saut tapatupa Pesta Gotilon na manumpak tu Huria HKBP Tangerang Kota on, patupa inganan parsaoranta ma i tu Debata, na huhut patiur nasa pansamotan. MK: (Mangolophon marhite soara ni taganing…)



L:



Na manaburhon otik, otik do gotilonna, jala na manaburhon managam pasupasu, mangalap pasupasu di na manggotil. Ganup ma nionjar ni rohana, unang ma sian muruk manang sian na so tarjua, ai dihaholongi Debata do na las roha mangalehon. H: Na manaburhon managam pasupasu jala mangalap pasupasu di na manggotil. Ro do hami manaruhon ganup nionjar ni rohanami. Las do rohanami, ai dihaholongi Debata do na las roha mangalehon. Jalo ma i gabe pelean na hushus di joloM. L: On pe Huria Tuhanta na marlas ni roha. Sapala pantis ni sigalangan. Sapala naeng mangalehon tumpak, sai unang ma diparalang-alangan. Ai marasar silogologo di tombak ni Simamora, sai horas ma Ama, Ina nang sude Ruas ni HKBP Tangerang Kota on marroha jala maduma tumpahon ni Tuhanta. MK: (Mangolophon marhite soara ni taganing…) S: (Mangendehon BE 848: 1--- “Dison Adong Huboan Tuhan”) 1. Dison adong huboan Tuhan, parbue ni ngolungku naso tardok nian. Sadia ma argana Tuhan molo sai ni rajuman sude denggan basaM? Jalo ma Tuhan, sai las ma rohaM. 2. Dison adong huboan Tuhan, tondingku na girgir mangoloi di hataM. Pasaorhon ma HataM da Tuhan, manogu tondingki mangihuthon lomoM. Jalo ma Tuhan sail as ma rohaM. 3. Dison adong huboan Tuhan pamatang na hipas baen pelean di joloM. Sai pangke ma au on da Tuhan, na tau ulaulaM na hasea di joloM. Jalo ma Tuhan, sai las ma rohaM. 4. Dison adong huboan Tuhan hosa nang gogongki tau pelean di joloM. Patau pasingkop ma au Tuhan, asa marguna au manghobasi huriaM. Jalo ma Tuhan, sai las ma rohaM. 5. Dison adong huboan Tuhan, arta sinamothon so sadia i nian. Parbadia i ma i tung singkop, asa ture sintong lao pauli huriaM. Jalo ma Tuhan, sai las ma rohaM. 6. Huingot do tanaM da Tuhan, ingkon taruhononku parsampuluan i. Ai uangkaponMu do da Tuhan pandiloanMi mangusehon basaMi. PasupasuMi usehon ma godang. 7. Huingot do hataM da Tuhan saor do pasupasu di halak na bojok. Asal ma disombahon Tuhan ngoluna i singkop baen pelean di joloM. Jalo ma Tuhan sai las ma rohaM. 16. Tangiang Pelean – Pasupasu – Amen – Amen – Amen.



17. Urutan (Odoran) Panortoron Pesta Gotilon: 1. 2. 3. 4. 5. 6. 7. 8.



Panitia Fulltimer dan Keluarga W3 dan W6 W8 dan W26 W11 dan W24 W23 dan W19 W22 dan W27 W7 dan Jayanti



9. W4 dan W9 10. W2 dan W13 11. W17 dan W18 12. W14 dan W25 13. W1 dan W5 14. W16 dan W21 15. W20 dan W15 16. W10 dan W12



NAMA-NAMA PANITIA PESTA GOTILON HKBP TANGERANG KOTA, 10 NOVEMBER 2013



Ketua Sekretaris Bendahara Bendahara Pelaksana Sie. Ibadah Sie. Acara Sie. Hiburan Sie. Konsumsi Sie. Perlengkapan Koord. Sie. Dana



Koord. Dana Wijk



: : : : : : : : : : : : : : : : : : : : : :



St. Ir. Poster Simarmata, MPM St. Ir. Marihot Nainggolan St. Drs. Antonius Sinaga, SE (Ex Officio) St. Marisi Rumahorbo, SE St. Edy E. Tampubolon St. Budiman Limbong St. Ateng Raja Utara Simanullang St. Kernol A. Panjaitan, SH St. Rismauli Panggabean St. Hetly Pasaribu St. Pancer Purba St. Darto E. Pakpahan CSt. Marasi Gultom St. Pahala Panjaitan St. Lindung Nainggolan St. Togar H. Sihombing, BSc St. Mangada I. Simamora St. Rospita Manurung, SPd (W1) St. Drs. Parlindungan Sitorus (W2) St. Warman Napitupulu, SE (W3) St. Jekson Tambunan (W4) St. Parnada Silitonga (W5)



: : : : : : : : : : : : : : : : :



St. St. St. St. St. St. St. St. St. St. St. St. St. St. St. St. St.



Viktor Situmorang (W7) Hotma Simamora, SE (W8) Drs. Djonar Limbong (W9) Paimin Sitorus (W11) Alimer Manullang (W12) Rubiana Tampubolon, SPd (W13) Firman Siagian, SE (W15) Gogo E. Marpaung, SH (W16) Sutan M. Siregar (W18) Drs. Dorlan Siahaan (W19) Mangantar Silalahi, SE (W20) James Munthe (W22) Humisar Panjaitan, S.Sos (W24) Johni Pasaribu (W25) Pahala Lumbantoruan, SE (W26) German Hasibuan (W27) Effendy Tampubolon (Jayanti)



Shedule Acara Pesta Gotilon No 1. 2. 3. 4. 5. 6. 7. 8. 9. 10. 11. 12. 13. 14.



Pukul 08.30 – 09.00 09.00 – 11.00 11.00 – 11.15 11.15 – 11.30 11.30 – 11.45 11.45 – 12.00 12.00 – 12.15 12.15 – 12.30 12.30 – 13.15 13.15 – 13.30 13.30 – 13.45 13.45 – 14.00 14.00 – 14.15 14.15 – 14.30



Kegiatan Persiapan di Konsistori Ibadah Tortor Panitia Tortor Fulltimer & Keluarga Tortor W3 & W6 Tortor W8 & W26 Tortor W11 & W24 Tortor W9 & W23 Makan Siang + Hiburan Tortor W22 & W27 Tortor W7 & Jayanti Tortor W4 & W9 Tortor W2 & W13 Tortor W7 & W18



15. 16. 17. 18. 19. 20.



14.30 14.45 15.00 15.15 15.30 15.45



– – – – – –



14.45 15.00 15.15 15.30 15.45 16.00



Tortor W14 & W25 Tortor W1 & W5 Tortor W16 & W21 Tortor W15 & W20 Tortor W10 & W12 Doa Penutup