Orti Bali Teks [PDF]

Citation preview

………………………………………………… Penyiar Acara …………………………………………



Om Swastyastu Pamiarsa sareng sinamian, matemu malih sareng titiang I Gusti Agung Krisna Swadistana, rauh ring ajeng pamiarsa Bali TV. Ring galahe sane becik mangkin, tiang jagi ngaturang gatra basa bali saking acara Orti Bali ring wengine mangkin, Rahina Saniscara, Pinanggal pitulas Oktober warsa Kalih Tali duang dasa. Mungguing selanturnyane, orti sane jagi kaaturin minakadi “Pangweruhan Indik COVID-19“. Inggih sane mangkin kawitin titiang antuk orti kapartama ………………………………………………………. Voice Over …………………………………………



Ring Jagate mangkin katibenin gering agung sane mawasta virus COVID-19, sane akeh para pamiarsa uningayang virus punika. Covid-19 utawi Corona virus, inggih punika virus sane kauningin saking baburon lelawah. Virus puniki mawit ring Wuhan, China selanturnyane kaloktah ke mancanegara rumasuk Indonesia. Ring awal penyebarannyane, para jatmane gelis nenten raringa ring virus covid punika. Nika taler sane ngeranayang virus covid akeh ring sajebag provinsi di Indonesia upaminyane ring Bali. Pemerintah gelis nanggepin penularan infeksi COVID-19 puniki anggen makudang-kudang utsaha sane sampun kamargiang ring masyarakat inggih punika Pola Hidup Sehat nginutin Protokol Kesehatan. Sakadi punika, iraga mangda kawikaning indik kawentenan penularan COVID-19, anggen pencegahan ring soangsoang. ………………………………………………………. Voice Over ……………………………………



Ring Indonesia, virus puniki kabaos jagi masalah sane mautama ring berbagai sektor, sane kauratiang ring sektor pendidikan, sektor ekonomi, sektor pariwisata, politik, lan sane lianan. Samian para jatmanyane raris sayaga mangda ngalaksanayang pola hidup sehat. COVID-19 punika virus sane penyebarannyane manut akeh ring partikel udara, genah-genah sane umum minakadi pintu, meja, kursi, lan sane lianan. Sakadi punika, Pemerintah mangkin mautsaha mupunin karahayuan jagate ring era New Normal sane jagi pacang kalaksanayang mangkin. Ring era new normal puniki iraga patut nginutin protokol kesehatan sane sampun kabaos olih Pemerintah. Kawentenan indik COVID-19 ring era new normal puniki minakadi, ngewasuh tangan anggen toya lan sabun 20 detik sasampun nyentuh genah utawi fasilitas umum. Lantas iraga sareng sami patut antuk anggen masker sadurung malancaran. Masker punika anggen nekepin wajah iraga apang nenten prasida keni partikel utawi udara sane terkontaminasi virus COVID-19. Tiosan punika, uningayang yening iraga nenten dados mapupul ring anak akeh sane prasida ngranayang virus punika menyebar ring soang-soang. Lianan punika, iraga dados nyemprot parumahan druwene ring genah malinggih lan sane siosan antuk sane kabaos disinfektan, punika anggen ngenetralang genah sane terkontaminasi sadurungnyane olih anak akeh sane sampun jagi nongosin genah punika. Sareng lianan inggih punika, sampunang masalaman utawi jabat tangan ring anak akeh, nanging iraga dados nyakupang tangan ring arep dane sane nguncarang pangastuti. Sakadi lianan, penyarengan kaum milenial ditepengan kawentenan darurat kesehatan, patut kaurati becik. Manut dane kaum milenial janten madue kawagedan antuk nyarengin pidabdab sakadi puniki, tur ngicenin kaweruhan majeng ring samian krama.



………………………………………………………. Penyiar Acara ………………………………………… Inggih pamiarsa sareng sami, wantah asapunika orti sane marasidayang aturang titiang ring wengi sane mangkin, titiang I Gusti Agung Krisna Swadistana pinaka pengenter acara ngelungsur gengrena sinampura petprada wenten atur titiang sane nenten manut ring arsan ida dane sareng sami. Suksma antuk uratian ida dane sareng sami, sineb titiang antuk paramasanthi Om Santih Santih Santih Om