Tona Sinode Distrik XXII [PDF]

Citation preview

Tona Sinode HKBP Distrik XXII Riau Senin-Selasa, 10 – 11 Agustus 2020



Mandapothon na Hinaholongan Sude ruas ni huria HKBP Distrik XXII Riau D/P Pendeta Ressort



Asi ni roha ma di hamu dohot dame na sian Tuhanta Jesus Kristus Raja ni huria i, Amen! Sinode HKBP Distrik XXII Riau dipatupa di ari Senin-Selasa, 10 – 11 Agustus 2020, na niuluhon ni amanta Praeses Distrik XXII Riau, Pdt. Mangantar Tambunan, MTh na maringanan di Hotel Furaya Pekanbaru, na ni dohotan ni Pandita Ressort, Utusan Sintua ganup Ressort, Utusan sian Ruas ganup Ressort, Utusan Guru Huria, Bibelvrou, Diakones dan utusan Kategorial Parompuan dohot Naposobulung. Torop na mandohoti Sinode Distrik i, ima 144 halak. Denggan do mardalan sinode on dibuka dohot kebaktian jala dipaujung marhite ibadah Sinkat dohot pelantikan MPS – MPSD – Badan Audit Distrik. Di Sinode Distrik on, dienet do Tema “Huhalupahon na dipudingku, hueahi angka na di jolo Ipilippi 3 : 13-14)” dohot Sub Tema “Ai denggan do di roha ni Tondi Parbadia nang dirohanami menguduti panghobasion tu tingki na naneg ro (Ulaon 15 : 28” Disituasi pandemi Covid-19 na masa, di jamothon panitia dohot Sinodesten do protokol kesehatan hombar tu anjuran ni pamarenta. Suang songoni sosososo ni induk ni huria HKBP, Ompui Ephorus, marhite angka surat parmahanion na pinatolhas nasida tu hurianta, songon halak na porsea di Tuhan Jesus Kristus asa tongtong hita marpos ni roha mangadopi namasa on. Huhut asa lam marsitutu hita martangiang tu Tuhanta di ganup ingananta be, asa dibagasan pangaramotionNa huta ganup di ulaon siganup ari. Jala dihamamasa Tatanan Hidup Baru ditingki on, ingkon tongtong radot hita manjamothon protokol kesehatan di ganup hurianta na patupa parmingguon di gareja. Dibagasan parsirangguton I, dipahatopot jala dijaouhon do asa saluhut parhalado nang ruas ni huria tongtong lam ringgas marsitangiangan. Hombar tu Aturan Peraturan ndung Amandemen Patoluhon naung ditotophon di bulan Oktober 2018 na salpu, secara khusus taringot sistem Proporsional, ima sidalanhononhon di sandok HKBP. Unok ni AP HKBP Amandemen patoluhonon ima : laho bongot tu Sinode Godang ingkon jolo tangkas ma dipillit ise na gabe parsidohot tu Sinode Godang sian peserta Sinode Distrik. Ala ndang sude be angka utusan sian ganup Ressort mandohoti Sinode Godang songon aturan na parjolo i. Tarpillit ma di Sinode HKBP Distrik XXII Riau on, 4 halak Calon Praeses, 24 halak Utusan Sinode Godang Partohonan Pandita dohot 24 halak non



Pandita, 2 halak Majelis Pekerja Sinode (MPS), 10 halak Majelis Pekerja Sinode Distrik (MPSD), 3 halak na gabe Badan Audit Distrik dohot 2 halak na gabe Panitia pemilihan di Sinode Godang na naeng ro. Borhat sian ima Sinode Distrik on diulahon na niuluhon ni Amang Praeses Pdt. Mangantar Tambunan, M.Th.. Saluhut nuang tarpillit tu angka ulaon I dohononta ma asa dipatau jala dipargogoi Tuhanta nasida mangulahon angka ulaon na sahat tu nasida. Dipargogoi Debata ma saluhut nangka naposoNa na mangjula di HKBP Distrik XXII Riau on. Dipasupasu ma nang saluhut parhalado dohot ruas ni huria manang didia pe nasida dipaojak Debata, asa rap mangeahi na dumenggan tu joloon, jala gabe pasupasu di sandok portibi on. Amen Atas Nama Parsinode, Praeses HKBP Distrik XXII RIAU



Pdt. Mangantar Tambunan, MTh.