Bali Cerpen [PDF]

Citation preview

Tan Harus Ngelahang Luh Made Kasih, kaukin manten tiang luhde. Tiang mangkin sampun matuuh pitulas tiban, sane mangkin nu ngangge seragam sekolah putih abu ring SMA N 1 UBUD. Mangkin dina anggara, Matan ai sampun medal nyiriang semenganne sampun rauh, makesiab tiang ningalin galah sampun jam 06.00 ngenggalang tiang manjus lantas siap- siap nuju sekolahang. Pas jam 07.00 tiang macelep ring gerbang sekolah e ngangge sepeda motor. Lantas tiang mejalan sambilang nolih situasi lingkungan sekolah e, mare jam monto sube liu murid e beraktivitas. Tiang tetep majalan ten ngeringuang apa, lantas majalan ke ruangan kelas tiang e sane magenah pas dajan ruang guru e. “limang menit kalintang” Kring…kring…kring… Bel sekolah e sampun madering, sane ngaenang murid e makejang enggal- enggal macelep ke ruang kelasne suang-suang. Makesami murid e negak dibangku lan mirengin munyi gurune. Tiang ring sekolah dados nyarengin Organisasi Siswa Intra Sekolah (OSIS), dina mangkin titiang sareng pengurus OSIS sane lianan ngadangin rapet rutin sane ka bahas tentang penerimaan siswa anyar lan Masa Orientasi Siswa ( MOS), rencana ne kegiatan ento nikang malih abulan. Jam 13.15 siswa makasami sampun budal saking sekolah. Ring margi wenten I Wayan Putra lan I Made Raka majalan sambilan makedekan. “Ka, sube paek jani UAS e sube ade peningkatan melajah?” petaken I Putra e. “Beh, ngewalek Putra ne, sube tawang tiang males buka kene dije taen nyemak buku di jumah” saut I Raka.



“Hahahaha, tiang metakon de kadene malajah Ka, tiang sube patuh sing taen melajah, nepukin dogen sane madan integral tiang sampun kebus dingin” raos Putra sambilanga kedek. “Beh, kaden tiang je Putra melajah manten jumahne, tiang masih patuh nepukin sane madan Grammar jek nagih pegat angkiane hahahahaha ” saut Raka nguyonin I Putra. Kedek ngakak lantas ipun sareng dadua ring margi. Ring atenge perjalanane Putra lan Raka, nepukin anak bajang jegeg ring arep ipune, inggih punika Luh Ayu. Raka cengar-cengir nepukin paras Luh Ayu saking duri. “Aduuh…. Jaen gati bodine Iluh Ayu” munyi I Raka e. Kedek lantas I Putra “ Khakakakak, Apane jaen Ka? Sampunang je makeneh sane joh-joh mare nepukin bodi seksi”. Masaut lantas I Raka “Sing ade pelihne bercita-cita ngelah somah care Luh Ayu Tra”. Kedek ngakak lantas I Putra. “Duarrrrrrrr…..” saget tiang ngesiabang Putra lan raka saking duri ipune sareng dadua, makesiab lantas I Putra Sareng Weda. “Aits…… Luhde jek ngae atman tiange nagih makecos, kaden tiang men sire” raos Putra sambilanga makenyem. Kedek lantas Luhde “Hihihihihi…… ampura Tra, boye je maksud tiang ngae atman Wedane makecos. Dados ngakak kedek sareng I Raka?”. “Ne, nak tuah maguyonan sareng Raka Luh” pisaut Putra bawak. “Beh, sube imang UAS sampunang kedek-kedek manten Putra, punapi yening iraga ngae kelompok belajar sareng tiang, Putra, Raka lan Tuayu?” raos tiang.



“Tiang setuju manten Luh, ide becik sajan punika. Nanging timpal tiange Raka niki punapi ye?” pisaut Putra e. “Tiang setuju manten, nanging dije nike pacang kalaksanayang Luh ?” pitakon I Raka. “Ring umah tiange punapi? Nanging sampunang kanti sandikala, iraga ngawitin saking jam 3-4 punapi?” saut tiang. “Setuju…!!!” raos Putra lan Raka sibarengan. Lantas onyangan enggalenggal majalan mulih sawireh lakar malajah bareng ring umah tiang e Sesampune jam 2.55 Putra lan Raka majalan sinarengan jagi malajah bareng ring umah tiang e. Sesampune neked irika sampun wenten tuayu ring umah tiang e. “Sube makelo antos tiang, dados wawu teke Ka?” pitakon tuayu e. “Nak tiang makelo ngantos Putra mapayas Tu” pisaut Raka sambilanga kedek. “De to gugune tu, nak tunian wenten toris nakonang pertamina tiang ngatehin torise punika ke pertamina, niki tiang icene sepuluh ribuan” pisaut I Putra sambilanga ngedengang pis ipune. “Dueg gati timpal tiange niki” saut tiang sambilan kedek. Makenyem lantas Wayan Putra polih pujian saking Luhde e. “Ngiring jani kawitin malajahe, apang nenten makutang waktune” raos tiang e. “Inggih…!!!” pisaut Putra sareng Raka. Sesampune jam 4.00 Putra, Raka lan Tuayu mapamit saking umahne Luh de kasih e. Sujatine I Wayan Putra demen sareng Luhde kasih lan I Made



Raka demen sareng Tuayu. Nike ngranayang Putra lan Raka dados semangat melajah bareng ngajak Luhde sareng Tuayu . “Telung minggu sampun majalan” Putra lan Raka sampun dados siswa sane becik sane seleg malajah. Mangkin Putra , Raka tiang sareng Tuayu sampun dados siswa sane nyalanang kewajiban ipune antuk malajah, mangkin ipun sampun siap ngadepin UAS. Tepat mangkin dina pertama UAS, siswa makesami macelep ke ruangan sane sube tentuange teken panitia UAS. “gelisan satua….” Mangkin tepat abulan suba tiang ngadangin rapet tentang penerimaan siswa baru sareng MOS ring sekolah sareng pengurus OSIS sane lenan. Mangkin tiang sareng pengurus OSIS sane lenan dados panitia ring sekolah. Galah e sampun jam 06.30 ngenggalang tiang nuju sekolah lantas nuju meja registrasi pendaftaran calon siswa baru. saget tiang ningalin muani sane nenten tiang uning wastan nyane. Desiran anginne nyinahang ade rasa sane len sane tiang rasayang nanging tiang ten uning rasane punika. Siswa anyar sampun kumpul ring arep laboratorium biologi ,sedek ento malih tiang ningalin muani sane tiang cingakin wau, muani ento panyingakanne paling lantas nenten makeneh tiang maekin muanine ento. “Ampura dik, dados tiang uning adik kenapi nggih? tiang ningalin adik paling gati uling tuni.” Teges tiang “Niki mbok tiang paling ngalih laboratorium biologi.” Sautnyane “Oh kenten dados tiang nulungin ngalih, awinan tiang dados panitia riki.” Raos tiang



“Oh Nggih, suksma.” “Nggih, suksma mawali, ngiring adik tiang ngtehang ngalih Lab.biologi” saut tiang e Lantas tiang ajaka dadua ngalih Lab. Biologi, nanging ditu lantas tiang mataken. “dik, yening dados tiang uning, sire wastanne?” “ Oh engsap tiang nyinahang raga, Tiang mawasta Bagus. Yening gek?” “Tiang mawasta luhde” saut tiang e sambilan mejabatan tangan. “Gus dados tiang mataken kidik?” “Dados, jagi mataken napi Luh?” “sampun kude tuuh Bagus e, ados tiang merase ragane meyaban nggih?” pitaken tiang e “tiang sampun pitulas tiban nike, ipidan tiang telat masuk nike.” Saut I Bagus e “oh kenten, patuh je care tiang wawu pitulas tiba nike. Gus sampun madue tunangan?” malih tiang mataken Ningeh pitaken tiang punika lantas Bagus bengong lan ngenggalang ia nyautin.” “Heehee durung.” Saut I Bagus “Oh kenten, ampura nggih tiang mataken kenten.” “Nggih ten kenapi.” Sedek rahina ento tiang ngajak Bagus sayan paek, nanging rahina salanturne nenten sakadi napi sane tiang arepang. “A minggu suba laliwat….”



Wengine sampun rauh, deburan ombak ngicalang sepine ring wengi Pelabuhanne, Pelabuhan sayan rame luh muani pada rauh ngicalang sebet ati. Tiang negak ring duur batune ngajak muani sane mare a minggu tiang uning sambilang nyingakin damar langit sane mangkin nyunarin jagate. Sayan makelo bebaosanne sayan nenten prasida tiang uning pamuputnyane. Kanti rasa puniki nenten malih prasida ngengkebang. Saget muani sane bagus mawasta Bagus punika makenyem lan ngeraos “Tiang tresna ngajak gek”, ningeh munyi buka keto bayune terasa ring tangkah nenten prasida tiang nyautin. Nanging rasa bagia punika nenten makelo tiang rasayang, rikala ento Bagus malih ngeraos “Nanging tiang nenten prasida dados tunangan iluh, nyakke iluh dadi tunangan a wengi manten krana beli nenten nyak luh kecewa nyanan, milih tiang dados tunangan iluh e.” Raos I Bagus e Ningeh munyi buka keto, yeh paningalanne pesu lantas tiang ngeraos “Napi musti tiang kecewa yening niki sampun dados keputusan tiang” saut tiang e ”Nanging tiang takut yening benjangne luh lakar kecewa, yening luh ten nyak dados tunangan tiang, engsapang manten bebaosan tiang ne wau, mangkin tiang lakar nganggep luh ento timpal tiang e manten lan keto masih iluh musti nganggep tiang ento timpal manten nenten lebih, nyanan makelokelo rasane punika pastika lakar ical”, keto pasaut Bagus teken tiang sambilanga ngapus yeh peningalan tiang. “Sapunapi yening rasa puniki nenten prasida ical?. Sepatutne Bagus nenten ngungkapang tresna punika. Aluh gati Bagus ngomong lakar dadosang



tiang tunangan a wengi, napi bagus nenten nyingakin rasa tiang sapunapi? yening bagus nenten seken ngajak tiang, diolas bagus sampunang malih rasane puniki pelalianga lan de malih ngomong tresna ngajak tiang”. Sampun telas tiang ngeraos kenten lantas tiang ninggalin pelabuhanne. Neked di jumah tiang muka pintu kamar sambil ngetel yeh peningalanne, lantas tiang ngerebahang raga ka duur kasure lan makta dewek tiange ka tengah ipianne ngarepang mangda rasa puniki prasida ical benjang. Suaran siape pada pakruyuk lantas tiang bangun uli sirep nanging rasa sakit puniki enu masih karasayang. Matan Ai sayan negehang enggal-enggal tiang manjus. Sampun suud manjus tiang ngalinan dagang nasi sane paek uli umah tiang e, neked ditu tiang makesiab lan terasa sesek ring tangkah nepukin anak muai sane tiang demenin ngajak anak luh elenan. Lantas nyaru-nyaruang tiang nenten ningalin Bagus sane negak ring kursi samping dagang nasine. “Buk numbas nasi bungkus nggih, siki manten” keto tiang ngeraos teken dagang nasine, lantas Bagus ningalin dewek tiang sane majujuk ring arep dagang nasine. Bagus ngaukin tiang sambilange makenyem “ luhde.. luhde…”. Ningeh Bagus ngaukin lantas tiang nyautin. “Eh, bagus ngajak sire meriki?” saut tiang e “Niki ngajak tunangan tiang” sambilanga makenyem. Ningeh raosne Bagus buka keto tangkahhe sayan sesek, tiang makeneh napi niki awinan Bagus nenten nyak dados tunangan tiang lan ene sane ngeranayang ia ngajakin tiang dados tunangan a wengi manten. Mare ibi ia ngeraos tresna, nanging apa ane tiang tepukin jani, ia ngajak tunanganne.



Ningalin tiang bengong, malih Bagus ngaukin.“luhde, ngudiang bengong?” “Eh, ten kenapi gus, maluan nah gus” keto pasaut tiang sasampun nyemak nasine sane sampun kawungkus. Neked ring jumah, tan karasa yeh paninglanne ngetel, sebet ane karasayang ring ati. Nanging tiang inget tresna sane tiang rasayang nenten prasida kawales. Sedek rahinane ento tiang ajak Bagus nenten malih makunyit di alas lan nenten malih uning gatrane, mangkin tresna sane wenten tetep stata karasayang yadiastun tresna puniki tan sida gelahang.



CERPEN BAHASA BALI



Nama



: Ni Made Ayu Roswana Dewi



No



: 19



Kelas



: XI MIPA 1



Tahun Ajaran 2016/2017