Tata Ibadah Natal Bapa Inang, Final [PDF]

Citation preview

TATA IBADAH NATAL BAPA PAKON INANG GKPS RESORT CILILITAN SABTU 05 DESEMBER 2020



TEMA : Ibohali Manghobaskon Horja na Madear. (2 Timoteus 3:17) SUB TEMA : Marhitei parayaan Natal seksi bapa pakon inang, ase lambin taridah ma goluh na tongtong ibagas toruhni uhur, sihabiari Naibata, ibagas biak na madear ase lambin tarbarita goranni Kristus



I. PRAELUDIUM  Persiapan Ibadah  Mandoding Haleluya No. 317: 1 + 3 (jongjong kuria) Martumpu ma hita malas ma uhurta Laho ma hita hu Betlehem Tonggor malekat mamuji Tuhanta Sai sombah puji Ia, sai sombah puji Ia, sai sombah puji Ia, Rajanta in Mandoding ganupan malekat ni Tuhan



Rap pakon jolma mandoding ma. Puji Tuhanta Sipaluah hita. Sai sombah puji Ia, sai sombah puji Ia, sai sombah puji Ia, Rajanta in  Prosesi  Pagara lilin : 1. Parambilan 4. Pembimbing Inang Resort 2. Ketua Panitia Natal 5. Pimpinan Majelis Jemaat GKPS Cipayung 3. Ketua Seksi Bapa Resort 6. Paragenda  Kata Sambutan 1.Ketua Panitia Natal 2.Pembimbing Bapa Resort Cililitan 3.Pimpinan Majelis Jemaat GKPS Cipayung 4.Ketua Seksi Inang Resort Cililitan



II. IBADAH 1.Votum-Introitus-Tonggo (Jongjong Kuria)



P



:Ibagas Goran ni Naibata Bapa, pakon Tuhan Jesus Kristus ampa Tonduy Napansing Sitompa langit pakon tanoh on, Amen. Dob ai, mandarat ma sada tunas humbani tutuho ni si Isai, anjaha marbuah sada tumbor na roh humbani uratni. J : Sogop ma huBani Tonduy ni Jahowa, Tonduy hauhuron ampa pangarusion, Tonduy panuturion ampa hagogohon, Tonduy habotohon ampa biar bani Jahowa. P : Halani ai masuki nasiam ma horbangan-Ni marhitei hatarimakasihon, sonai alamanNi marhitei puji-pujian. Martarimakasih ma nasiam hu-Bani, puji nasiam ma goranNi. J : Pagijang ma ulunima ale sagala horbangan, tarangkat ma hanima ale labah na basaia, ase masuk Raja ni Hamuliaon in. P+J : Mandoding : Haleluya No 471 : 2 + 5 Napansing, Napansing do Ham Naibatanami Ai domma roh hanami Bamu, jalo Ham ganup Napansing, Napansing do Ham Naibatanami Dompakkon Ham homa bohi-Mu, sorap damei-Mu. P



: Martonggo ma hita ! Ham Tuhan Naibata Bapanami, paridop ni uhur na tarsulur. Puji-pujian ampa tarimakasih ma isombahkon hanami huBamu mardingat na dob isuruh Ham AnakMu Tuhan Jesus Kristus hubannami. Gabe madoyuk, anjaha masombuh do Ia tubuh i huta Betlehem bani harang ni pinahan ase bayak hanami. Pasaor Ham ma diri-Mu marhitei Tonduy-Mu ase ididah hanami banggal ni pangkopkop-Mu hubannami marhitei Tuhan Jesus Kristus Tuhannami. Amen.



2.Mandoding Haleluya No. 315: 1-2 Sangap, sangap bani Jesus Tuhankin,



2



Na roh do Ham hun Surga hun rumah-Mu. Sangap, sangap bani parroh-Mu hu tanoh on, Gabe doskon jolma Tuhan parholong in, sangap, sangap. Haganup parmahan jalo ma tongon, Barita malas uhur hun Surga in Ai saborngin on do Tubuh Tuhan Jesus in Ai tibal do Ia bani palangka in, sangap, sangap 3. Liturgi I : Pasal Panompaon 4.Mandoding Haleluya No. No. 316 :1, 3 Sai puji ma Tuhanta in, ai tubuh Jesus in Sai jalo ma Rajanta in, pasirsir ma uhurmu in Madoding puji ma, mandoding puji ma Mandoding puji Tuhan in Sonang ma hita haganup, ai sasap dousa in Ipasu-pasu do ganup, ase maluah hita rup Humbai hamagouan, humbai hamagouan Humbai hamagouanta rup 4. Liturgi II : Pardabuh ni Jolma hu bagas Dousa 6. Mandoding Haleluya No. 44:1-2 Pamalas uhurta do partubuh ni Jesus Sipaluah haholongankin 2x Ai buei do dousa parlajouan pe Manunsahi hita ronsi matei pe 2x 7. .Liturgi III : Bagah-bagah Pasal Parroh ni Sipaluah 8. Mandoding Haleluya No. 317: 1+3 Martumpu ma hita malas ma uhurta laho ma hita hu Betlehem Tonggor malekat mamuji Tuhanta Sai sombah puji Ia, sai sombah puji Ia, sai sombah puji Ia, Rajanta in Tuhanta na sangap tubuh i dunia, doskon songon hita jolma on Roh do Tuhanta Sipaluah hita Sai sombah puji Ia, sai sombah puji Ia, sai sombah puji, Rajanta in



9. Liturgi IV : Partubuh ni Sipaluah 10. Mandoding Haleluya No. 39 : 1-2 (Pagara Lilin: sebagian lampu ipamatei) Sonang ni borngin ni in, sanggah roh Jesus in Sonang modom do halak ganup dua mando na puho in rup Mangoromi Anak-Ni Jesus Tuhanta in Dear ni borngin ni in, sanggah roh Jesus in Bai parmahan i Betlehem in, ipatugah na hun surga inDomma roh Sipagoluh, Jesus, Tuhanta in



3



11. Liturgi V : Makna Natal 12. Doa Syafaat 13.Mandoding Haleluya No. 45 :1+4 Malas ni uhur na banggal na hu ambilankon on Domma tubuh Sipaluah bai hita jolma on Sangap bani Naibatanta, damei damei damei ma bani jolma Malas uhur ni Naibatanta bai hita jolma on Sai sondangi ma uhurhu, Jesus, Ham do Tuhankin ‘Se marparulihan ahu bai partubuh-Mu in Sangap bani Naibatanta, damei damei damei ma bani jolma Malas uhur ni Naibatanta bai hita jolma on 14. Ambilan 15. Mandoding Haleluya No. 313: 1+3 (Patumpuhon Galangan) Humbai pulou ‘ge banua sai tarbogei do to Doding na mamuji Tuhan Sipanobus jolma in Gloria, puji ma Tuhanta, gloria, puji ma Tuhanta Soridadu ni Tuhanta hormat bani Naibata Haganup puji-pujian ondos bani Naibata Gloria, puji ma Tuhanta, gloria, puji ma Tuhanta 16. Tonggo Galangan-Tonggo Panutup-Pasu-pasu (Jongjong Kuria) P : Riap ma hita jongjong! Martonggo ma hita: Ham Bapanami Pargogoh na so tarimbang, tarimakasih ma isombahkon hanami hu Bamu halani domma ipasaud Ham bagah- bagah-Mu hu tongah-tongahnami. J : Pargogoh na so tarimbang do tongon Ham janah saud do ganup sura-sura-Mu. P : Domma tongon ididah hanami janah idai hanami malas ni uhur na pinarsirsir-Mu in bannami marhitei Anak-Mu Jesus Kristus. J : Tambahi Ham ma gogohnami, ase lambin talar pangidahnami bani kuasa-Mu janah ase lambin talar homa pangarapannami huBamu. P : Ham Tuhan, isura uhur-Mu do ase haganup dunia on mandaihon haluahon ampa hagoluhon na humBamu, marhitei partubuh ni Anak-Mu Jesus Kristus Sipaluah in. J : Bahen Ham ma hanami gabe saksi-saksi na bujur laho manaksihon pardameian i tongah-tongahnami ampa i keluarganami. Ajari Ham ma hanami gabe sitiruon janah tongtong mangkorjahon horja na madear. P : Bere ham ma bannami, uhur na mangkaholongi, tangan na mangidangi, janah goluh na berbakti, ase i tongah-tongah ni keluarga sonai kuria, boi iahapkon hanami damei na humBamu. Bani ganup tantangan ni goluh on iarapkon hanami do pangurupion-Mu bannami. Holong ma ham Tuhan. Balosi Ham ma tonggonami on marhitei AnakMu Jesus Kristus Tuhannami. Amen Riap ma hita martonggo marhitei tonggo na niajarhon ni Tuhan Jesus hubanta! P+J : Ham Bapanami......psb P : Laho ma nasiam, baritahon janah saksihon nasiam ma Ambilan Na Madear in ija pe nasiam marianan. Jalo nasiam (hita) ma pasu-pasu humbani Tuhan Naibatanta: Idop ni uhur ni Tuhanta Jesus Kristus, pakon holong ni atei ni Naibata Bapa ampa parsaoran ni Tonduy Na Pansing ma mangkasomani nasiam (hita) haganupan. Amen



4



PK : (Mandodingkon) Amen…Amen…Amen.



III.ACARA NATAL - Bernyanyi WE WISH YOU A MERRY CHRISTMAS - Snack - Mulak ibagas damei



Selamat Hari Natal 25/26 Desember 2020 & Selamat Menjelang Tahun Baru Januari 2021



Liturgi Seksi Inang Pakon Bapa GKPS I. Liturgi I : Panompaon P : Damei do haganup. Bani mungkahni lang adong hageoron ampa porang. Haganup do sirsir, dear janah ganup do mardalan bani dalan ni bei songon sonaha sidea itompa. Naibata do na markuasa anjaha na mamarentah ganup na dong na ibagas damei in. 1. Bani mungkahni itompa Naibata do tanoh on. Itompa do panondang ase margantih soluk arian pakon borngin, margantih ari, bulan, taun ampa musim. Sonai ma dear ganup mardalan anjaha taratur bei.



5



2. Sanggah jumpah bod ni ari, marombus ma logou nanget-nanget, janah sipata doras tumang. Dob das borngin ni ari, huidah ma i langit bulan pakon bintang marsinalsal, hombun pe mardalan ma huja harosuh ni, gabe borsih ma langit songon lihou ni bah i laut, tapi sompong mintor horlom ma homa use. 3. Dob jumpah sogod ni ari, hubogei ma sora ni manuk-manuk mandoding marmalas ni uhur sonai pinahan pe puho bei ma patugahkon na dob torang ari. Puho ma homa ahu humbani podomanhu , huidah ma hinajenges ni bunga-bunga sonai homa hayu ronsi dolog na pabotohkon ampa mangkatarimakasihkon ari na bayu bani parbinsar ni mataniari sogod on. 4. Sirsir do ijadihon panondang, mataniari ampakon bulan, bintang panondang borngin bai goluhta on. Jenges do ganupan itompa, jimot do homa ipatorsa, bai goluhta on. Haganupan in bahen hadearonta jolma i tanoh on do. Manggargar do pinahan i harang, sonai age binatang i talun, iparmahani Naibata. Maratah do dolog harangan, bah tubuh torsa do mardalan, suan-suanan marsiboan masamni, iramotkon Naibata. 5. Bani mungkahni dear do hasadaon ni ganup tinompa ni Naibata, marmegah-megah do haganup suansuanan bani kehadiran ni jolma, sonai age haganup binatang na idarat pakon na i laut. Isungkupkon do haganup haporluan ni jolma in. Gok damei anjaha gok hasonangan do jolma in sonai age tinompa na legan. Janah haganup do mardalan ibagas rosuh ni Naibata. 6. Gok damei anjaha gok hasonangan do jolma in sonai age tinompa na legan. Janah haganup do mardalan ibagas rosuh ni Naibata. Gok ibagas kesempurnaan do horja ni Naibata. Sipujion do Naibata na pasudkon haganup horja-Ni, na mambahen torsa ganup bagah-bagah pakon rencana-Ni.



7. Tongon seng tarpareksa hinabanggal ni pambahenan ni Jahowa anjaha seng tarbilangi halongangan na dob binahen-Ni. Ai nini do bani Jesaya 55:8 “sedo pingkiran-Ku pingkirannima, anjaha sedo dalanKu dalannima, nini Jahowa.” 8. Nasiam hasoman, ai adong do nani na terjadi anggo lang dong mulani? Anggo sonai ma tunggung ni ampakon jagiah ni na dong in, ai lang pitah halani kuasa ampa gogoh ni Naibata tumang do in! Ia do Naibata Sitompa langit pakon tanoh on ampa haganup isini. 9. Ipasirsir Jahowa do hubanta habotohon ampa hapentaran ase gabe pasu-pasu goluhta laho manramotkon ganupan na tinompa-Ni. Ase tongon gabe sipambobai na toruh maruhur, sihabiari Naibata, gok ibagas biak na madear hita i tongah-tongah ni keluarga, gareja ampa masyarakat. Ulang iparseda hita ulang ipaturut hita. Ase saud tujuan ni Naibata, in ma ase sonang anjaha marmalas ni uhur jolma in ibagas goluhni.



II. Liturgi 2 : Pardabuh ni Jolma hu bagas Dousa P : Domma ititahkon Naibata ase manggoluh jolma in ibagas na marhasonangan. Halani ai do ase ipasingat Naibata jolma in laho mambalosi hata ampa parentah-Ni. Seng adong namin na hurang na pinasirsir ni Naibata bani goluh ni jolma. Sungkup do ibere haganup. Hape iuhurhon jolma in do use ase marsangap ia dos songon Naibata. Lupa do jolma in paboa na tinompa do ia anjaha na maningon tunduk bani aturan na tinotapkon Naibata. Dobni madabuh ma jolma in hubagas dousa.



6



1. Ibere Naibata do jolma in ianan sijengesan pakon goluh na marhasungkupan bani haganup na ihaporluhonni. Jenges do hagoluhan pakon parsaoran ni jolma in sadokah ra sidea mandalankan aturan ni Naibata. Tapi nuan on masa ma na ginoran hageoron, sogam ni uhur, egois, partinggilan, pamunuhon, saling mansalahkon hasoman samah jolma ampa parporangan pe natangar ma age ija-ija. Anggo dear do anjaha jenges do ai bani mungkahni, mase boi masa sisonin nuan?? 2. Egoisme i tongah-tongah ni sesama jolma domma semakin tinggi. Permusuhan gati terjadi halani perbedaan pendapat. Bahkan terjadi penggolongan halani perbedaan status sosial pakon pendidikan. Lang be torsa hasadaon i tongah-tongah ni jolma in. Segala macam cara ipakei jolma laho pasaudkon sura-surani. 3. Tuhan, sonin do gati goluhnami mansalahkon na legan anjaha pasintongkon dirinami. Songon na ilahoi Adam na ijia. Ilajou Adam do mangelak humbani tanggung jawabni, na lobih jangin ope justru ia mamparsalahkon Naibata. Sanggah lape mardousa, malas do uhurni manjalo si Hawa na gabe holiholi ni anjaha dagingni, tapi dob mardousa hatahononni ma: naboru nabinere-Mu in, ia do na mambere buah na ilarang hubangku, gabe talar pangidahku! Sonin ma jolma in gati mansalahkon hasoman. 4. Jangin ni in pangkorhon ni dousa in, dob honsi na rimangi haganupan in songon na gobir do diri mangidah kelangsungan ni haganup pangisi dunia on, jolma age lingkungan ronsi haganup isi dunia on semakin terancam. Dousa mando na manrajai ampa na manggoki uhur ni jolma in, anjaha mangkorjahon dousa do gabe sura-surani. Dihut do age masa depan ni dunia on gabe golap anjaha lang manontu be. 5. Lang sipartarima kasih be jolma in bani holong ampa idop ni uhur ni Naibata. Suhar do balos sonai age horja ni jolma in dompak harosuh ni Naibata. Itundalhon do Naibata marhitei na tanginan bani sibolis, isuhuni do hisap-hisap ni dagingni, surakah, maruhur jahat, pakon marsidalian. Pangkorhon ni ai gabe tubuh ma ringis ni Naibata. 6. Kawahkon ma harangan seng dong hayu na banggal be domma ripas haganup. Pangkorhon ni in lambin roh etekni ma bah anjaha anggo roh udan mangkorhon hasedaon ma, mangkatorban ma tanoh, maseda ma juma ampa suan-suanan. Anjaha sidea na i kota pe mengalami banjir ma. Piga-piga halak do na maruntung hape bueinan do jolma na manaron halani in.



7. Paruhurhon ma sabah ni parjuma, hotop ma lang marhasil, ai buei ma homa munsuh na parsedahon. Itompa Naibata do namin binatang-binatang lao mangurupi parsabah manramotkon omeini, tapi ibunuh jolma in do homa ai. Dobni maseda ma homa juma janah manaron ma parjuma, ai seng be dear hasil ni pariamani. Seng pitah parjuma na manaron, sidea na i kota pe mangarou do, halani mahal ma sibolion. 8. Sonai homa manuk-manuk lang tarbogei be sorani, sonai age binatang harangan domma bois itembaki parsenapang pakon halani rasun ni parjuma. I kobun binatang mando tarbogei sora ni onggang,



7



bossala, hulihap, barang roba-roba. Lungun ma harangan in halani ulah ni jolma, padahal marguna do ganupan in itompa Naibata. 9. Sonai homa age bah mardalan roh etekni mando, sonai pakon ihan na mangiankon bah seng be piga pangisini. Bois do halani tuba, racun, ampa setrum listrik.Dob aibah mardalan pe seng tarinum be halani domma tarkontaminasi atap pe domma lang layak minum. Ai hujin do pambuangan ni haganup, termasuk ma limbah ni pabrik. Hinorhon ni ai, marrohan ma naborit na parsedahon hajorgiton ni angkula ni jolma. 10. Dousa ai, mangkorhon sitaronon na borat. Tapi age pe sonai holong do atei ni Naibata bani dunia on. Lang anjai iosei Naibata padan-Ni na dob luar humbani pamangan-Ni. Ai dilo-dilo do Naibata dompak dunia on nini do “Mulak ma hanima humbani dalannima na jahat in, mase rahanan hanima matei?”.



III. Liturgi 3 : Bagah-bagah Pasal Parroh ni Sipaluah P : Hamagouan do rupei ni jolma na ibagas dousa. Tapi lang marosuh Naibata anggo magou jolma in halani dousani ai. Halani ai Naibata sandiri do roh hu tongah-tongah ni jolma marhitei janah ibagas Jesus Kristus, laho paluahkon jolma humbani hamateian hinorhon ni dousani. Hunjin taridah ma paboa marhitei idop ni uhurNi, ipasirsir do dalan haluahon banta. 1. Age pe domma ilanggar jolma in hata ampa parentah-Ni marhitei hajahatonni, lang ronsi sadokah nidokahni Ia manringis. Ai nini do: ”Tongkin do hansa Hutadingkon ho, tapi marhitei holong ni uhur banggal maningon patumpuon-Ku do ho. 2. Tongon, lang marosuh uhur ni Naibata mangidah hamateian ni jolma halani dousani. Marhitei nabinabi-Ni, ibagahkon Naibata do haluahon na totap anjaha na gok hubani haganup jolma. Ibagahkon Naibata do parroh ni Sipaluah hu dunia on, laho paluahkon jolma anjaha laho mambere hagoluhan na sadokah ni dokahni. Ai nini hata ni Tuhanta do: : “Ai sonon do holong ni uhur ni Naibata bani dunia on, pala do Anak-Ni na sasada in iberehon, ase ulang magou ganup na porsaya Bani, tapi ase hagoluhan na sadokah ni dokahni bani” (Joh. 3:16). 3. Ibotoh Naibata do seng boi jolma in paluahkon dirini. Hamagouan ampa hamateian do rupei ni sidea. Tapi banggal do holong ni Naibata harga do ibahen hita. Lang ipaturut iparjabolon dousa hita. Halani ai ipadanhon Naibata do haluahon in hubani halak na mangkaporsayai-Si marhitei nabi-nabi-Ni, ai ihatahon do:



4. Jesaya 43 : 1 Tapi sonari, sonon do hata ni Jahowa, sitompa ho, ale Jakob, anjaha na manjadihon ho, ale Israel: Ulang ho mabiar, ai Ahu do sipaluah ho, domma hudilo goranmu, Ahu do simada ho.(5 Mus. 4:20; 7:6.) 5. 5 Musa 7 : 6 Ai bangsa na pansing do nasiam bani Jahowa, Naibatanasiam; domma ipilih Jahowa Naibatamu ham humbani bangsa na i tanoh on bahen bangsa-Ni sandiri.



8



6. Mika 5 : 1 Tapi anggo ho, ale Betlehem Efrata, age pe etek ho itongah-tongah ni marga Juda, humbam do roh bangku na gabe panggomgomi bani Israel, anjaha harorohanni humbani na hinan, humbani ari na basaia. 7. 2 Musa 19 : 5 Ai pe anggo itangihon hanima hatang-Ku, anjaha ihorjahon hanima padan-Kin, gabe Ahu ma simada hanima humbani sagala bangsa, ai gok Bangku do ganup dunia on. 8. Sakaria 9 : 9 Marmalas ni uhur tumang ma ho, ale boru Sion marolob-olob ma ho, ale boru Jerusalem! Tonggor ma, na roh do Rajamin marayak ho; parpintor anjaha siparmonang do Ia. Toruh do uhur-Ni anjaha mangajak halode, anak ni halode boru-boru. 9. Jesaya 7 : 14 Halani ai bereon ni Tuhan sandiri ma bannima sada tanda: Tonggor ma, boratan rumah ma sada anak boru, anjaha tubuhkononni ma sada Anak, anjaha bahenonni ma goranni: Immanuel. 10. Padan ni Naibata marhitei panuratan ni Nabi-nabi patangkashon pasal indung ni ganup haluahon. In ma bagah-bagah ni Naibata sibanggalan na mambere haluahon bani jolma. Gabe daging ma Hata in anjaha marianan i tongah-tongah ni jolma. Jesus Kristus Anak ni Naibata domma gabe jolma ase ulang magou ganup halak na porsaya in tapi ase jumpahan haluahon na sadokah ni dokahni IV.



Liturgi IV : Partubuh ni Sipaluah



P



: Poltik do ijolom Tuhan padan pakon bagah-bagah-Ni. Aha na dob ipadankon saud do ai. Sonai ma Tuhan mardingat padan-Ni hubani hita jolma pasal parroh ni Sipaluah in. Jesus roh hu dunia on ibagas rupa ni jolma, na laho paluahkon dunia on.



1.



Ai domma ibagahkon Naibata bani Padan NaBasaia, ai na roh ma Raja in humbani tutuhoni si Isai, hasusuranni Raja Daud. Raja Sipanggomgomi, Mesias, Anakni Naibata na dob gabe jolma. Tonggorma, bani tangan-Ni do sagala kuasa i tanoh on.



2.



Holong do uhur ni Naibata hubani haganup tinompa-Ni, holong do uhur ni Naibata hubani haganup jolma, haganup keluarga ampa haganup pribadi. Halani ai do ase ibere banta Anak-Ni na sasada in bahen tobusan ni haganup jolma.



3.



Ipasaud Naibata do bagah-bagah-Ni, maningon paluahon-Ni do jolma in humbani dousa pakon hamateian. Marhitei Tonduy Napansing, boratan rumah ma si Maria tunangan ni si Josep, pomparan ni raja Daud, tubuhan anak ma ia, bahenonni ma goranni Jesus.



4.



Mardalan nahei do si Josep ampa si Maria laho pasaudhon sura-sura-Ni Naibata. Daoh do sidalanan ai anjaha loja do sidea tapi lang marungut-ungut. Sonai homa ma namin hajongjongan ni haganup jolma i dunia on, bani na mandompakkon situasi sulit songon Pandemi on i tongah-tongah ni



9



pargoluhanni laho pasaudkon rencana ni Naibata i tongah-tongah ni pargoluhanta. 5.



Bani panggagatan do tubuh Jesus in, anjaha sinok do Ia modom. Lang manjua Ia bani hasombuhan ampa kesederhanan in, halani ai do na pinindo ni Naibata. Jesus na tubuh in aima Naibata na gabe jolma. Halani holong-Ni hubani jolma, sirsir do Ia manadingkon hasangapon-Ni. Halani ai patut do tongon pataridahkon hita holongta bani keluarganta, haganup jolma, ampa haganup tinompa, tanda ni na dob ijalo hita Jesus gabe Sipaluah banta.



6.



Parroh ni Kristus lang pitah gabe tanda malas ni uhur, tapi dihut do gabe tanda haluahon, haluahonta humbani dousa, humbani pingkiran na lang madear, domdom, pakon humbani haganup persoalan.



11. Hasangapon ni Naibata domma talar, haganup do pamangan mangaku, Ham do Raja iatas ni sagala raja, Tuhan iatas ni sagala Tuan. Seng adong na dos songon Ham. Tarpuji ma Tuhan. Hata in do na gabe daging, hasangapon ma bani Naibata na i babou. Damei ma bani haganup jolma na itanoh on. Marsurak ma puji ma Ia halani hasangapon-Ni.



V.



Liturgi V : Makna Natal



P : Domma 117 Tahun Ambilan Namadear i tongah-tongahta. In ma hitei ni Tuhan mangkasomani hita. Marhitei Natal borngin on. Pataridahkon hita ma tongon ganup na jenges na dob binahen ni Tuhan in banta marhitei ganup goluhta tarlobih hita Inang ampakonni keluarga. Anggo sonai aha ma sibahenonta? 1. Patut do malas uhurhu manjalo partubuh ni Jesus. Halani ai lang be manggoluh ahu marhitei pingkiranku atap rosuh-rosuhku, tapi marhitei Jesus ma ahu manggoluh. Aha pe na dong bangku, pakeionku ma in bani rosuh ni Jesus. 2. Domma tongon tubuh Sipaluah i tongah-tongahta. Ase tubuh matongon Ia, ibagas uhurta pribadi lepas pribadi, mambahen hita boi manadingkon haganupan parlahou nalang suman bani goluhta on. Halani ai paturut hita ma Ia na gabe sipambobai bani pargoluhanta. Ampa horjahon hita ma na madear hubani haganup halak, tapi bueinan bani hasomanta sahaporsayaon. 3. Sai dingatonku ma hata ni Naibata na hinatahon-Ni hubani si Josua, ” Ulang ma mosor buku ni titah on hun pamanganmu, sai pingkir-pingkiri ma in arian pakon borngin ase iramotkon, anjaha ihorjahon ho romban hubani na tarsurat ibagas in. Ai ma totap manggoluh bani pargoluhanhu. On ma na hudalankon ibagas goluhku sebagai tanda domma hujalo Jesus in.



4. Goluh on lang ganggang humbani persoalan, naborit na lambin roh janginni pe boi do sogop banta, lang mangidah situasi pakon keadaan. Tapi marhitei Natal on, tenger do uhurhu bani kehadiran pakon padan ni Tuhan, pasonangon-Ni do haganup na loja anjaha na boratan.



5. Tongon bani goluh on sai adong do tong sipingkirhonon. Tapi porsaya do ahu asal marhasoman Jesus, pasti do boi hubolus in ganupan anjaha dapotan hamonangan ahu, halani ai ningku ma ‘ Ningon Jesus hasomanku pitah au kahou do, rapkon Jesus boi au monang, talu munsuhkin ganup. Seng mabiar au



10



ijin Jesus do hasomankin sai irikkononku Jesus balosan ku mando in” 6. Au sahalak inang na gati isobut inang na galek, galek bani horja anjaha galek ibagas na mandompakkon ganup persoalan, tapi hubaen do sada pengakuan, bani haganup hagalekonku Tuhan do totap na gabe pangajamanhu. 7. Sai dingatonku ma tong homa keluarga ni Abraham pakon si Sara. Tongon sai adong do sitaronon na masa i tongah-tongah ni keluarga. Tapi totap do sidea marsihaholongan, tangi bani hata ni Tuhan anjaha seng sirang anggo lang sinirang ni hamateian. Dob hurimang-rimangi pasal pandiloon ni Naibata bani si Maria laho manubuhkon Sipaluah in, porlu tumang do hape haluahon in. Halani ai sirsir ma ahu gabe saksi-Ni marhitei na pararatkon hata-Ni anjaha patoguhkon pangakuanku 8. Diateitupa ma husombahkon Bamu, Jesus Sipaluah. Halani Ham do na gabe dalan, hasintongan pakon hagoluhan. Ajari ham ma tongtong hanami ase selaku inang boi tongon-tongon hanami mambohali diri ibagas hajengeson pardagingon sonai tarlobih partonduyon. 9. Gabe ianan na sonang do pargoluhon ni sada inang, in do prinsipku sonari on. Anggo tubuh parsalisihan bani keluarganami, hinorhon ni parlahou age ekonomi na hurang, lang anjai maseda keharmonisan ni keluarganami. Marhitei Natal on, lambin tambah do gogoh anggo totap mangajamkon ampa marpangusandeian bani Jesus Sipaluah in. 10. Jesus do Panondang ni dunia on. Marmalas ni uhur ampa martarimakasih ma hita. Domma ijalo hita haluahon na humbani Naibata, sai ra ma hita manaksihon in. Ase marhitei na marNatal hita panorang on, mamestahon pesta pardingatan partubuh ni Tuhan Jesus Kristus, lambin margogoh ma tongon hita janah lambin marbanggal ma homa haporsayaonta dompak Tuhan Naibata, janah boi homa hita haganupan gabe saksi ni Kristus .



11