58 - Surat 318 Tata Kebaktian Etnik [PDF]

Citation preview

KABAKTIANG MINGGU KALIMA JAMAAT GPM (….................................) KLASIS KOTA AMBON. DENG TARU INGA HARI REFORMASI GAREJA Har’ Dominggu, Tanggal Tigapulsatu, Bulang Sapulu, Taong Duaribu Duapul’Satu SIAP-SIAP  Liturgi pung warna Ijo  Tanggu kolekta musti pake kamboti, la akang pung atas meja/di atas taplak meja alas deng daong kalapa yang jadi model etnik di kabaktiang  Majalis tetap pake dong pung baju liturgi deng stola  Yang bantu par ator kabaktiang (pendukung sekunder) paleng bagus pake pakiang gareja (kabaya itang deng baniang) tagal kalo pake baju cele/kurung mata cele mera yang biasa katong pake tu, itu baju papalele di pasar kio) Kalo parampuang dong pake baju cele biasa jang dong pake deng kalet, lebe bae kaeng salele. Labe lai, jang pake kabaya dangsa deng nona rok, tagal itu bukang pakiang gareja.  Jamaat bisa pake pakiang daerah dar dia tana asal (Ambon/Maluku Tengah, Kei, Tanimbar, Tobelo/Maluku Utara, MBD, dst).  Paleng pas kalo yang iring kabaktiang ni alat-alat musik etnik, maar seng paksa biar iko jamaat pung keadaan saja  Kampinjang 3x bisa jua deng tahuri, tifa ka seng toleng-toleng pung babunyi MASO KABAKTIANG  Sombayang di Konsistori  Baca Jamaat pung Barita DATANG PAR TUHAN Kampinjang 3x babunyi (pas suling su tado), jamaat badiri la manyanyi “NJ GPM No. 1”. Pandita, Majalis yang pung tugas, Yang Baca Alkitab, Kolektaan, Pandita deng Majalis yang laeng maso ka dalang gareja Loling dalang urun, wean i tas dow munuk roak ita tal did dadedang didtinemun traning Duila’a o tdedang owu tiwal ma didtinemun traning Naran o tot inad lolin ma tfadawang Ubu tot inad lolin ma tfadawang Ubu



Akang manis lawang kalo katong samua su bakumpul Katong manyanyi sama-sama puji Tete Manis e Toki tifa dendang, la rame-rame angka suara Katong barsuka somba Tete Manis Katong barsuka somba Tete Manis



Tuhan Ada Deng Katong Pandita Basudara jamaat samua! Kabaktiang yang katong biking ni, akang jadi deng nama Allah yang biking langit deng dunya, Yesus Kristus yang su tebus katong pung dosa deng kasi salamat katong, Tuhan pung Roh yang biking katong pung hidop jadi baru deng yang biking katong hidop tarus-tarus deng Allah Jamaat ‘ELO! Pandita Allah kasi dame par jamaat salalu Jamaat (manyanyi) “Tete Manis Pung Sayang Basar”



Nas Alkitab Yang Jadi Dasar Par Kabaktiang Pandita Paulus pung Surat Partama par Jamaat di Tesalonika pasal dua, ayat ka sapuludua; jadi katong pung Nas di Kabaktiang ni, KATONG BUJU KAMONG BIAR KAMONG PUNG HIDOP BIKING ALLAH PUNG HATI SANANG. BARANG, ALLAH YANG PANGGEL KAMONG PAR JADI ANTUA PUNG ORANG-ORANG WAKTU ANTUA PARENTA DUNYA INI DENG NANTI ORANG-ORANG TARU HORMAT PAR KAMONG MACANG DENG DONG TARU HORMAT PAR ANTUA. Jamaat Manyanyi “KJ No. 314 : 1” (TOBELO – INDONESIA)



HUBA WOWANGO MATITI HOWI HUBA HIADO ADONIKA O HOROGAKA, HUBA WOWANGO MATITI O GO GULE DE HO MAGARAGO DE HO NYANYI MANGALE SUKUR UNANGIKA HI HUBA WOWANGO MATITI



PUJILAH SUMBER HIDUPMU; PUJI DIA DI DALAM SORGA SAMPAI KEKAL ABADI, PUJILAH SUMBER HIDUPMU! BUNYIKAN BERSAMA SULING DAN REBANA SAMBIL MELAGUKAN SYUKUR BAGI TUHAN. PUJILAH SUMBER HIDUPMU!



--Abis Manyanyi, Jamaat Langsung Dudu--



Taru Inga Tuhan Pung Sayang Pandita Oras ni katong musti bilang dangke par Tuhan Yesus. Tagal Antua sa basudara e, sampe katong bisa bakumpul la manyanyi barsuka di Kabaktiang ni. Katong inga to kalo har’ laste di bulang sapulu tu, gareja biking akang par Hari Reformasi Gareja. Yang dalang tuturan carita dar dolo sampe sakarang katong su dengar Antua Bapa Marthin Luther yang biking sampe ada gareja protestan sakarang ni. Jamaat Katong paleng barsuka, tagal orang tatua dolo-dolo, penginjil deng samua orang yang sampe sakarang ada sibak galombang, toma aros, hotu gunong, bajalang sondor kanal lala cuma par kastau kabar bae, Injil Kristus par samua bangsa Pandita Injil tu yang bisa biking katong manyatu biar katong pung bahasa seng sama. Biar seng sama, maar itu biking malimpah deng sagala budaya (baku balas salam deng bahasa-bahasa)1 Ambon TABEA! Jemaat TABEA! MBD KALWEDO! Jemaat KALWEDO! Kei VELBE! Jemaat BOIKAT! Saram Timur SALAMATO! Jemaat O, SALAMATO! Masela KU’AN! Jemaat KU’AN! Fordata RALAN MALINAN! Jemaat MALINAN TORU! Samua manyanyi :



1



masing-masing Bahasa deng orang yang su dapa tunju pake baju daerah. Maar kalo seng ada, bisa sa kasih pandita baku balas deng Jamaat



Mangaku Dosa



(Remaja saorang maso dar pintu gareja bagiang muka, bajalang ka altar la tikang lutu di situ tarus mangaku dosa… orjen ka suling kas babunyi lagu “makin dekat Tuhan”)



SIO TUHAN… SIO ALLAH YANG KATONG SOMBA E… KATONG MANGAKU KALO DALANG KATONG PUNG HIDOP SABANG HARI, KATONG JAGA BIKING APA YANG BAPA SENG MAU. KATONG PAKE KATONG PUNG PIKIRANG PAR SUSUN SIASAT TARBAI DENG RENCANA JAHAT, BUKANG RENCANA YANG BAE. KATONG PAR SASAJA KAS KALUAR KATA YANG BIKING LUKA SUDARA PUNG HATI, BUKANG KAS KUAT DONG DENG KATA-KATA YANG BAWA DAME MAR KATONG BIKING DONG SAMA SENG PUNG ARTI APAPA. KATONG JAGA BIKING APAPA YANG KAS CILAKA ORANG LAENG. KATONG BAKU BAKALAE DENG BIRMAN CUMA PAR TIRIS DENG KINTAL SAPOTONG. BAKU MALAWANG TAGAL BATUSU MULU KIRI KANANG DENG BANYA HAL YANG BIKING KATONG SENG RASA DAME DALANG HIDOP. KATONG BIKING RUSAK TANA, AER DENG UDARA DI KATONG PUNG NEGRI LA TAR KALESANG PAR HIDOP YANG BAE Jamaat



(manyanyi



) Allah Kasi Ampong Katong Pung Dosa Penatua Par basudara samua yang batul-batul mangaku dosa par Allah deng yang batul-batul manyasal



basudara dong pung dosa-dosa, Allah su kasi ampong basudara dong. Ini su tatulis dalang kitab Yesus pung Utusang pung Carita pasal tigablas ayat tigapulu dalapang deng tigapulu sambilang 2 yang bilang kata, “Basudara e! Kamong musti tau kalo tagal Yesus mati di kayo salib, Tuhan kasi ampong dosa-dosa. Ini ni pasang yang katong ada bilang par kamong. Jadi sapa sa yang parcaya Yesus, Tuhan kasi ampong dia pung dosa samua la anggap dia pung hidop batul...” “Hoko au beteke ete kwalia imi leke imi rekwa be ami beteke be Alla Iampune imi dosaru le



Yesuse Imata kai kwana suike ete imi peneka. Kai sire ihlaleke lokolje, Alla Inete loko eni dosaru moneka. Kai sire pine ilulu hukume rebe Musa ilekire po ihlaleke loko Yesuse mo, hoko Alla mete loko eni dosaru rame!” 2



Bisa pili sa, mo pake Bahasa Malayu Ambon ka Bahasa Alune ka, iko jamaat pung keadaan sa…



Jamaat Manyanyi KJ No. 36 (Alune - Indonesia) SIRIKE ‘KU DOSARU, BEI YESUS AMU LALAKWE SIRIKE MAKERAKE BEI YESUS AMU LALAKWE MAKA KOA DOSA, TUHAN AMU LALAKWE AURU MISE MEIJE, BEI YESUS AMU



DIHAPUSKAN DOSAKU HANYA OLEH DARAH YESUS; AKU PULIH DAN SEMBUH HANYA OLEH DARAH YESUS. O, DARAH TUHANKU, SUMBER PEMBASUHKU! SUCILAH HIDUPKU HANYA OLEH DARAH YESUS.



LALAKWE



Hidop Iko Tuhan Pung Mau --Jamaat langsung badiri-Pandita Tagal itu basudara jamaat e, mari katong baku sayang satu deng laeng. Barang, Allah sandiri su sayang katong labe kamuka deng su utus Antua pung Ana par datang tabus katong pung dosadosa, biar katong bisa baku bae deng Antua (1 Yohanis 4 : 10-11) Jamaat Manyanyi NJ GPM No. 157 “SABIJI ARENG-ARENG” --jamaat dudu kombali-BACA DENG DENGAR ALLAH PUNG AJARANG  Sombayang Minta Tuhan Pung Tolong3 Penatua Jamaat, katong mo baca deng dengar Allah pung ajarang dari Paulus pung Surat Partama par Jamaat di Tesalonika, pasal 2, bait satu, laste bait sapuludua. Maar labe bai mari katong sombayang minta Allah pung Roh tolong katong. Katong sombayang pake basudara orang Kei pung bahasa: DUAD, AM HER FO OM FIANG ROH KUDUS, SUN DO’OK RA’AB NA’A FO AM DENAR NGER’HI LE’EN FO AZIMAT NA’A AM BANBANAN NA’A DUNIA’I. AMIN! (TUHAN KAMI MOHON BERILAH ROH KUDUS, TINGGAL DI HATI KAMI SUPAYA FIRMAN YANG KAMI DENGAR, KAMI JADIKAN PEGANGAN DALAM PERJALANAN HIDUP KAMI DI DUNIA INI. AMIN!) TUHAN E, TARU ROH DI KATONG PUNG HATI JUA BIAR KATONG BISA BACA, DENGAR LA BIKING IKO TUHAN PUNG PARENTA PAR HIDOP LABE BAE. AMIN!  Baca Alkitab (dua orang Jujaro deng Mungare yang baca 1 TESALONIKA 2 : 1-12 pake Bahasa Malayu Ambon- Bahasa Fordata ka seng Alune)



 Jamaat Manyanyi : Haleluya, Haleluya, Haleluya!  PANDITA RIWAYAT  Jamaat Manyanyi …



3



Bisa sombayang deng Bahasa Kei ka seng Malayu Ambon



JAMAAT PUNG JAWABANG Mangaku Parcaya Pandita Jamaat mari badiri la katong mangaku katong pung parcaya deng sama-sama bilang… Beta parcaya par Allah Bapa yang pung kuasa par samua-samua yang ada. Antua yang biking langit deng dunya ni. Beta parcaya par Yesus Kristus, Allah pung Ana satu areng-areng, yang jadi katong pung Raja. Antua ada dalang Maria pung poro tagal Allah pung Roh, la lahir ka dunya biar kata Maria ni masi parawang. Antua dapa siksa waktu Pontius Pilatus pegang parenta. Antua dapa salib, mati, la dapa kubur. Antua turung ka orang mati pung dunya, la hidop kombali pas akang pung lusa. Antua nai ka sorga, dudu di Allah pung sabala kanang, la pegang parenta sama-sama deng Antua yang pung kuasa par samua yang ada. Antua nanti datang dari sana par jadi hakim par samua orang yang masi hidop deng yang su mati. Beta parcaya par Allah pung Roh. Beta parcaya kalo Allah su pili katong par jadi Yesus pung orang-orang yang taika jadi satu di antero dunya ni, deng sama-sama tarima apa yang bae dari Antua. Beta parcaya kalo Antua kasi ampong katong pung dosa-dosa deng nanti kasi hidop katong pung badang kombali, la katong hidop tarus-tarus deng Antua.



--jamaat dudu kombali--



Manyanyi Puji Tuhan (Kalompok Pujiang/Manyanyi Cuma batas 5 orang seng bole labe) TANDA JAMAAT MINTA DANGKE Syamas Basudara jamaat e! Tuhan su kasi berkat banya dalang katong pung hidop ni. Tagal itu, mari katong minta dangke dari Antua deng cara kasi apa yang katong su tarima dari Antua tu. Tuhan kasi berkat par katong. Jamaat Manyanyi



Bisa tambah NJ GPM No. 172/212 --(pas kolektaan maju ka altar, jamaat badiri)-Syamas Samua



Jamaat, mari katong sombayang4 sama-sama minta berkat dari Tuhan par katong pung pambariang ni SIO ALLAH BAPA E! SAMUA YANG KATONG TARIMA NI, AKANG ASAL DARI BAPA. SAMUA YANG KATONG HARAP TU, AKANG BISA JADI TAGAL KRISTUS PUNG SAYANG. SAMUA YANG KATONG DAPA SABANG HARI TU, TAGAL ROH PIMPING KATONG. TAGAL ITU, KAS KUAT KATONG PAR SAYANG SAMUA ORANG DENG TOLONG KATONG SUPAYA KALESANG SAMUA YANG BAPA BIKING. Amin. UPLER LAWN, TETAT MVUNUNI, RIRMUKI NUNLA OW UPLER. AM MUKI WISE LUI, NUNLA PEPESMEN LA AM TETAT AM MUKI MLER LOE-LO, NUNLA AW UPLER MOTRIME MVUNUNAN LA LOI, MYETORE MEN PEKRENLAN, MO LAWNI IPUE RPAKILA KARKYERMON. MRYENLA LIMEMTER UPLER. AMIN! (Allah Bapa yang Maha Besar, apa yang kami berikan semua berasal dari padaMu, Bapa. Kami semua bisa memberi karena kebaikan dan berkatMu bagi kami, akrena apa yang kami peroleh setiap hari berasal dari padaMu, Bapa. Terimalah persembahan kami saat ini dan siapapun yang mengolahnya Tuhan menyertai dan berkatilah agar digunakan bagi pekerjaanMu. Dengarlah doa kami, Bapa. Amin)



Manyanyi Puji Tuhan (Kalompok Pujiang/Manyanyi Cuma 5 orang seng bole labe/KOOR ) SOMBAYANG PAR GAREJA DENG DUNYA (Ada 3 orang yang sombayang, laste Pandita tutu deng pokok-pokok dari jamaat) Ana Skola Minggu/Jujaro/Mungare TUHAN… KATONG HATI BARSUKA TAGAL BISA BAKUDAPA DI KABAKTIANG ORAS INI. KATONG MINTA TUHAN SAYANG KATONG SAMUA. JAGA KATONG PUNG HARI-HARI HIDOP. KATONG NI TUHAN PUNG ANANA, TAGAL ITU SAYANG KATONG DARI YANG MASI DALANG MAMA PUNG PORO SAMPE KATONG YANG SU SKOLA TINGGI. KASI KATONG ROH KUDUS PAR BALAJAR BAE-BAE BIAR JADI ANAK BAE DENG PANDE LA BESO LUSA BISA JADI ORANG LA ANGKA MAMA DENG PAPA PUNG MUKA. PELE KATONG DAR SAGALA KAJAHATANG DUNYA DENG AKANG PUNG TAHELA YANG BISA BIKING KATONG BINASA DENG HARI ESO JADI GALAP GULITA. DENGAR DENG MANYAU KATONG PUNG SUARA NI JUA TUHAN. DENG TUHAN YESUS PUNG NAMA SA, KATONG SOMBAYANG PAR BAPA DI SORGA Mama/Parampuang yang su barumatangga KATONG MO BILANG PAR TUHAN, TOLONG KATONG PUNG SUSA JUA. JAGA KATONG PUNG LAKI KA KATONG PUNG BINI KA ANANA YANG PI KARJA. DARI KALUAR SAMPE BALE MASO RUMA, TUHAN PIMPING JUA. SAMUA YANG DONG BIKING DI KANTOR DENG TAMPA-TAMPA KARJA YANG LAENG, BIAR ITU JADI BERKAT BASAR PAR RUMATANGGA. KAS CUKUP KATONG PUNG HIDOP JUA TUHAN SUPAYA KATONG SENG BAMINTA KA SENG BAJALANG BAUTANG DIMANA-MANA. SAMUA KEPENG YANG KATONG DAPA DARI KARINGAT SANDIRI, BIAR ITU JADI BERKAT PAR ANANA PUNG SKOLA, KATONG PUNG MAKANG DENG PAKE MAAR LABE DAR ITU, KAS INGA KATONG SUPAYA SENG LUPA ANGKA ULU HASIL LA BARBAGE DENG ORANG YANG KURANG. KATONG YANG TINGGAL TAPISA TAGAL HIDOP PUNG TUNTUTANG, TUHAN SAYANG KATONG JUA, SUPAYA KATONG SENG SALA JALANG LA MANYANGKAL RUMA TANGGA. ANANA YANG ADA SKOLA DI ORANG PUNG GUNUNG TANA, TUHAN JAGA DONG LAI, SUPAYA DONG SENG BIKING SUSA DIRI DENG BIKING KATONG LALA HATI. DENGAR DENG MANYAU KATONG PUNG SUARA NI JUA TUHAN. DENG TUHAN YESUS PUNG NAMA SA, KATONG SOMBAYANG PAR BAPA DI SORGA Bapa’/Laki-laki yang su barumatangga TUHAN E! MARI JAGA KATONG DI BANGSA NI JUA. LABE HARI LABE TUA BUKANG LABE BAI, MAAR LABE TALAMBURANG DIMANA-MANA. SETANG PUNG PARENTA BIKING KATONG DI AKANG NEGRI NI HIDOP SENG DAME. KATONG LABE TARKIRA HURU HARA YANG JAU DARIPADA MANGENTE SUDARA DI DALAM KAMPONG PUNG HIDOP YANG SANGSARA, LAPAR, DAPA GEPE DENG SENG BEBEAS BIKING APAPA. TUHAN PUNG ROH TU KATONG MINTA PAR PELE BALA SAKITANG DENG COBAANG YANG BARAT DI KATONG PUNG BANGSA, NEGRI DENG BENDAR NI. KASI HOKMAT DENG HATI, PIKIRANG YANG BAE PAR SAMUA ORANG YANG PEGANG PARENTA 4



Bisa pake Bahasa Malayu Ambon ka seng Bahasa Pulau Masela (Lawawang)/MBD



DI BANGSA, DI MALUKU DENG BENDAR AMBON NI, SUPAYA JANG CUMA ANGKA JANJI DENG BILANG SUMPA MAAR KARJA TAR PAKE HATI PAR LIA KATONG ORANG KACIL DI TANA AIR INDONESIA NI. KATONG SOMBAYANG PAR GAREJA, BIAR SAMUA GAREJA MANYATU HATI PAR JADI TUHAN PUNG UTUSANG DI DUNYA YANG TABAOS KABAR BAE LA TURUNG TANGANG PAR HIDOP LAENG SAYANG LAENG. BUKANG CUMA DENGAR AJARANG, BUKANG CUMA TAU RIWAYAT, MAR LABE DARI ITU KATONG BISA BIKING NYATA-NYATA APA YANG TUHAN AJAR. DENGAR DENG MANYAU KATONG PUNG SUARA NI JUA TUHAN. DENG TUHAN YESUS PUNG NAMA SA, KATONG SOMBAYANG PAR BAPA DI SORGA Pandita sombayang tarus sampe abis… (par gareja, orang saki, balu, duda, anana seng pung papa/mama, dst) ALLAH UTUS JAMAAT DENG KASI JANJI PAR SAMA-SAMA DENG KATONG Pandita Basudara jamaat e! Mari pulang deng hati yang sanang la biking basudara dong pung karja baebae. Allah pung Roh kas kuat katong par tau mana yang batul deng mana yang sala la barani par unju kabenaran di muka banya orang Jamaat Manyanyi NJ GPM No. 223 “MARI KATONG MEMB’RITAKAN” Pandita



TUHAN YESUS KRISTUS KASI UNJU ANTUA PUNG HATI BAE DENG KASI DAME PAR BASUDARA JAMAAT SAMUA. ANTUA JAGA DENG PIARA JAMAAT PUNG HIDOP LA PELE SAGALA BALA SANGSARA SUPAYA JAMAAT SENG CILAKA. ANTUA TARU BERKAT MALIONG-MALIONG DI JAMAAT PUNG RUMATANGGA, PIRING NATSAR, LESA DENG TAMPAYANG AER MINONG. TUHAN ADA DENG KATONG SAMPE SALAMANYA Jamaat Manyanyi NJ GPM No. 342 “HELO, HELO, HELO KOKUANYA!” KABAKTIANG SU KLAAR, JAMAAT SOMBAYANG DI TAMPA DUDU. PANDITA DENG MAJALIS PI KA PINTU KALUAR LA KASI SALAM DENG HORMAT JAMAAT SATU-SATU MAAR SENG PARLU SONTO TANGANG



1 Tesalonika 2:1-12



(Bahasa Melayu Ambon)



“Paulus Pung Karja di Tesalonika “ 1 Basudara yang iko Yesus, kamong sandiri su tau kalo katong datang par kasi tau Kabar Bae par kamong di kota Tesalonika, akang seng parcuma. 2 Kamong su tau soal apa yang jadi waktu katong balong pi ka Tesalonika. Waktu itu, katong ada di kota Pilipi. Orang-orang di kota tu su siksa deng biking malu katong. Mar tagal Allah su kasi kuat katong pung hati, sampe katong barani kasi tau Kabar Bae dari Antua par kamong di Tesalonika, maski orang-orang malawang katong. 3 Katong datang kasi tau Kabar Bae par kamong tu deng hati yang barsi Katong seng kasi tau kabar yang seng batul. Katong seng parna cari untung dari kamong ka parlente kamong. 4 Mar Allah su tes katong pung hati la lia kalo Antua bisa parcaya katong. Tagal itu, Antua pili katong par kasi tau Kabar Bae. Jadi, katong kasi tau akang par kamong bukang par biking sanang manusia pung hati, mar par biking sanang Allah pung hati sa. Cuma Antua yang salalu tau katong pung dalang hati. 5. Kamong sandiri su tau kalo katong ni seng parna bicara manismanis par kamong. Waktu katong kasi tau Kabar Bae par kamong, katong seng parna cari kepeng tado-tado dari kamong. Allah jua tau katong pung isi hati, jadi Antua tau apa yang katong biking tu batul. 6 Tagal katong ni Yesus Kristus pung utusang-utusang, katong bisa biking orang taru hormat par katong. Mar katong seng mau biking kamong deng orang laeng taru hormat par katong. 7 Waktu katong ada samasama deng kamong, katong hidop manis-manis deng kamong. Akang macang deng mama yang sayang antua pung anana. 8 Katong paleng sayang kamong, jadi katong sanang kasi tau Kabar Bae dari Allah par kamong. Mar bukang itu sa. Tagal katong sayang kamong sampe katong bantu kamong lai. 9 Basudara yang iko Yesus. Kamong masi inga to? Waktu katong ada kasi tau Kabar Bae dari Allah par kamong, katong ni banting tulang siang-malang par katong pung hidop hari-hari. Katong seng mau biking susa satu orang lai dari kamong par katong pung ongkos hidop harihari. 10 Waktu katong ada deng kamong yang parcaya Yesus, kamong su lia deng mata kapala sandiri bagemana katong pung hidop. Allah su lia lai. Katong ni hidop deng hati barsi deng biking apapa yang batul. Orang-orang jua seng bisa bilang kalo katong biking apapa yang sala par kamong. 11 Kamong tau kalo katong urus kamong macang deng bapa yang urus antua pung anana. Katong su kasi nasehat kamong deng kasi kuat kamong pung hati satu abis satu. 12 Katong buju kamong biar kamong pung hidop biking Allah pung hati sanang. Barang, Allah yang panggel kamong par jadi Antua pung orangorang waktu Antua parenta dunya ni deng nanti orang-orang taru hormat par kamong macang deng dong taru hormat par Antua.



(Bahasa Alune) 1 TESALONIKA 2 : 1-12 Saisa rebe Pauluse ikerikele me kota Tesalonikare Kwali betaya imi, imi ruami rekwa be ami luake loko imire kai rue kai imire leke ami lepae Sou Misete ete imire supu hasile. 2 Imi rekwa be kena ami luake loko imi me kota Tesalonika mosare, ami lepae Sou Misete bei Allare mpai kota Pilipi. Mpai kota Pilipire ami supu teta kai esi lepa tiae ete ami. Tamata bokala esi lake ami lepae Sou Misete. Masike ele mere po me kota Tesalonikare iteki Allare Iono ami rilama mo kena lepae Sou Misete bei Alla ete imi. 3 Kena ami beteke hnauna ete imire, ami beteke saisa rebe tinai more mo, saisa rebe lalema ntoli more mo, kena ono tiae ete imi mo, kai lemake loko imi mo. 4 Eleyo, le Alla Iuji ami lalema kai Ipersaye ami kena ami lepae Sou Misete bei Allare hoko ami beteke hnaune saka ami lepae batuke saisa rebe tamata esi suka lenele mo po ami lepae saisa rebe Alla Isukare. 5 Imi ruami rekwa be ami lepa ete imire kena ono lalemi ndina mo pise ami lemake imi kena supu sasaisa bei imi mo. Alla ruaI rekwa ami lalemaru titinai. 6 Kai ami ono sasaisare kena ami suka supu isike bei imi pise tamata makete mo. Masike amire Kristuse Eni maka ulake hoko ami kotie imi isike amire yele po ami suka supu isike mo. 7 Po ami mau ete imi kena ami rue sakesa kai imire lupe inate iraka eni nanaru. 8 Le Ami nete loko imire, lalema ndina titinai eti batuke ami lepae Sou Misete bei Alla ete imi mo po ami ono sasaisa neka kena ami tapa imi. Le ami oki imi titinai. 9 Kwali betaya imi. Erimi nete ami kerike ktili titinai sare elia leke ami supu manane ete ami ruamare. Ami kerike kpita kpetu leke imi li loko ami yake kena ami lepae Sou Misete bei Alla kena Yesuse mere rame ete imi. 10 Imia rebe hlaleke loko Allare, imi ruami rekwa kai Alla ruaI lekwe Irekwa ami ono dosa sasaisa ete imi mo, ami hidupe tinai ete imi kai sae ibeteke be ami ono sala ete imi mo. 11 Imi rekwa be ami tapa imi pusumi lupe amate itapa eni nanaru. 12 Ami ahnau imi, ami aktili imi lalemi kai ami beteke ktili ete imi be suke imi hidupe lulu Alla Eni pleta rebe Eni tamataru suke esi onore leke Alla laleIje ndina. Le kena Alla Ipleta ite tamatare, Ikoti imi kena rue kaiNi kai selu Eni hitate elake. 1



(Bahasa Fordata) 1 TESALONIKA 2 : 1-12 Teramam-valimami averi na’a Yesus Kristus, mia mkya’a roak ne, na’ut i ti a amalola mia, na amfabana nala mami karya ra. Bir tinemun mkya’a ne, wol amama kota Tesalonika obin, na tamat ra rwi-rwa ovu rfalak sian ami na’a kota Filipi. Velik ne tamat rivun rangal ami, na’uk Ubu i traning a, nfangrebat ami ovu nfabrahi ami ma amfamalik Ni Ivar Lolin a verin mia. 1 - 2 Ami amfamalik Ubu Ni Ivar Lolin verin mia, na wol amair afa ovi wol kena ra. Wol amweang mia ovu fikiran sian ra, ovu wol amsiklabir. Ami vali wol amangrihi ma amfaloling tamata ralarira ra, na’uk amotu ma Ubu ralan a lolin. Ia sa’i nsi’ik raladida ra, ovu nfili vali ami ma amfamalik Ni Ivar Lolin a. Mia ka’i mkya’a ne, wol amangrihi ma al amdava wahamami ralan, te amfonak ralamami ma amala afa boku tali mia. Ubu nsi’ik ovu nrenar roak ami. 3 - 5 Ami wol amera vali ma mia te tamat liak ra rfadawang ami, velik ne wol sala ami ma amera wean inyai, tevek Kristus Ni rasul verin ami. Na’uk na’ut i amalola mia, na amfamafung watan ralabira ra, wean vata i nsusu ovu nwanar yanan ra. Ami amlobang urun mia, ba ralamami urun ma amfamalik Ubu Ni Ivar Lolin verin mia. Na’uk wol mane inyai watan, ba inamami ma amlobang mia na’a afaka watan, tevek amlobang urun mia. 6 - 8 Teramam-valimami averi mingnanang obin ne, iva’umami ma amkarya urun ovu amfamalik Ubu Ni vaivatul ra verin mia. Ovan-amar, na amkarya afa liak vali ma al amdava mami fana’an-fanenu, boma deka amotu varvara verin mia. 9



Mia myorang roak Yesus, ovu mkya’a roak ne, mami vava’at ra rmalola verin mia. Mia msyi’ik roak ne, mami vava’at ra kena ovu Ubu Ni vaivatul ra, ba tamata ra wol rfasala nala ami. Ubu nsi’ik vali mami vava’at ra. 10 Mia mkya’a vali ne, amlobang mia wean i itrana isa nlobang yanan ra. Amsurak mia ovu amfangrebat ralabira ra, ovu amera verin mia, boma bira vava’at ra kena ovu Ubu ralan a. Tevek Ubu nera roak mia ma mnya’a Ni fareta i nfitik nyadat.11 - 12