Acara Ulangtahun STM Nauli [PDF]

Citation preview

PARTORDING NI PARTANGIANGAN ULANG TAHUN PUNGUAN LANSIA HKBP PARSAORAN TEGAL SARI Pa- 1 TAONHON RABU, 28 SEPTEMBER 2018 Thema Subthema



: “Masiurupan ma hamu mamorsan angka na dokdok i; i ma dalan mangaradoti patik ni Kristus. (Galatia 6 : 2). : Marhite parayaan ulang tahun on, lam tu sada na ma Punguan LANSIA on asa gabe tiruan hita di nahumaliang hita tarlumobi gabe hasangapon di Debata.



hasanganpon di Debata



01. PANGARADEON (Hohom martangiang dibagasan roha). 02. JOU-JOU TU PARSAORAN DOHOT DEBATA. U : Hamu dongan sahaporseaon dibagasan Jesus Kristus, sadarion tama hita mandok mauliate tu Debata ala asi dohot denggan ni basa-Na boi hita marpungu di inganan on manghalashon holong ni roha-Na boi denggan mardalan punguanta LANSIA on. Tapangido ma gogo marhite dohot parsombaonta dibagasan sadarion, asa di patau jala di pargogogoi hita mangula nasa siulaonta, tapuji ma Tuhanta marende ma hita: 03. MARENDE BE No.565 : 1 – 2 “LAS ROHANGKU LAO MAMUJI”  Las rohangku lao mauji Debata parholong i Songon bunga na mangerbang di na binsar ari i Arsak, dosa, haporsuhon mago dibaen asi-Mi Las ni roha namanongtong lehon di au Tuhanhi. …………….musik………………  Sude jadi-jadianMu laut, tano, langit i Angka bintang dohot bulan nang matani ari i Hauma, ladang nang harangan, rura dohot dolok i Saluhutna mangendehon sangap di Tuhanta i 04. VOTUM – INTROITUS. U : Marhite-hite Goar ni Debata Ama dohot Goar ni Anak-Na Tuhan Jesus Kristus dohot Goar ni Tondi Porbadia na manompa langit dohot tano on. Amen! Disuru Debata do Anak-Na gabe pardengganan taringot tu dosanta. Hamu ale angka dongan, molo songoni dihaholongi Debata hita, ingkon dohot do hita masihaholongan sama hita. Haleluya! Martangiang ma hita: Ale Tuhan Debata, pargogo na so hatudosan, nasongkal jala nabonar! Dialo Ho do na ginjang marroha, jala dipatimbo Ho do na serep marroha. Alani i hupangido hami tu Ho: sai ramoti hami, asa unang jungkat hami, unang ginjang roha nami . Alai togu-togu hami marhite-hite TondiM, asa unduk, serep, tobok jala burju rohanami di adopan ni halak saluhut, alani Anak-Mu, Tuhan Jesus Kristus Tuhan nami. Amen! 1



05. MARENDE No. 672 : 1 “TUNG GODANG SITUTU”  Tung godang situtu ulaonmu antong dipasahat Tuhanta tuho Ndang adong be tingkim marnalemba tahe, ngolumi bahen tiruan tongtong Reff: Sai patupa ma i ala ni Tuhan i, so manghirim balosna tuho Debata do marnida na niulami, manang na adong parbue ni i… 06. Koor : 07. Ayat sijahaon di hita dibagasan sadarion di pesta ulang tahun Punguan LANSIA on na pa – 1 taonhon, ima na tarsurat di Psalmen 133 : 1 – 3, tajaha ma dibagasan panjahaion pasingkat-pasorin: U : Ende hananangkok sian si David. Ida ma dengganna i dohot sonang na i, molo tung pungu sahundulan angka na marhahamaranggi. H : Songon miak na hushus di ulu pola mabaor tu mise, tu mise ni si Aron, pola mabaor sahat tu rambu ni angka ulosna. U : Songon nambur di Hermon, na mabaor tu angka dolok Sion, ai disi do diparbaga Jahowa pasupasu, hangoluan sahat ro di salelenglelengna. Ido sahatna! Martua do angka na tumangihon hata ni Debata, jala na umpeopsa. Amen! 08. MARENDE BE No. 435 : 1 – 2 “MAROLOPOLOP TONDINGKI”  Marolopolop tondingki ai naung di tobus Jesus i Hamu sude bege ma i, sailas rohangku mandok i Reff: Sonang ni tingki i ndung jumpang Jesus Tuhan ki Tondi na mangajari au, tarbaen marlas ni roha au Sonang ni tingki i, ndung jumpang Jesus Tuhanki.  Di haol holongNa rohangki tung naso boi be mago i Mata-Na do manatap au, Pinggol-Na tumangihon au Reff: Sonang ni,.. d.u. 09. RENUNGAN SITUASIONAL. U : Ale Tuhan parasi roha bolon, mauliate husombahon rohanami tu adopan-Mu, ala tongtong do diramoti Ho ngolu nami rasi-rasa sadarion, H : Huhalashon hami do ale Tuhan panogunoguM di parpunguan nami punguan LANSIA mamolus pardalanan naung mansai leleng situtu. U : Ale Tuhan parasiroha Bolon marhite parpunguan nami on, lam tarida ma holong ni rohaM di hami jolma manisia marhite na lam masihaholongan hami sama hami. H : Sapanghilalaan, sapingkiran jala satahi di ulaon na hombar tu lomo ni rohaM,.. U : Molo adong angka na hurang lobi pambahenan nami di parpunguan nami on ale Tuhan, lam patau ma hami mangeahi lomo ni rohaM laho padimun-dimun angka nauli nadenggan di ngolu nami, asa lam marsaringar soaraM di tonga-tonga ni punguan nami on jala manghorhon haporseaon na tangkas maradophon Ho. Asa tarida ma i sian na lam tu sadana hami tu joloan on,.. H : Mangendehon BE No. 122 : 1 “IDA HINADENGGAN NI”. 2



 Ida hinadenggan ni, angka na saroha i Parpambaenan na burju, nang hatana pe tutu. U : Asi ma rohaM ale Tuhan sai jalo ma tangiang nami alani asi dohot holong ni rohaM. 10. MARENDE BE NO. 753 : 1 “DIPARDALANAN JESUS DI JOLONGKU”  Dipardalanan Jesus di jolongku, holong ni tanganMi manogu au Nang di ngolungku Ho do sombaonku, tung sonang mardalan raphon Ho Reff: Huboto do tangkas panoguonMu, di na rahis tongtong di tiop Ho Sahat rodi ujung ni pardalanku, togu ma au jonok tu lambung-Mi. 11. TANGIANG PANGONDIANON 12. MARENDE BE No. 467 : 1 “ASI NI ROHAM HUPUJI”  Asi ni rohaM hupuji, ala Ho manobus au Dipaias Ho rohangku, gabe soranganMu au IngananMu roha nami, TondiMi manggohi i Pangke dohot ngolu nami gabe ula-ula Mi 13. JAMITA : 14. MARENDE No. 754 : 1,… “GOK LAS NI ROHA DO AU” (P. Pelean)  Gok las ni roha do au dingolungkon, dingolungkon, dingolungkon Gok las ni roha do au dingolungkon tongtong di rohangkon, Ref: Mauliate, gok las ni roha, maringan holong Mi Tuhan di au Mauliate, gok las ni roha, maringan holong Mi Tuhan di au,..  Mardame jala sonang do rohangkon, dingolungkon, dingolungkon Mardame jala sonang do rohangkon, tongtong di rohangkon Ref: Mauliate, gok las nio roha, d.u……. …………holan musik…………  Gok do holong ni Jesus di ngolungkon, dingolungkon, dingolungkon Gok do holong ni Jesus di ngolungkon, tongtong di ngolungkon Ref: Mauliate, gok las ni roha, d.u……  Ndang hona uhum be au dingolungkon, dingolungkon, dingolungkon Ndang hona uhum be au dingolungkon, tongtong di ngolungkon Ref: Mauliate, gok las ni roha, d.u…… …………holan musik…………  Marlas ni roha do au dingolungkon, dingolungkon, dingolungkon Marlas ni roha do au di ngolungkon, tongtong di ngolungkon Ref: Mauliate, gok las ni roha, d.u…… …………mulak tu ay 1……… 15. TANGIANG PANUTUP (Agenda HKBP) 16. ACARA ULANG TAHUN DI ATUR TERSENDIRI



HORAS… HORAS… HORAS…!!!



3



ULANG TAHUN NA PA – 1 TAONHON PUNGUAN LANSIA HKBP PARSAORAN TEGAL SARI



RABU, 28 SEPTEMBER 2018



4