Tata Ibadah Kreatif (Perayaan Paskah Resort-36) [PDF]

Citation preview

TATA IBADAH PERAYAAN PASKAH SERESORT 36 BNKP SENIN, 5 April 2020



1. FANGOWAI SA : Ira ama ina ba talifusö ni’omasi’ö ba döi Zo’aya, da ta’omusoi’ö dödöda ba wamalua fasumangeta, fariawösa ba khö Lowalangi, yai’ita si sambua Resort 36, si no owulo ba nahia andre. Ma’owai ami badöi Keriso si no maoso. YA’AHOWU. Sato : Ya’ahowu SA : Datahalö khöda wa’ahono dödö, tasuno Lowalangi, manunö ita tafaduhu’ö wa Yesu si no maoso, ni töröda tödö ba zima’ökhö andre, no Razo Ia ba wa’aurida ba lala Ia khöda saekhu khö Nama. Manuno ita sinunö fanuno Lowalangi “Yesu döla nagu sindruhu”. YESU DÖLA NAGU SINDRUHU Yesu döla nagu sindruhu, ba no ndraha samati fefu Lõ ibe te’ala noso zanötöna, asala mamati ba döi Yesu Fefu ndraha si faefa ba döla, lö mowua da’ö lö mofozu Si manö ita na faröi ba khö Yesu, andrö böi famalö angalulu Reff : Yesu razo wa’aduhu sanaisi horögu fefu Yaiya zondrorogö yaita ba lala saekhu khö Nama Yesu razo wa’aduhu sanaisi horögu fefu Yaiya zondrorogö yaita ba lala saekhu khö Nama



2. VOTUM (Muzizio Zato) SA : No’owulo ita ba da’e, ba döi Lowalangi Ama, ba ba döi Nono-Nia Yesu Keriso, ba ba döi Geheha Ni’amoni’ö. Fangorifida ha ba döi Yehowa si no momböi banua si yawa awö danö. Sato : Yaduhu SA : Ba na lö mususugi Keriso, ba si lö boto wamatimi andrö, ba lö si tebulö ami ba horömi. Ba iada’e, ba no mususugi Keriso, moroi ba ngai zi mate (1 Kor. 15 : 17 ba 20a) Sato : Manunö: BZ. Numero: 452 “Haleluya”



3. YESU SAURI Yesu sauri so Ia ba dödögu 3x Yai’a zamatörö fa’aurigu Yesu sauri so Ia ba dödögu 3x Ba wogamö fa’auri silö aetu



4. AINE TASUNO YESU Aine tasuno Yesu, ta fosumange Ia suno-suno Haleluya Aine talau manunö ta’andrö saohagölö wa’omasi-Nia No’i’efa’ö ita sa ba danga gafökha sino mamaelungu niha Talulu wa’aurida tafosumange Ia, suno haleluya Reff : ooo.. Yesu sahakhö tödö si möi ba gulidanö wangefaö si so horö Ooo... khö-U lakhömi sebua, si yawa ba zorugo Sitou ba gulidanö Masuno-suno ndra’ugö fa’omuso-muso dödö 1



Meno ö’höliga fefu ba wa’omasimö Modadao Zato 5. FOMBASO TAROMA LI LOWALANGI Da tabaso daroma Li Lowalangi, tehalö moroi ba zura II Moze 15:1-11 (ni fagema-gema ) SA : Me luo daʼö lalau zinunö andre Moze ba Iraono Gizeraeli, wanuno Yehowa, lamane wanunö: ”Daʼusuno Yehowa, me no salawa sebua ia; kudo ba si fakudo yawa, ba no ituliʼö ba nasi. Sato : Faʼabölögu Yehowa ba fanunögu, me no sangorifi yaʼodo ia; Lowalangigu ia, andrö usuno ia Lowalangi namagu andrö, uʼebuaʼö duriania SA : Sabölö ba wanuwö Yehowa andrö; Yehowa döinia Sato : Kureta andrö khö Waraʼo ba sabölö andrö khönia, ba no ituliʼö ba nasi, ba nitutuyu andrö, si fasõndra moroi ba gureta yawa, ba no alömö ba nasi zukhu SA : No ibalugö ira namö nasi; ba dawuyu ahöndrö ira, hulö gara Sato : Si so lakhömi dangau kambölö, yaʼugö, Yehowa, ba waʼabölönia andrö. Tangau kambölö andrö, yaʼugö, Yehowa, ba irasa nemali SA : Ba ba waʼasalawamö andrö, si no ebua sibai, ba öhori zi faʼudu khöu. Na öbeʼe tesao mbakhuhakhu dödöu, ba iʼa ira, si mane femanga galitö döla wakhe Sato : Ba wehöfuhöfumö, ba wönumö, tobaʼa nidanö; abeʼe hohou, hulö mbaʼabaʼa; hulö zi baku hou nasi SA : Imane emali: Daʼugohi ira, ukhamö dania: ufaosa dania nirabu, uʼabusoiʼö ndraʼo ba khöra. Udõni ziʼöli; ihori ira tangagu andre Sato : Öfatörö hanuhanumö andrö, ba ihawui ira asi; ahöndrö ira, hulö zimo, ba nasi sebua sibai SA : Ha niha Lowalangi si fagölögölö khöu, yaʼugö. Yehowa! Ha niha zi fagölögölö khöu, yaʼugö, salawa sebua lakhömi, yaʼugö, sataʼu ita, ba wolaumö andrö, sebua turia, solau sahölihöli dödöda!



6. FANGANDRÖ FANGEFA HORÖ (Muzizio Zato) Manunö : YA’E DÖDÖ HE LOWALANGIGU Ya’e dödö, he Lowalangigu, si no momböi ya’o Omasido, ufuli ndra’odo, enaö lö tekiko Ya’o ni’osawuyu horö, si no balunö hörö dödö Tema ndra’o, he Keriso He tödögu, sunosuno Yesu, solomasi khögu No fondrege, wa’omasi-Nia, götö wa’aurigu Ba zokho Yesu no usöndra, wa’ohahau soroi Geheha No utema, khö Zo’aya SA



: Turia Wangefa Horö : “Imane taromali Li Lowalangi: ‘Ba no erege dödö-Gu öbe’e ba horöu andrö, no öfakao-Do olalöwamö. Ya’o, Ya’odo andre zamunu lalöu andrö, börö Ndra’o, ba lö’ö sa’ae itörö tödö-Gu horöu’ (Yesaya 43:24b-25)”. LAKHÖMI KHÖ LOWALANGI SI YAWA



Sato : Manunö: “Bafa’atulö ba gulidanö, ba niha ni’omasi’ö andrö”. (Mudadao Zato) 7. FOMBASO WAÖWAÖ WEMAOSO YESU SA : Da tafondrondrongo waöwaö wemaoso Zo’aya yaita Yesu Keriso: (1) Manunö moroi ba BZ No 113:1 + Fombaso Matai’o 28:1-4 (2) Manunö moroi ba BZ No 113:2 + Fombaso Matai’o 28:5-8 2



(3) Manunö moroi ba BZ No 113:3 + Fombaso Matai’o 28:9-10 (4) Manunö moroi ba BZ No 113:4 + Fombaso taroma Li Lowalangi nibaso föna huhuo moroi ba zura 1 Korindro 15:1-11 8. FASÖMBATA Manunö moroi ba BZ No 257 : “DA MA’OHE KHÖ-U ZUMANGE” 1. Da ma’ohe khö-U zumange faösmbata soroi dödö Föfö mbuala-Mö khöma ba zilalö Reff : Ma be’e khö-U wasömbata fangebua mbanua-Mö Tema ia ba wa’omasi-Mö So’aya 2. Da ma’ohe khö-U zumange fasömbata soroi dödö Botoma ma’asambua niwöwöi-Mö Reff : Ma be’e khö-U wasömbata fangebua mbanua-Mö Tema ia ba wa’omasi-Mö So’aya 3. Da ma’ohe khö-U zumange fasömbata soroi dödö Nosoma ba fa’aurima soroi khö-Mö Reff : Ma be’e khö-U wasömbata fangebua mbanua-Mö Tema ia ba wa’omasi-Mö So’aya 4. Da ma’ohe khö-U zumange fasömbata soroi dödö Tödö ba era’erama no ta’unö Reff : Ma be’e khö-U wasömbata fangebua mbanua-Mö Tema ia ba wa’omasi-Mö So’aya 5. Da ma’ohe khö-U zumange fasömbata soroi dödö Sinunö ba fangandröma no oi ambö Reff : Ma be’e khö-U wasömbata fangebua mbanua-Mö Tema ia ba wa’omasi-Mö So’aya Da tafasao wasömbatada andre föna Lowalangi, muzizo ita fefu ba manunö ita moroi ba BZ No. 261 “YA’E ZUMANGE” ………….. Mudadao zato 9. KOOR DAN VOKAL GROUP 10. MANUNÖ “LÖ FA’ABÖLÖ BAERO DAROMALI-MÖ” Lö fa’abölö baero daromali-Mö sanuturu lalagu Enaö u’ila fefu nifaluagu samolakhömi töi-Mö Lö tewu’a daromalimö Ama samohouni tödögu Enaö u’ila fefu mbua-buagu faudu ba zomasi’ö Reff : Faduhu sa dödögu ba daromali-Mö Ama Fa’ema khögu ubokai dödögu Be khögu Geheha-Mö samotokhi ba dödö Lö sitebai Yesu ba daromali-Mö 11. HUHUO SEBUA (ZINUNÖ 136:1-10) Aefa huhuo sebua : Manunö moroi ba BZ No. 156 “HE SO’AYA BÖI BULÖ’Ö” He So’aya, böi bulö’ö, khögu daromali-Mö Ufonaha ba dödögu, me no haregu da’ö Ba da’ö sa manandrösa, wanötöna dödögu Lö moguna danö bö’ö, Li-Mö wangorifigu 12. TUHO WAMATI 13. ANGOMBAKHATA BA MBANUA NIHA KERISO



3



14. MANUNO : BZ. NO. 463 “HARE FONDREGE ZI SÕKHI” 1. Fa’omasi Lowalangi, no fondrege zebua böli Ifatenge Zangöhöli, ba wangorifi samati Reff : Hare fondrege zi sökhi, röfa Yesu tatöngöni Da’ö zinema zamati, nibe Lowalangi 2. Sanau’ölö ba wamati, so luora fangorifi. Ni’asiwai Zangöhöli, fa’omasi Lowalangi. Reff : Hare fondrege zi sökhi, röfa Yesu tatöngöni Da’ö zinema zamati, nibe Lowalangi



15. FANGANDRÖ SALAHI + FANGANDRÖ ZO’AYA + HOWUHOWU 16. MANUNÖ : BZ NO. 503. “NO UFILI U’O’Ö YESU “ Ba no ufili u’o’ö Yesu 3 x Tebai uröi, tebai uröi Ba röfa Yesu so so dödögu 3 x Tebai uröi, tebai uröi SH : Ya’ahowu Sato : Ya’ahowu



4