14 0 44 KB
NAZAM ACEH Ulon peuphon ngon nan Tuhan Rahman-Rahim Murah keubit geumasehthat sangat haalim Bandum pujo milik sidro yang po ‘alam. Silaweut saleum keupang hule bandum ‘alam Bandum wareh bandum sahbat lom yang pubut kebajikan zaher bathen bengoh seupoet Jenis pujo sekalian milik rabbi Dan silaweut dengan saleum ateuh Nabi Dan diateuh wareh sahbat yang mulia Bekna putoh selama na langet donya Lhehyan tango firman Allah fasekh kalam Innat dina ‘indallahil islam, Bit agama yang neu qabul uleh Allah Cit islam tinggi maqam lagi megah Agama yang laen bandum bashe hansah Hana netung ule Tuhan lom neumarah So yang masok bak islam yang that suci Jig neugaseh uleh Tuhan derajat tinngi Menyo jitem pubut suroh dum peureuze Zaher bathin serta yakin tip-tip watee
Sifeut hate yang jadi binasa ‘amal Bandum jiboh jipeugadoh bekle tinggai Lom ‘itikeut dum yang wajib bak potallah Ngon bak nabi bejituri jijak pesah Yang mustahe lawan wajib dan yang harus Bak hak Allah dan Nabi yusudi bethoh Dum ‘itikeut Ahluss Sunnah yang jiikot Ngon bedeuah ngon balalah boh ulikot Teuma lheunya ji ‘Ibadat ketuhanku Hate khusyuk ngon tawazuk tip-tip waktu Nyan keuh ureung yang neugaseh uleh Tuhan Lagi leupah nibak bahaya sekalian Leupah nibak haro-hara padang masyar Lheuh bak titi tapak gaki troh bak kausar Leupah nibak nuraka jahannam yang that pedeh Han neu azeub uleh Tuhan jih neu gaseh Lom neubuka keujih pinto syiruga lapan Neupeutetap lam syiruga kediaman Lheuhnyan teuma beuteutap he Saudara Nyan agama meuhimpon bak peut perkara
Yang phon Iman Islam dua Taukhid keu lhee Peut muarifat kameusapat yang pereza Makna iman tapateh Allah dengan Rasul Peugeupeugah beutapateh ngon takabul Ta ‘Itikeut dalam Hate bit-bit Allah Nyan keuh Tuhan yang si benar-benar tasembah Makna islam teseuoen dum titah Allah Amar nahi dengan titah Rasulullah Makna Taukhit tepeusidroe zat di Tuhan Tapeusidroe bak sifeut ngon perbuatan Dan makna muarifat taturi dum yang wajib Ngon yang jaiz ngon mustahil wahe thaleb Bak hak Allah dengan Rasul sekalian Nyan keuh makna kalon nyata hafai tulan Bukon mureud mu’arifat turi zat Tuhan Hakikat zat hanso tukri hanso tuban Nabi-nabi dengan rasul dan Aulia Han geuturi hakikat zat Tuhan Esa Lom pih hareum tapareksa Hakikat Zat So pareksa jih bid’ah lagi sisat
Karena zat po geutanyo bersalahan Dengon makhluk dum nyang bahru hana saban Peut perkara yang tersebut oh meuhimpon Jeud agama pham legata wahe taulan Sangkiratan salah saboh nibak yang peut Bak sidro-dro manusia han sakon jeut Tan agama islam bandum bak ureung nyan Hansah thaat ngon ‘Ibadat jih keu Tuhan Han geupeunan jih mukmin lom han geubohnan Jih muslem muwakhidin pih han geubohnan Lom jih ‘aref hana patot jimeunama Sebab hana jituri Tuhan yang Esa ----- ooo ----WAHE SHALEP Wahe shalep wajeb ateuh aneuk adam Beujituri rukon limongblah dara agam Yang limongblah dengo loen peugah beuget tapham Phon-phon limong perkara rukon Islam
Rukon iman nam perkara wahe sahbat Teuma yang peut perkara teuk rukon syahdat Teuma rukon islam limong phon loen peugah Ucap dua kalimah syahadat dengan lidah Beserta tasdit hate jipeubeuna Ban yang dikheun uleh lidah bek meriba