Acara Pamasumasuon Bahasa Batak Riduanto [PDF]

Citation preview

Acara Pabagashon



Andri Anop Ritonga Dohot



Mery Andani Lumban Toruan



I



HKBP PADANG LANCAT RESSORT BATANG TORU - TAPSEL Sabtu, 22 Januari 2022



Pangaradeon. 1. Pengantin dohot natoras rap martangiang ma dohot pangula ni Huria di Konsistori Gereja.



1|Page



2. II



Pengantin dohot natoras masuk tu bagas Gareja sian pintu utama diiringi musik na hombar tu prosesi, hundul be ma di inganan naung tinontuhon.



Ibadah Pabagashon. 1. Marende No. 772 : 1 + 3 “ Tuhanku Do Pature Dalanhi”  Tuhanku do pature dalanhi, Tuhanku do pature langkangki. Sian nasa rohangki hupasahat ngolungki, Tuhanku do patiur langkangki..



 Tuhanku do pature dalanhi, Tuhanku do pature langkangki. Hupasahat diringki tu tangan ni Tuhanki. Tuhanku do patiur langkangki 2.



Votum – Introitus U Marhitehite Goar ni Debata Ama dohot Goar ni AnakNa Tuhan Jesus Kristus, dohot Goar ni Tondi Parbadia, amen! Martua ma ganup na manghabiari Jahowa, na marparange di angka dalanNa i. sai panganonmu do na niula ni tanganmu, martua ma ho jala sonang. H



Tudoshon hau anggur na marparbue do ianggo jolmam di bagasan angka bilut ni jabum, tudoshon tunas ni hau jetun do angka anakmu humaliang mejam.



U



Ida ma, sai songon i do tongon dapotan pasupasu baoa na manghabiari Jahowa.



H



Soripada na marhuaso, tung ise ma jumpangan i ? Hape andul do argana martimbanghon mutiha.



U



Pos do roha ni harajaanna di nasida, di sinamot pe dang tagamon hurangan nasida. Denggan do uhum nasida tu ibana, ndang dung anggo na jat saleleng mangolu ibana. Diungkap do pamanganna umpodahon hapistaran, jala poda halambohon diatas dilana. Dimata-matahon do harentaon ni isi ni jabuna, jala indahan halangguson ndang di pangan.



H



U



2|Page



Sipaoto-oto do anggo rupa hasoloan ni roha, jala alogo sambing do haulion; soripada na manghabiari Jahowa i do sipujion, Haleluya ! Martangiang ma hita : Ale, Amanami na di banua ginjang! Ho do na



mangaturhon pardongan saripeon i. Diida Ho do dongannami on : Andri Anop Ritonga dohot Mery Andani Lumban Toruan na marsangkap naeng marbagas. Jala na ro do nasida mangido pasupasuM. Antong sai tatap ma nasida di bagasan asi ni rohaM, pasupasu jala ramoti ma nasida marhitehite panghaholongiM. Raja i ma nasida marhitehite Tondi Parbadia asa mamungka jala marujung di bagasan dame pardongan saripeon nasida i. Tangihon ma tangiang nami on ala ni asi dohot holong ni rohaM, amen.



3



Koor



: a. ……………….. b. ………………….



4



Marende No. 463 : 1 + 3 “PASU-PASUM TONGOSONMU”  PasupasuM tongosonMu, i do didok hataMi, Suru tondiM na badia, bosur ma baen rohangki. HagogoonMu songgop ma tu rohangkon. Unang sai holan manetek, gohi sandok diringkon.  Bereng ma sai hupaima, nunga rade rohangki, Guru di Ho ma ngolungku, dohot au tinobusMi. HagogoonMu songgop....



5



Jamita



:



6



Koor



a. ……………………. b. ………………………



7



Marende No. 160 : 1 – 2 “O TONDI PARBADIAI, BONGOTI”  Au dohot na saripengkon, o Jesus na di joloMon Ho naeng oloannami Ho ma nampuna hami on Saleleng hosanami on, sai pasupasu hami Ho ma Raja Sioloan pausoan, sisungkunon di patikMu ale Tuhan  Sai pasupasu hami be, pasingkop bohalnami pe Padao ma hapogosan, horasi dohot daging i Sai tuk ma baen gogona i manahan di ulaon Tolong, tolong, ganup Hami, asa hami mangkaposi Rohami na sai marasi.



3|Page



8



Padan Pabagashon. U



Hamu ale dongan na pinarhamaol ni Debata, ditahi rohamuna do nuaeng naeng marbagas. Antong tangihon hamu ma jolo Hata ni Debata taringot tu ruhut ni pardongansaripeon ni halak Kristen. Dung ditompa Debata jolma i, didok Ibana ma : Ndang denggan sasada baoa i punjung, hubahen ma sada borua pangurupi di ibana bahen angkupna. Angkup ni i didok Tuhan Jesus ma : Ganup na paulakhon na niolina, ia so ala ni na marmainan, na pangalangkuphonsa do! Pangalangkup do nang na mambuat na sirang i! Antong na pinadomu ni Debata ndang jadi sirangon ni jolma. Songon on do didok hata ni Debata tu Baoa i : Hamu angka baoa, haholongi hamu ma pardihutamuna be songon Kristus, na manghaholongi Huria i jala na mangalehon diriNa humophopsa. Unang muruk hamu dompak nasida, ingkon marroha hamu mandongani nasida, sangap bahen hamu nasida songon dongan panean di hangoluan na so ra suda. Dung i, songon on do didok Hata ni Debata tu angka Borua : Di oloi angka parompuan ma baoa na be songon pangoloionna di Tuhan i! Ai baoa i do ulu ni pardihutana songon Kristus ulu ni Huria i. Ingkon bontor, porman, toman, mardongan halambohon dohot hamenahon ni tondi parange ni borua i. I ma na arga di jolo ni Debata dohot di jolo ni jolma. Antong, songon angka na marparangehon Hata ni Debata ma hamu! Sumolukkon parasinirohaon dohot habasaron dohot haserepon ni roha ma hamu. Masipauneunean ma hamu dohot masiasiasian! Saluhut riting ni roha, muruk, rimas, panonggahion dohot panginsahion i, dao ma sian hamu. Alai di ginjang ni saluhutna i, masihaholongan ma hamu, ai i do rahut-rahut ni na sun denggan. Dung i dame na sian Debata, i ma mangarajai di bagasan rohamuna. Jala saluhut na binahen muna marhitehite hata nang pambahenan tongtong ma i marhitehite Goar ni Tuhan Jesus, asa Ibana mangarajai rohamuna dohot ulaonmuna. Nunga dibege hamu Hata ni Debata taringot tu ruhut ni pardongan saripeon i.



U



4|Page



Na manunghun ma ahu nuaeng jumolo di ho, ale pangoli : Andri Anop Ritonga na olo do ho manghajongjonghon di jolo ni Debata, na umboto saluhut, dohot di jolo ni angka dongan na pungu



dison, na dipangido roham do si Mery Andani Lumban Toruan na niriritmon gabe donganmu saripe? Na olo do ho manghaholongi ibana sian nasa roham dohot mangulahon sian nasa gogom, huhut marparangehon parange na badia rap dohot ibana; na olo do ho manganjuanju dohot hagaleonna tung sura humurang parangena, jala na so tupa paulahonmu manang tadinghononmu ibana paima disirang hamatean hamu sogot? molo naung sada rohamu mangoloi saluhut na i dok ma : Pangoli : Andri Anop Ritonga : ……… U



Na manunghun ma ahu dohot di ho ale, oroan : Mery Andani Lumban Toruan na olo do ho manghajongjonghon di jolo ni Debata na umboto saluhut, dohot di jolo ni angka dongan na pungu dison, na dipangido roham do si Andri Anop Ritonga on, gabe sinondukmu? Olo do ho manghaholongi ibana sian nasa roham dohot marpangalaho na ture maradophon ibana dohot marparangehon parange na badia paboa halak Kristen ho; jala na so tupa mahilolong ho manang tadinghononmu ibana paima disirang hamatean hamu sogot? molo naung sada rohamu mangoloi saluhut na i dok ma :



Oroan : Mery Andani Lumban Toruan : …



9



U



Antong masilehonan tangan siamun ma hamu paboa hot ni padanmuna : Naposo ni Debata do ahu na mamboan HataNa tu hamu. Marhitehite Goar ni Debata Ama, Anak dohot Tondi Parbadia do ahu mandok : Na pinadomu ni Debata ndang jadi sirangon ni jolma.



U



Pasupasu



Parhalado Pasahathon Akte Dohot Tanda Holong :



10 Pengantin Pasahathon Pelean Sulung 11 Marende No. 159 : 1 – 3 “MARTUA DONGAN ANGKA NA” (P. Pelean )  Martua dongan angka na sabagas, na mardonganhon Tuhan Jesus i Na mangoloi Ibana mansai ringgas, na so marholang tangiangna i Tongtong holong rohaNa di Ibana, manungkun lomo ni rohaNa i Huhut tongtong marguru tu hataNa, dibaen sandok pangalahona i.



5|Page



 Martua baoa dohot inaina, si sadaroha mida Jesus i Na rap marholong roha di Tuhanna, marsaulihon hatuaon i Na sahat sian asi ni rohaNa, tu halak na porsea sasude Ido dibaen nasida haposanna, manang beha parsorionna pe.  Martua na saripe, pangajari di anakkonNa, asa tong burju. Na so marpansohotan ganup ari, tumangiangkon angka i tutu Tu Tuhan Jesus asa sai Ibana, mamasumasu sasudena i Huhut dilehon asi ni rohaNa, manogihonsa tu lambungNa i. 12 Tangiang Panutup.



6|Page



U



Tatangianghon ma nasida naung manjalo pasupasu pabagashon, asa diparorot Debata parsaripeon nasida. Ale Tuhan Debata, Amanami Nabadia jala na sumurung. Hutangianghon hami ma parsaripeon ni si Andri Anop Ritonga dohot Mery Andani Lumban Toruan paloas ma nasida marlas ni roha jala di bagasan hasatiaon, sinondangan ni holong na sian Ho marhite AnakMu Tuhan Jesus Kristus.



H



Ale Tuhan, Asi ma rohaM, oloi ma pangidoannami.



U



Ale Tuhan Jesus Kristus ! Parrohai ma nasida marhaposan tu Ho di nasa gulmit ni ngoluna, lumobi mangadopi panosak ni parngoluon; molo tung ro pe angka pangunjunan dohot hasusaan pamonang ma nasida maralohon angka i. Pargogoi, tungkoli jala apuli nasida uju mangadopi sitaonon dohot parungkilon asa manahan jala satia mangoloi Ho ganup ari.



H



Ale Tuhan, Asi ma rohaM, oloi ma pangidoannami.



U



Ale Tondi Parbadia, sungguli ma nasida asa sai ingot marsaor tu HataM, ajari asa sai hot jala unduk tu patik dohot uhumMu. Paringgas nasida asa ungkap roha dohot pingkiranna mandohoti angka parmingguan dohot parpunguan ni angka na porsea.



H



Ale Tuhan, Asi ma rohaM, oloi ma pangidoannami.



U



Pasupasu nang angka natoras dohot sude sisolhot ni dongannami on. Pasupasu nang pardalan ni adat sian na mamungka sahat tu na paujunghon annon, asa gabe dalan parsaoran nauli, patubu holong masihaholongan, ni rahut ni mudar ni Kristus Tuhan.



H



Ale, Tuhan! Tu Ho ma hupasahat hami nasida. Pasupasu asa marhagabeon di anak dohot boru, hipas jala mangomo di ulaon ganup ari, Amen! (Mangendehon No. 361 : 8 “Na Denggan Situtudo”) Sai tubu pinomparna, di na ubanon i. Margogo do nasida, di namatua i. Girgir di baritahon, na tigor Tuhan i. Na so marhageduhon, pambahenna sasude.



U



Tangiang Pelean. Ale, Debata Amanami na di banua ginjang. Ho do haroroan ni saluhut silehonlehon na denggan dohot nasa uli basa na mauliutus. Hupasahat hami ma sian na nilehonMi tu hami, pelean nami tu Ho. Sai jalo ma i, gabe uap na hushus di joloM. Pasupasu ma i, jala ramoti asa huparhaseang hami pelean on, patimbulhon harajaonMu di tongatonga ni HuriaM dohot di portibi on. Buhai ma rohanami marhitehite tondiM, asa lam hutanda hami godang ni silehonlehonMi, asa lam girgir hami mandok mauliate tu Ho, marhitehite Kristus Jesus Tuhan nami, Amen. Rap mandok ma hita di tangiang hatopanta i.



H U U+H



Ale Amanami…. Pasupasu. Amen…amen…amen.



13 Mar Photo Pengantin dohot Pandita 14 Mandok Hata:



1. Suhut Paranak. 2. Suhut Parboru.



15 Natoras Manjalang Pengantin : laos mamboan Pengantin Haruar sian Gereja Menuju Gedung. Laos ihut ma undangan.



16 Marende No. 141 : 1 “Sai Tiur Ma Langkamuna” Sai tiur ma langkamuna, sai Debata ma donganmuna. Nang surusururanNa pe, Molo di ramoti Jesus, Hamuna ndang tarbahen so tulus, do langkamuna sasude. Antong Tuhanta I, ma donganmuna i, ganup ari, Hamu sude, sai ingot be, tumangiangkon hami be. 7|Page



Pendeta, Guru Huria, Majelis dan Seluruh Jemaat Huria Kristen Batak Protestan ( HKBP ) Padang Lancat Ressort Batang Toru - Tapsel Mengucapkan Selamat Berbahagia & Menempuh Hidup Baru Tuhan Yesus Memberkati



8|Page