MC Maulid [PDF]

Citation preview

MC BAHASA MADURA Penulis Pemeriksa



: Ahmad Fawaid : Ust. Mundzir Nadzir Jundullah



Assalamu’alaikum warahmatullah wabarakatuh Bismillahirrahmanirrahim Alhamdulillahi ‘alimil ghaibi wassyahadah, wasshalatuwassalamu ‘ala sayyidina muhammadin babissa’adah, wa’ala alihi wahahbihi ulissyarofi wasziyadah, amma ba’da Hadratal mukarramin wa sadatal mukhtaramin ashabal fadilah wassa’adah, jami’al masyaikh se karamat, sekapojja ummat, se karamat pantuman ummat, bangket are keamat. Para ‘Olama’ para keae para guru ngaji, para seppo tor anom Lasiya ma Syuyuhinal Kiram, Salerana se molja KH. Zubaidi Ghazali, Wasaa iri mu’allimina hafidza humullah, sareng guru sasembaan badhan kaula ajunan sadhaja se tak kobasa abdina nyebbut dha’ asma agung epon bang sebangnga Matta’anallahu bituli hayatihim, Ka ator dha’ sadhaja lora, otama epon lora kalebun se jemenneng mangko bubbuwan e bumi candi salera epon Mas Lora……………………. Sareng sadhaja parabut nagara epon se badha epamengkang ka’dinto dhisa, se kaonang anjumurongi minangka pamerte sadhaja maghar sare, sopajha tarentem tor asre, A’ana humullah. Ka ator dha’ shahibil baiti wal hajah salera bapak H. Ahmad sabharundhut se ampon nabur kabungaan tor norap kabungaan elokke’an pasemoan saat mangken ka’dinto. Ka ator dha’ sadhaja bhala karaba, para onjhangan, tantaretan tor bhala seppo tor anom Arsyada Kumullah. Songkem pangabakte se kato’or sareng sadhaja Pangesto malar mogha badhan kaula ajunan sadhaja salagghi' kaghanjar bhares salamet tak mangki kakorangan pan ponapan, jumambar sokma jumambar ate. Lerres edihina se kapeng 12 dari bulan molod 1441 Hijriyah. Patot tor parjhuga kera epon anglebati ator kabidhan’ ngireng ngunjuk aki pojji sokkor dha’ poserra cace, guste Allah se amorbhajagad, se ngabuli sadhaja hajat, se ampon notta’ pan saponapan nikmat se tak kabitong jumlah epon, eantarana enggi ka’dinto nikmatul ijtima’, nikmat sehat tor nikmat sempat. Alhamdulillah badhan kaula ajunan sadhaja kapareng nikmat sehat saenggha dhari nikmat sehat kasebbut tombu nikmat sempat , maka dhari nikmat sempat ka’dinto pas abuwa nikmatul ijtima’, nikmatte along polong, nikmatte apol kompol neng e pamengkang se sakalangkong asre ka’dinto, sakadar nyambadani dikanan epon salerana se molja bapak H. Ahmad sabarundhut, edhalem sala settong tareka agung, engghi ka’dinto ngaemodi dha’ bhabar epon kanjeng nabi se agung, nabi Muhammad SAW. Shalawat sareng salam ngereng ator aki dha’ masteka alam, se abakta Dinul Islam, kanjeng Muhammad SAW. Se ampon nera’e petteng calemoddha alam kabhuduwan kalabhan sonar ka elmoan se tera’ nyonar tar kataran. Hadirin hadirat para onjhangan seppo tor anom waffaqo kumullah,



Lir gumilir ejalujur lajir koma lancang badhan kaula minangka parenteng lampa se kapakon ka angguy nata parnatan badhana pasemoan saat mangken ka’dinto.  Antat lampa se sapesan, enggi ka’dinto Pembukaan, ngereng biddhang peddes ca’epon okara bangsalan Madura se tekkes torot epon poka’, ngireng bukka’, kalaban pamaosan surah Assyifa’, Ala hadzhinniyah wa ‘ala qulli niyatin shalihah Al-Fatihah…  Mator sakalangkong, malar mogha kalaban pamaosan surah As-Syifa’ kasebbut daddiya jimat kaodi’an, saengga bisa ekasaong dalem lomampa neter kalenang, abakta pangabakte, sampek tanduk kasamporna’an odhi’ se tengghi mettek.  Antat lampa se kapeng 2 enggi ka’dinto pamaosan Al-Qur’anul Mubin, se badhi emaos sareng salerana se molja Ust. Sadad Ubaidillah, kalaban songkem pangabakte abdina ngatore.  Mator sakalangkong, malar mogha pamaosan Al-Qur’anul Mubin kasebbut daddiya panera’, se tera’ nyonar, saenggha becce’na ate tak sesep pole sareng beccce’na tengka sola, abantal amal sholeh asapo’ pangabakte. Amin 3x  Nojju dha’ antat lampa se kapeng 3 enggi ka’din tembang shalawat nabawiyah, se badhi e maos sareng salerana Ust. Khairunnas. Kalaban songkem pangabakte abdina ngatore.  Mator sakalangkong, malar mogha pamaosan tembhang shalawat nabawiyah kasebbut bisa daddi bukona tambha se tao mabaras rassa kerrong tor taresna edalaem dada, dha’ kanjeng nabi se molja, kerrong se tak remare, taresna se ape tampe, se aleng –leng e pamengkang ate. Amin 3x  Nerros aki antat lampa se kapeng 4, enggi ka’dinto oker okara pangesto, se badhi ejarbha’aki jarna’ sareng salerana se molja bapak Abd. Rasyid otaba se kapakon, kalaban songkem pangabakte abdina ngatore.  Mator sakalangkong, saka’dinto oker okara pangesto, se kaoker, minangka panyamporna pangesto, se abaylembay etalagha kajumambharan, se abaylembay etalagha kabhunga’an, se tera’ tarkataran epasemoan agung saat mangken ka’dinto.  Antat lampa se kapeng 5, enggi ka’dinto bitowa agung, se bhakal majurbu tor majennu ngabulana ate dha’ ka Allah se Maha Ase, se badhi ejarba’aki sareng salera epon se molja KH. ZUBAIDI GHAZALI, kalaban songkem pangabakte se karantep kalaban takdzim se agung, abdina ngatore.  Mato sakalangkong, malar mogha sadhaja dhadhabun kasebbut daddiya obur se kobasa, nera’e petteng calemotte sajja, tor masekken pangabakte, kantos anggadui ate, ate se berse, ate se pote, banni ate se mate. Saenggha ngaso dhari kaso, istirahat dhari malarat, tor dhmmang dhari mang-mang. Aamiin, Aamiin, Aamiin. Ya Rabbal ‘alamin.  Tanto badhan kaula ajunan sadhaja ampon tandhuk dha’ lampa se kapeng 6, lampa se kengbingkeng, enggi ka’dinto ikhtitam biddu’a se badi eseppoe sareng salerana se molja……………………….. Namong sabellunna pamaosan dhu’a ekabidi, sadhaja tengka sola tor angki’ totor basa, tanto tak bakal lopot dari katoppalan, pramila dhari ka’dinto badhan kaula minangka parenteng lampa, ngator aki nyo’ona sapora se tak abates, malar mogha pangesto rabu tor longghu epon ajunan sadhaja dadi bukona tambha se tao mabharas, majumambhar sokma, tor maperna panengal. Se keng-bingkeng sakalean akki’ bhadan kaula ngator aki, nyo’ona sapora atas sadhaja kacangkolangan tengka pola, tor jughan katoppalan totor bhasa. Akhiran… Wallahul muwaffiq ila aqwamit thariq. Wassalamu’alaikum warahmatullah wabarakatuh Kalaban songkem pangabakte abdhina ngatore.