Keban, Otaba Bharang Se Ngalame Settong Kadaddhiyan e Dhalem Careta [PDF]

Citation preview

Assalamu alaikum Wr.Wb Salam sehat dan semangat Pangajharan i Tema : sosial Kd : 3.1. Memahami dan menganalisis struktur teks, unsur kebahasaan dan pesan moral cerita fiktif ( wayang/ cerkak/ folklor/ topeng dhalang ) secara lisan dan tulis. Ki : 3.1.1. Mengidentifikasi struktur teks cerita pendek Tojjuwan epon materi ghapaneka engghi paneka : Kaangghuy ngaonenge par bidhana Tokoh se badha e careta kasebbhut,latar, bhatek ban parkara otaba kadadhiyan se ekalako dalem careta ka sebbhut. Struktur careta panda’ Struktur careta panda’ epantha dadhi 3 bagiyan : 1. Tokoh engghi paneka : panglako se abujut oreng , keban, otaba bharang se ngalame settong kadaddhiyan e dhalem careta.



2. Latar engghi paneka : kennengan sareng baktona kadadhiyan e dhalem careta 3. Alur engghi paneka : parkara otaba kaddadhiyan se esambhung e dhalem careta. Macemma careta paneka epantha dadhi 3 macem : 1. Careta lanjhang ( Novel )engghi paneka : Careta se emaos otaba eperengaghi kantos ajhem-ejjham ghi’ta’ lastare e maos otaba eperengaghi. 2. Careta Asambhung engghi paneka : Careta se asambhung da’ kennengan laen otaba badha e buku laen. 3. Careta panda’ ( short story ) Careta se ta’ ngabutowaghi bhabhaghan otaba bab ban ta’ ngabutowaghi bakto namong sakejja’ bisaos sabab se ekacaretaghi namong kaodhi’anna settong tokoh



Ngereng maos careta panda’ kalaban Bhul-ombhul :



LANON E GHILI IYYANG Daeng Masalle sabharundhut aromassa tarentem naleka ngalle dari Makasar ka Ghili Iyyang (settong polo se badha e kab.Songennep )salerana ampon kengeng edhi dari Rato Bhidhara Saot kaangghuy yeppowe polo e Ghili Iyyang. La-mala reng oreng se ecapo’panyaket ghuddhu se ebakto ghapaneka eyangghep tada’tambhana,sareng Daeng Masalle etarema ka angghuy adhadhuko e polo Ghili Iyyang.Reng- oreng ecapo’panyaket ghuddhu paneka e tambhai kantos sae.Reng-oreng se ampon sae ghapaneka kantos ta’kasokan abali pole ka dhisa,sabab ampon ce’pernana bada e Ghili Iyyang.Reng-oreng ka’dhinto aherra epon dhaddhi bargha polo e ghili Iyyang. E settong are,reng-oreng se biyasa epon majhang,padha akompol e dhalemma Daeng Masalle,Reng-oreng pada areppot jha’ e palabhuwan Bhan camara bada lanon,Arta ,keban ban sabagiyan bargha bada se rampas e yangko’ ka paraona lanon.badha bargha se bangal alaban namon bakto atokar sareng lanon pas kala, mala jughan badha se tebhas. Daeng Masalle rengghet asaban lanon gapaneka am[on la-nyala ka bargha Ghili Iyyang.ampona jarna’ponapa seereppottaghi reng –oreng gapaneka Daeng Masalle pas meyos kapalabhuwan Bhan Camara. Saampon tandhuk kapalabhuwan,Daeng Masalle ngoladhi kapalana Lanon sareng la-bhalana pada toron dhari paraona.kapala Lanon atanya asma sareng pangkar epon Daeng Masalle.kalaban jharna;Daeng Masalle ajharba’aghi jha’salerana ekaparcaja sareng Rato Songennep tor Bargha Ghili Iyyang ka angghuy nyeppowe polo Ghili Iyyang.salerana mator ka kapalana Lanon kangghuy morop paponapa se ampon erampas lanon sareng salerana tor artakalaban sarat kapala Lanon sangghup ngangka’ Kapalana Lanon ce’peraggha.ka aghungnganna Daeng Masalle tantona langkong bannya’tor langkong argha manabi ebandhingaghi sareng ponapa se erampas lanon.E bhakto gapaneka jughan ponapa se erampas Lanon e patorn dhari paraona.saampona tada’pole se epatorona Daeng Masalle eyatore onggha ka parao.parkara artana bhakal ekoneyana. Naleka Daeng Masalle maonggha padhana salaja kaparao dha’sakala paraona Lanon mereng para’karemma.kapalana laon sareng la-bhalana pada



berka’ka pengghirra parao settongnga.Namong parao se mereng tor para’ karemma ghapaneka ta’aghuli sanaossa eparenge ponapa’a bisaos,paraona lanon gapaneka pangghun mereng para’karemma.Enghala Daeng Masalle ghi’buru maonggha padhana salaja. Saampona sadhaja cara ampon eghuna’aghi kangghuy masodhek paraona ampon ta’bisa,la –bhalana lanon sanget regget otaba pagghel sadhajana pada toron dari paraona pas lonca’ natta’Daeng Masalle.Namong Daeng Maslle ta’ghinjek.sadhajana la-bhalana lanon pada cekka’ta’ngenneng aghuli ban matoron tananggnga. Ngabassaghi sadhaja la-bhalana pada cekka’ ta’ ngenneng aghuli,kapalana lanon jhughan ta’tarema.kapalana lanon jhughan natta’ Daeng Masalle.Namong kapalana lanon jhughan pada akadhiya la-balana.kapalana lanon jhughan cekka’ta’ngenneng aghuli ban matoron tanangnga. Kapalana Lanon sareng la-bhalana pada nyo’on sapora ka Daeng Masalle tor ajhanjhi ta’bhakal la-nyala pole da’bargha Ghili Iyyang.Daeng Maalle sareng bargha Ghili Iyyang pada nyapora.polo Ghili Iyang aher epon tarentem kantos samangken. Ca’oca’se malarat



Lanon Nyeppowe Panyaket Ghuddhu Adhadhuko Bargha Areppot



: oreng se lakona arompak e tase’ : ngapalae : panyaket leppra : ngennenge settong dhisa : angghuta masyarakat : apareng oneng da’pamarenta.



Tugas Toles e buku tugas



Salastare maos careta panda’paneka, Eyatore jawab patanya e bhaba paneka kalaban a dhasar ka careta panda’ e attas paneka : 1. Tokoh otama se badha e dalem careta lanon E Ghili Iyyang engghi paneka? 2. Tokoh tamba’an se badha e dalem careta lanon E Ghili Iyang engghi paneka? 3. Tokoh se ngaghunge babatek sae se bada e dalem careta lanon E Ghili Iyang engghi paneka? 4. Tokoh se ngangunge babatek ta’ sae se bada e dalem careta lanon E Ghili Iyang enghi paneka? 5. Pasera Daeng Masalle ghapaneka? 6. Pasera Lanon ghapaneka? 7. Pasera Bhiddhara Saot ghapaneka? 8. Aponapa Lanon ma’kala? 9. Pasera bargha Ghili Iyang ghapaneka? 10.Serrat ngangghuy carakan madhura pasera se areppot ka Daeng Masalle !



Ampon ghan ka’dhinto materi partemuan se ke duwa’paneka, moga-moga bisa eparengnge ka ghampangan bakto ngalakone tugas. ban Ibu akhiri kalaban ocapan



Wassalamu alaikum wr.wb Mator sakalangkong