Sambutan Ketua Panitia Bulan Bahasa [PDF]

Citation preview

Suksema aturang titian majeng ring pengater acara antuk galah sane kapaice ring titiang. Sadurung titiang ngelanturang matur, ngiring sarengsami nunas ice majeng ring sang hyang widhi wasa. Sangkaning pasuecan ida prasida masaduajeng ring galahe sane becik puniki. “Om Swastyastu” Sane Wangiang titiang Bapak Perbekel Sidetapa Sane Wangiang titiang Kelian Desa Adat Sidetapa, Sane Wangiang titiang Bapak MDA Kecamatan Banjar Sane Wangiang titian Bapak Ketua BPD, LPM, Miwah para oleman sareng sami sane sampun sweca ledang rauh ring galah becik sakadi mangkin. Galahe mangkin wantah rahine dahat mabuat majeng irage sareng sami, pamekas sajeroning pemargin pakiling Bulan Bahasa Bali. Mugi-mugi mejalaran antuk parikrama puniki, Base, Aksara make miwah Sastra Bali duen iraga sareng sami, preside setate ajeg kantos ring kapungkur wekas. Ida dane sareng sami sane kusumayang titian, sekadi sane sampun ketah keuningin, mangalane jagad bali, sampun ngamedalang peraturan Gubernur Bali Nomor 79 (Pitong dase sia) warsa 2018 (kalih tali pelekutus) ngenenin indik mebusana adat Bali, makemiwah perbub No 80 (ulung dase) warsa kalih tali pelekutus ngenenin indik penyayob saha pawigunayan, basa, aksara miwah sastra bali, maka miwah pemargin Bulan Basa Bali Satunggil ring sasih Februari. Pidabdab puniki majanten dahat becik saha patut kasokong antuk samian kerama baline, punika pemargi risajeroning nyaga kerajegan budaya bali mawinan Bali prasida setata ajeg. Ida dane para oleman sareng sami. Pinake cihna pangrebe saha panyokong majeng kawentenan Pergub inucap, mawinan ring galahe mangkin, kamargiang pakeling Bulan Basa Bali. Tios ring punika, pamargine puniki taler pinaka cihna sutindih majeng tetamian budaya bali. Napi malih basa, aksara, wiadin sastar bali druene, sampun sayan ketinggalin antuk karma baline. Pengerejeg globalisasi mangde sampunang kantos ngereredang tetamian budaya sane dahat mautama punika. Ida dane sareng sami sane wangiang titiang. Munguing pecentokan-pecentokan sane kemargian ring galahe mangkin minekadi Pacentokan Sambrama Wacana Tingkat Werdha, pacentokan ngewacen puisi Bali Tingkat PKK, karaoke pop bali Tingkat Remaja, wiadin cerdas cermat basa bali, Lan mabusana Adat Bali



Tingkat SD. Ngiring pidabdab puniki kanggen titi pangancan sajeroning nitenin, ngewerdiang sahe ngerajegang budaya bali, pamekas busana adat bali, make miwah base, aksara wiadin sastra bali. Ageng pengaten titian mangde base bali drue, nenten kaanggen rikalaning pamargin pacentokan wiadin pakeling Bulan Base Bali kemanten, nanging sapunapi mangde sayuwakti presida keanggen ring kauripan serahine, bilihbilih base bali wantah cacirin menados karma Bali sahe pinake akah Budaya Bali. Inggih ide dane sane wangiang titiang, wantah asapunika praside antuk titiang mebawos indik acara puniki. Yening wenten atur titiang sane nenten munggah ring pekayunan ide dane, titiang nunas geng rena pengampura, sineb titian antuk parama santi Om santih, Santih, Santih Om