Pidato Pasambahan [PDF]

Citation preview

Sairiang Balam Jo Barabah Barabah Lalu Balam Mandi Samo Maraok Kaduonyo Sairiang Salam Sarato Sambah Sambah Lalu Salam Kambali Salam Ka Untuak Ka Basamo Lapun Balapun Ka Indogiri Basinggah Lalu Ka Batipuah Sungguah Pun Kami Tagak Badiri Batin Kami Duduak Basimpuah Takalo Ambo Ka Marambah Di Ladang Urang Koto Tuo Mangkonyo Ambo Tagak Manyambah Ampunlah Ambo Dek Nan Basamo Buruang Merak Jo Buruang Nuri Manari-Nari Ateh Pamatang Siriah Galak Pinang Manari Mancaliak Rombongan Bapak Kakanwil Jo Wali Kota Datang Adok Dek Kami Di Padusunan Kapado Rombongan Nan Tibo Jamu Nan Datang Adok Kan Siriah Jo Carano Siriah Sacabiak Mintak Di Kunyah Pinang Sagatok Mintak Di Makan Sananglah Hati Kami Kiro-Kiro Di Ateh Hari Nan Kiniko Sadangnyo Rancak Bungo Kambang Sadang Angin Lai Salasai Jalo Taserak Ikan Tibo



Pariaman Balantai Batu Batu Di Ambiak Ka Asahan Kalau Bapak/Ibu Ingin Nak Batamu Acok-Acoklah Pai Ka MAN Padusunan Urang Padang Marantang Banang Di Rantang Di Lipek Ampek Di lipek Lalu Lalu Di Patogo Jiko Di Rantang Namuahnyo Panjang Elok Dipunta Ndaknyo Singkek Di Ambiak Sajo Nan Paguno Kaganti Salam Bajawek Tangan Kami Sudahi Pasambahan..



Sairiang Balam Jo Barabah Barabah Lalu Balam Mandi Samo Maraok Kaduonyo Sairiang Salam Sarato Sambah Sambah Lalu Salam Kambali Salam Ka Untuak Ka Basamo Lalang Sahalai Tak Basuo Sarancak Iko Urang Nan Datang Gamanglah Kami Nak Manyapo Langkah Banamo Siganjua Lalai Bia Ba Insuik Ka Tibo Juo Lamo Di Nanti Kini Lah Sampai Tibo Marapulai Jo Anak Daro Disongsong Tari Jo Galombang Sarato siriah Dalam Carano Ba Itu Adaik Di Ranah Minang Sampai Kini Ba Itu Juo Janjurak Bungo Janjuri Di Lingkuang Pulo Bungo Malati Siriah Galak Pinang Manari Baitu Bana Sanangnyo Hati Siriah Taunjuak Dalam Carano Sacabik Mintak Di Kunyah Pinang Sagatok Mintak Di Makan Dalam Makasuik Nan Di Cinto Manih Nan Lakek Di Ujuang Lidah Paik Nan Luluih Ka Rangkuangan Sarantang Jalan Ka Anjalai Urang Bajalan Malam Hari Tibo Di Lauik Di Ranangai



Satantang Anak Daro Jo Marapulai Saruman Bulan Jo Matohari Lah Samo Tarang-Manarangi Baranang-Ranang Urang Mamukek Sanang Mamapeh Di Lautan Ikan Tapanciang Ciek Jo Duo Sasanang-Sanang Urang Maliek Sananglah Mandeh Marasokan Anak Surang Kini Lah Baduo Jikoknyo Buliah Pintak Jo Pinto Bak Pantun Mangatokan Jikok Dapek Kain Baragi Usahlah Urang Manyasahkan Jikok Dapek Kawin Sakali Hanyo Tambilang Mamisahkan Cubadak Di Tangah Laman Di Juluak Jo Ampu Kaki Usahlah Lamo Tagak Di Laman Iko Cibuak Basulah Kaki Urang Minang Baralek Gadang