Teks MC Pangenter Kramaning Sembah [PDF]

Citation preview

TEKS MC PANGENTER KRAMANING SEMBAH ST. TARUNA SUKA DUKA PADANGTEGAL KAJA Om Swastyastu Ainggih Ida dane pamedek sareng sami, sane mangkin durus genahang aturan duene ring genah sane sampun kacumawis ring ajeng linggih Ida Bhatara. Manawi genah aturan duene sampun kosek ring ayun, titiang nunas majeng ring silih sinunggil dane jero mangku mangda prasida ngemargiang tirta penglukatan ring aturan sane sampun wenten ring ayun. Majeng ring pamedek sane wawu rauh, titiang nunas mangda masanekan abos-bos, duaning genahnyane sampun kosek, Ainggih ida dane pamedek sareng sami, duaning Dane Jero Mangku sampun puput ngastawayang bhakti duene, kramaning sembah jagi kakawitin. Sane mangkin durus ngerereh genah melinggih sane becik, ngelantur jangkepin srana pamuspan duene. 1. Asep-asepin tangan duene maka kalih ngantos angga sarira, sembah kapertama ngulengin pikayun malarapan antuk sembah puyung. Ainggih durus unggahang. Tedun. 2. Sembah kaping kalih masrana antuk sekar petak, uleng pangubakti majeng ring Sang Hyang Siwa Raditya. Inggih durus unggahang. Tedun 3. Sembah keping tiga masrana antuk Kwangen, uleng pangubakti majeng ring Ida Bhatara_Bhatari sane melingga-melinggih ring ayun. Durus unggahang. Tedun. 4. Sembah keping pat masrana antuk Kwangen utawi sekar angkep, uleng pangubakti majeng ring Ida Bhatara Samodaya. Durus unggahang. Tedunang. 5. Sembah keping untat, sembah puyung malih apisan, nunas wara nugraha sapisanan matur Dewa Parama Suksma. Durus unggahang. Tedunang. Kramaning sembah sampun puput. Titiang nunas majeng ring Jero Mangku sinamian mangda prasida micayang Tirtha Wangsuhpada Ida Bhatara pingkalih Bija. Titiang nunas majeng ring pamedek sinamian, sadurung sami polih nunas wangsuhpada Ida Bhatara mangdane nenten metangi riin. Ida dane pamedek sareng sami, sane mangkin tincapang bhakti duene antuk nenten ngutang srana pamuspan sane sampun kaanggen ring natar jeroan pura. Titiang nunas majeng ring pamedek sinamian, srana pamuspan sane sampun kaanggen mangda kapupulang tur kagenahang ring tempat sampah sane sampun kacumawis ring pamedal sisi kelod. Taler uningayang titiang majeng ring pamedek sinamian, yening ida dane jagi mapamit, mangda nganggen pamedal sisi kelod. Inggih, duaning sami sampun polih nunas Wangsuhpada Ida Bhatara lan Bija, sane mangkin kaangkat sampun metangi.