PASAMBAHAN TAKZIAH San Amb [PDF]

Citation preview

PASAMBAHAN TAKZIAH (KA PULANG) Pasambahan ketika selesai takziah dilakukan dengan singkat / tidak berlama-lama ========================================================== SI ALEK



: *(Tuan Mudo).!



SI PANGKA



: Lai ambo, *(Sutan Basa)



SI ALEK



: Buah parundiangan ditibokan ka bakeh *(Tuan)



SI PANGKA



: Sabalun kato bajawek, gayuang basambuik Dek ambo duduak ba nan tuo, Baiyo ambo, basaba *(sutan).



SI ALEK



: Ambo pakai sipaik mananti *(tuan)



SI PANGKA BAIYO JO NAN TUO/ NINIAK MAMAK SI PANGKA



: Laluanlah kato baliau, *(Sutan).



SI ALEK



: Yo, Ma *(Tuan)



SI PANGKA



: Lai, *(Sutan)



SI ALEK



: Sabalun buah parundiangan ambi tibokan Indak nan tuo pado kako, Indak nan mulia pado mamak Dek *(tuan) tibo di nan tuo, Ambo tibo di nan ketek, Rila jo maaf ambo pintak *(Tuan)



SI PANGKA



: Kapado Allah



SI ALEK



: Sambah manyambah dipulangkan kapado Allah Salawaik jo salam dipuhunkan ka bakeh nabi, Buah parundiangan ditibokan ka bakeh sutan. A yolah nan ka manjadi buah parundiangan di ambo ka bakeh *(Tuan) Aua nak rang tanjuang barulak, Pucuak nyo rayiah marayiah Malang nan ndak dapek ditulak, Mujua nan ndak dapek diraiah Lah malang tibo dek rangtuo kito Kok sakik alah ducari ubek, Kok damam alah dicari tawa Indak dapek sulandak padi, Sukatan bilah kaparaku Indak dapek bakandak ati, Kandak Allah nan balaku, Mako sampailah ajalullah baliau pado hari *(kini) Mako bahimpunlah karik jo kabiah, Korong jo kampuang Nan jauah baondong datang, Nan dakek baondoh tibo Manuju rumah nangko untuak bartakziah Mambacokan Kulimaik Allah, Ayaik demi ayaik, Lah dipati dengan doa, Bajalan nyo lah babateh, Balayia nyo lah bapulau 1



Mudah-mudahan apo nan kito bacokan tadi Disampaikan sumpamo pahalonyo kapado urang tuo kito nan tadaulu, Kok sampik dapek katawaran, kok angek dapek katawaran lah handaknyo Kamudian kapado keluarga nan ditinggakan dibari katabahan handaknyo Pun baato hanyo lai, Dek garak manunggu katioko, Sumabayang manunggu wakatu, Dek wakatu isya lah ampia masuak, Nak maurak selo nan padek, Nak maayun langkah nan gontai Pai kami jo mupakaik, tingga *(tuan) jo parundiangan Sakian buah parundiangan dianta sampai ka bakeh *(tuan) SI PANGKA



: Sampia *(sutan).



SI ALEK



: Dibilang alah *(tuan).



SI PANGKA



: Dikumbalikan buah parundiangan ka bakeh *(sutan).



SI ALEK



: Sabuik *(tuan)



SI PANGKA



: Sambah manyambah dipulangkan kapado Allah Salawaik jo salam dipuhunkan ka bakeh nabi, Buah parundiangan dikumbalikan ka bakeh tuan. A yolah nan ka kumbalinyo di ambo ka bakeh tuan Maagak dihari *(Sahari kini / Nan barlalu), Malang nan ndak dapek ditulak, Mujua nan ndak dapek dirayiah Mangko lah barpulang urang tuo kito ka Rahmatullah Mangko barhimpun lah karik jo kabiah, Ipa jo bisan Sarato buek arek, Sati nan taguah, ka ateh rumah nangko Mambacokan Kulimaik Allah, ayaik demi ayaik, Lah dipati dengan doa, alah banamo samparono Handaknyo apolah nan kito bacoka tadi Disampaikan Allah lah handaknyo kapado urang tuo kito nan tadaulu Kok sampik dapek katawaran lah handaknyo Kok angek dapek katawaran lah handaknyo Sasuai lah dengan amalan Baliau nan takarajoan di dunia nangko. Pun baato hanyo lai, Dek garak manunggu katioko, Sumabayang manunggu wakatu, Dek wakatu isya lah ampia masuak, 2



Nak maurak selo nan padek, Nak maayun langkah nan gontai Supayo nak dilapeh jo muluik nan manih, jo hati nan suci Kan baitu buah lalunyo *(sutan).? SI ALEK



: Sabananyo *(tuan)



SI PANGKA



: Sapanjang buah parundiangan *(sutan) nan ka tangah. Alah di adaik nan bapakai, dicupak nan baisi. Tapi sungguah samantang nan bak nan tun Nan rajo kato mupakaik, Nan bana kato baiyo Ambo bao kato jo mupakaik, mananti *(sutan) sakutiko.



SI ALEK



: Samulo kato taranta ka bakeh *(tuan) Supayo barek nak bakisa ka nan ringan Jauah nak bakisa ka nan ampia Ambo pakai sipaik mananti, *(tuan)



SI PANGKA



: Ambo ka mambao kato jo mupakaik, *(sutan) mananti lai ka basaba.?



SI ALEK



: Sakiro - kiro



SI PANGKA BAIYO JO NAN TUO/ NINIAK MAMAK SI PANGKA



: *(Sutan Basa).!



SI ALEK



: Lai ambo, *(tuan).



SI PANGKA



: Di hari sabanta cako, *(Sutan) Mananti manuruik adaik, manauang manuruik undang Ambo mampaiyokan kato, ka bakeh baliau nan basamo Kini lah dapek buah jo bari nyo dari baliau, taranta ka bakeh ambo Di ambo maantaan ka bakeh *(sutan) Alah ka antanyo di ambo ka bakeh (sutan) Satantang kandak *(sutan) nan ka tangah, Kandak buliah, pintak bapalakuan Lah ka dilapeh jo muluik nan manih, jo hati nan suci, Tapi sungguah samantang nan bak itu, Diraok an padi, dihalau an balam, Dietong hari, dibilangan malam. Baa di malam nan *(partamu) kini 3



Bajalan nyo lah babateh, balayia nyo lah bapulau, Baa di malam nan *(kaduo), sarupo iko juo lah handaknyo Ikolah ka buah barinyo *(sutan) SI ALEK



: Sampai *(tuan).?



SI PANGKA



: Dibilang alah *(sutan)



SI ALEK



: Maagak di hari sabanta cako, Ambo mananti, *(tuan) baiyo Kini lah dapek buah jo bari nyo taranta ka bakeh *(tuan) Di *(tuan) mangumbalikan ka bakeh ambo Alah ka kumbalinyo di *(tuan) ka bakeh ambo Kandak buliah, pintak bapalakuan Lah ka dilapeh jo muluik nan manih, jo hati nan suci, Tapi kandak pulo dari pihak nan bapangka ateh karajo nan bapokok, Diraok an padi, dihalau an balam, Dietong hari, dibilangan malam. Baa di malam nan *(partamu) kini, alah banamo samparono Baa di malam nan *(kaduo), sarupo iko juo lah handaknyo Mangko lalunyo *(tuan).?



SI PANGKA



: Sabananyo *(sutan)



SI ALEK



: Sapanjang buah parundiangan *(tuan) nan ka tangah. Alah di adaik nan bapakai, dicupak nan baisi. Tapi sungguah samantang nan bak nan tun Nan rajo kato mupakaik, Nan bana kato baiyo Ambo bao kato jo mupakaik, mananti *(tuan) sakutiko.



SI PANGKA



: Ambo pakai sipaik mananti *(sutan)



SI ALEK BAIYO JO NAN TUO/ NINIAK MAMAK SI ALEK



: *(Tuan Mudo).!



SI PANGKA



: Lai ambo, *(sutan).



SI ALEK



: Di hari sabanta cako, *(Tuan) mananti ambo baiyo Kini lah dapek buah jo bari nyo dari baliau, taranta ka bakeh ambo Di ambo maantaan ka bakeh *(tuan) Alah ka antanyo di ambo ka bakeh (tuan) Satantang kandak *(tuan) nan ka tangah, Kok ndak ado aral malintang, badan sihaik, umua panjang, InsyaAllah sajo jaweknyo *(tuan) 4



SI PANGKA



: Sampai *(sutan).?



SI ALEK



: Dibilang alah *(tuan)



SI PANGKA



: Maagak di hari sabanta cako, Ambo mananti, *(sutan) baiyo Kini lah dapek buah jo bari nyo taranta ka bakeh *(sutan) Di *(sutan) mangumbalikan ka bakeh ambo Alah ka kumbalinyo di *(sutan) ka bakeh ambo Kok ndak ado aral malintang, sakik, ngilu, jo paniang InsyaAllah sajo jaweknyo. Kan baitu lalu nyo *(sutan).?



SI ALEK



: Sabananyo *(tuan)



SI PANGKA



: Sabuah kandak lah buliah, pintak lah bapalakuan Lah sanang kironyo hati *(sutan)



SI ALEK



: Baa nan parundiangan kito *(tuan).?



SI PANGKA



: Kito parantia *(sutan).



SI ALEK



: Barenjeng tagak kami lai *(tuan)



SI PANGKA



: Kami ruangan jalan.!



SI ALEK



: Assalamu’alaikum



SI PANGKA



: Wa’alaikumussalam



5