Acara 13 Oktober Nababan [PDF]

Citation preview

10. Marende BE no. 806:1-3, “Aha Pe Masa di Ngolumon”         1.   Aha pe masa di ngolum on, Tuhan manjaga ho.                  HolongNa do mangondihon ho, Tuhan manjaga ho                    Ref.: Tuhan manjaga ho, las pe roham, marsak pe ho.                        Sai diramoti ho, Tuhan manjaga ho.            2. Sai disarihon do ngolum i, Tuhan manjaga ho.                  Sai ditangihon tangiangmi, Tuhan manjaga ho.                    Ref.: Tuhan manjaga ho, las pe roham, marsak pe ho.                        Sai diramoti ho, Tuhan manjaga ho.            3. Molo borhat siporsanonmi, Tuhan manjaga ho.                  Tung golap pe parnidaanmi, Tuhan manjaga go.                  Ref.: Tuhan manjaga ho, las pe roham, marsak pe ho.                        Sai diramoti ho, Tuhan manjaga ho. 11. Parsuruon di ngolu siganup ari L : Ale Tuhan Debata Ama nami, Ho do na marmahani hami dohot na manarihon  ngolu nami siapari, diparbagai. Ho do tu hami paboa ingkon gabe marga na tarpasupasu  ianggo marga nababan, di hagabeon, hamoraon, nang hasangapon pe. Alani i pargogoi ma  luhut nababan, boru, bere nang Ibeberena  mangulahon lomo ni rohaM asa lam torang pasupasuM jumpang di marga Nababan. S : Mangendehon BE No. 789: 1 “Lului Hamu Harajaon ni Debata “      1. Lului hamu harajaon ni Debata rap dohot hatigoranNa.            TambahononNa ma ondeng tu hamu, Haleluya! Haleluya!               Ref.:Haleluya! Haleluya! Haleluya! Haleluya! Haleluya! L : Ale Jesus Kristus Raja ni Huria i, mualiate ma rohanami tu Ho naung manubuhon hami padua halihon marhite panghonghop-Mi. Sai lam tambai ma di hami roha dohot pangantusion laho mananda denggan ni basam asa tarida parbue ni haporseaon nami mangoloi Ho.  S : Mangendehon BE No. 789: 1 “Lului Hamu Harajaon ni Debata “        2. Pangido ma sai na lehononNa do, lului ma sai na jumpang.            Tuktuhi ma si na ungkaponNa do; Haleluya, Haleluya!               Ref.:  Haleluya! Haleluya! Haleluya! Haleluya! Haleluya! L : Tangiang Pelean + Ale Amanami II.



Ramah Tamah



(diatur tersendiri)



TATA IBADAH PARTANGIANGAN BORSAK MANGATASI NABABAN BORU, BERE, IBEBERE SUNGAI DANAU, SEI CUKA SEKITARNYA Pa-66 taon (13 Okt 1955 -  13 Okt 2021) Tema : Unang holsohon hamu agia aha; alai sandok pabotohon hamu ma tu Debata pangidoanmuna marhitehite tangiang dohot elehelek mardongan mauliate! (Pilippi 4:6). I. Kebaktian  (L: Liturgis; S: Sude;)         1. Pangaradeon         2. Joujou Marsomba tu Debata L : Hamuna angka dongan na hinaholongan, sadarion marpungu do hita di inganan on laho martangiang, mamuji huhut pasangap goar ni Debata ala pangaramotionNa di hita saluhutna marga Nababan, boru, bere, dohot ibebere na adong di luat Sungai Danau, Sei Cuka Sekitarnya. Antong, hita angka na pinarhamaol ni Debata, beta ma hita mandok di tangiangta : Mauliate ma di Jahowa, ai pardenggan basa do Ibana, ai ro di saleleng ni lelengna do asi ni rohaNa. S : Ale Debatanami, mandok mauliate ma hami tu Ho dohot mamuji goarMu na marmulia i. L : Sai arahon donganmi martangiang, dok hamu ma : Mandok mauliate ma hamu tu Tuhan ni angka tuan, ai ro di salelenglelengna do asi ni rohaNa. Mandok mauliate ma hamu tu Debata ni angka surgo, ai ro di saleleng ni lelengna do asi ni rohaNa. S : Ale Debatanami, mangasahon goarMu hami mamuji manipat ari, jala mandok mauliate hami di asi ni rohaM  salelenglelengna. L : Antong hamu na hinaholongan, beta ma hita sumombahon pujipujian tu Debata, ima tangiang tanda ni mauliate ni rohanta tu Ibana. Marende ma hita : Marende BE no 18:1-2 “Ungkap Bahal na Umuli” 1.        Ungkap bahal na umuli bagas ni Debatangki;           Ai tusi do au naeng muli, ganup jumpang Minggu i.           Hulului do disi bohi ni Debatangki.  2.        Nunga ro au, o Tuhanku, ro ma Ho tu au muse,           Ai di bagas ingananMu las ni roha do sude;           Sai bongoti rohangkon baen ma joromi dison.



1. Votum – Introitus – Tangiang L : Marhitehite goar ni Debata Ama dohot Goar ni Anak-Na Tuhan Jesus Kristus, dohot Goar ni Tondi Parbadia natumompa langit dohot tano on. Amen. Ho do ale Jahowa dihalungunhon rohangku,  ale Debatangku marhaposan tu Ho do ahu, unang tung paila ahu, asa unang marsuraksurak musungku marnida ahu.  S : Ndang  tahe  tagamon tarurak sude angka namanghaposi Ho, sai maila do sogot angka pangose so ada alana. L : Ale Jahowa sai pabotohon ma tu ahu angka dalanMu, jala ajarhon tu ahu angka bogasMu.  S : Sai togutogu ma ahu tu bagasan hasintonganMu jala ajari ahu, ai Ho do Debata ni hatuaonhu, Ho do nahuhaposi ganup ari. L : Sai ingot ma ale Jahowa angka denggan ni basaM dohot asi ni rohaM, ai sian na robi do angka i.  Haleluya, martangiang ma hita : Ale Tuhan Debata Ama nami  na dibanua ginjang. Holan ala asi ni rohaM do umbahen  natarbahen  hami marpungu di inganan on,  lumobi ma hami pomparan  Borsak Mangatasi Nababan Boru, bere, Ibebere naadong di Sungai Danau, Sei Cuka on. Diramoti Ho do hami sian nasailaon diganup inganan  nami, alani hupuji hami ma Ho, laos huhamauliatehon hami do saluhut denggan ni basaM naung pinasahatMu  tu hami. Diparbaga Ho do dibagasan hataM, manang didia adong dua manang tolu halak marpungu marhite goarMu sai lehononMu do napinangido ni nasida. Ale Tuhan nunga pungu hami nuaeng dison, sai pasaut bagabagaMi di ngolu nami jala na tau sangap di Ho, pasaut ma bagabagaM dipangidoan nami nahombar tu lomo ni rohaM. Angkup ni i lehon ma natau hangoluan dohot las ni roha  di hami, jala saleleng dihasiangan on hami tongtong pasaor tu hami pangantusion di hangoluan saleleng ni lelengna marhitehite Tuhan Jesus Kristus Tuhan nami. Amen 2. Marende BE no. 681:1-2, “Ale Amang Asi Roham” 1. Ale Amang asi rohaM di au pardosa on.     Unduk do rohangkon nuaeng marsomba di joloM.     Unang jujur, unang jujur angka dosangki,     Sai salpuhon, sai salpuhon sian rohaM i. 2. Amang sai pargogoi ma au di hasiangan on.     TondiM pasaor tu tondingkon pamalum rohangkon.     Sai usehon, sai usehon TondiM i tu au,     Asa monang maralohon parungkilonki.



6. Mars Borsak Mangatasi (Lagu. BE.No. 247 “ Sai hehema hamuna”) Jongjong saluhutna Tubu di tano tipang do marga Nababan. Gabe ditumpak  Tuhan  rarat ma tu Humbang. Ari  sampulu  tolu  bulan  sampulu i.  Pungu  mangido  ngolu tu Tuhan Jesus i Hamu angka donganku, hamu Nababan i. Pahombar ma langkamu lomo ni Tuhan i. Padao ginjang ni roha, sai tiop burjumi.  Asa denggan martua sahat tinujumi Pasada ma o Tuhan hami nababan on. Ido dalan ni tua  ro  tu joloan on Sahat ma pasupasu tu hita Nababan. Sahat tu boru bere,lehonon ni Tuhan Horas nang Negaranta, manggomgom Nababan. Tangiang tu Tuhanta, sai maju berkembang.  Sahat-sahat ni solu, sai  sahat  tu bontean.  Leleng hita mangolu, gabe jala horas. Hundul 7. Tangiang Pangondianon  8. Marende BE no. 487:1-2, “ Tung Halak na Margogo” 1. Tung halak na margogo sipartangiang i.     Dokdok pe sitaonon, ndang olo talu i.     Pos situtu rohana di Debatana i.     Tuhanna manaluhon sude pangaloi. 2. Nang hirahira mogap dibaen sitaonon i.     Marsinggang do Ibana managam Tuhan i.     Dung jumpang pe tingkina sumurut arsak i.     Tarapul ma rohana dibaen Tuhanna i. 9.



Jamita : Pdt. Hally Halpikal Nababan, STh



3. Tangiang Pangidoan Dohot Bagabaga ni Debata. L : Ale Tuhan Debata, Pargogo na so hatudosan. Parasiroha na sumurung. Ho do Debata na marbagabagahon: Molo adong dua manang tolu halak marpungu marhitehite GoarMu, lehononMu do na pinangido nasida. Ale Tuhan Debata na maporus do hami nuaeng tu adopanMu, sai pasaut ma bagabagaMi. Ondingi ma hami angka na marhaposan tu Ho. Ro do hami nuaeng tu adopanMu mangasahon asi ni rohaM. Sai unang tulak hami, sai jalo ma tangiangnami. S : Ale Tuhan Debata, Pargogo na so hatudosan, asi ma rohaM di hami. L : Ale Tuhan Debata, Pargogo na so hatudosan. Di ida Ho do sitaonon na masa humaliang hami ima panghorhon ni Covid-19 na mambahen lam mabiar hami di parngoluonnami. Nunga tung marpangontak ale Tuhan sitaonon on nuaeng di tongatonga ni bangsonami nang di luat portibi on. Nunga leleng ale Tuhan ndang rap hami marpungu di gareja dohot angka dongannami ruas ni huriaM. Nunga tung so tarbahen hami be rap marpungu dohot angka dongan ala ingkon mian hami di bagasnami marsadasada. Tung mampanghorhon do ale Tuhan nang dohot tu parngoluon siapari, bobonosan do hami taringot tu sipanganonnami ala hurang tontu angka pansamotannami. Godangnai ale Tuhan angka dongan na mansohot sian ulaonna be ala so tarbahen be mardalan angka perusahaan di bangsonami.  Ale Tuhan,  di adopanMi, tung manungkap ma hami nuaeng, somba jarijarinami dohot unduk simanjujungnami, sai asi ma rohaM, salpuhon ma parsorion ala ni Covid-19 on sian  sandok portibi on. Tibu ma alusi anggukangguknami, asa tung  hatop sumuang hami mangula ulaonnami, jala asa tung tarbahen hami marsada di parpunguan ni huriaM nabadia.  S : Ale Tuhan Debata, Pargogo na so hatudosan, asi ma rohaM di hami. L : Ale Tuhan Debata, Pargogo na so hatudosan. Parasiroha na sumurung. Sai tatap ma angka ianakhon naung leleng so boi be marsingkola, na mambahen bohabohaon roha nasida be. Sai unang paloas mansohot angka sintasinta ni roha nasida, sai lehon ma pingkiran na torang dinasida be, asa tongtong rade nasida marsiajar di bagasna be, paima sumuang hami sian sorimago i.  Unang loas nasida di gohi biar, alai sungguli roha nasida asa dohot martangiang mangido haluaon sian Ho.  S : Ale Tuhan Debata, Pargogo na so hatudosan, asi ma rohaM di hami. L : Ale Tuhan Debata, Pargogo na so hatudosan. Parasiroha na sumurung. Tatap ma saluhut angka dongan na ingkon agoan ulaon nuaeng ala dipasohot sian inganan parkarejoanna be. Asi ma rohaM di nasida, sai unang loas madabu tu pandelean,



alai papos ma roha nasida manghirim di na dumenggan si jaloon nasida dung sumuang hami sian sorimago i.  duru ni luatta on, jala adong do naung sahat tu duru ni Indonesia laho mandiori parbinotoan, ima  patuduhon marparbue do pangidoanta tu Debata jala manumpak do  asi ni roha ni Debata. Ala ni i ingkon lam serep rohanta,  ingkon padaoonta  ginjang ni roha, asa unang  mansohot pasu-pasu ni Debata, alai  naeng ma ingkon torus mangerbang pasu-pasu ni Debata  sahat tu hita marga Nababan, Boru, bere, dohot Ibebere marhite namangolu holong ni roha dohot haserepon di hita ganup pomparan ni marga Nababan. L : Mauliate ma di Ho ale Tuhan Jesus Kristus naung mangaramoti hami marga Nababan, Boru, bere, dohot Ibebere, gabe sahat hami tu hamajuon sinuaeng on. Na mauas do ianggo marga nababan di hamoraon, hagabeon, dohot hasangapon, dibahen i do sai tarjou ganup marga Nababan, Boru, bere, dohot Ibebere manang didiape, dibagasan dohot diduru ni Indonesia on ingkon patupa partangiangan  mangido tu Debata denggan basa dohot asi ni rohaNa, tongon di ganup tanggal 13 oktober. Naeng ma  ingkon sude marga Nababan   patupa  partangiangan mangido asi ni roha  sian Debata, molo so adong hombar  jabuna  dohot  dongan  sahutana pinompar ni marga Nababan di luat i, pinomat  di tonga ni bagasna rap dohot  angka  ianakhonna  ingkon patupahon partangiangan pamujion  tu Debata. Ai ngolu sipartangiang do ngolu nahinalomohon ni Debata Jahowa, Ibana do situmpak ngolu ni angka marga naserep marroha. S : Tung holan asi ni rohaM sambing do ale  Jahowa  umbahen na boi jongjong hami sahat tu tingki on. Urupi ma hami asa marsihohot dibagasan haporseaon gabe tau hami manjalo ragam ni pasu-pasu sian Ho. Patubu ma nang pangoloion natangkas di rohanami laho sumomba Ho unang gabe mampar be rohanami mandiori pasupasu tu hagogoon naadong diportibi on, asa unang lao be roha nami mangido pangurupion tu sumangot ni angka naung monding. Alai Ho do mual ni pasu-pasu, Ho natau sipujion dohot sisombaon. L: Dibahen i:  marhite naung tadai hinatonggi ni pasu-pasu ni Tuhan, lam manontong ma rohanta marhaposan tu Debata, asa gabe marga na gabe pasupasu marga Nababan, Boru, Bere dohot Ibebere di liat portibi on, jala lam tamba bilangan ni angka na pistar jala na tarpasupasu mambahen marsangap goar ni Debata situmpak nasa ulaonta.



S : Ale Tuhan Debata, Pargogo na so hatudosan, asi ma rohaM di hami. L : Ale Tuhan Debata, Pargogo na so hatudosan, Parasiroha na sumung. Tatap ma saluhut hami angka naung marhoihoi nuaeng laho manjalahi bohal ni parngoluon siapari. Angka dongan na so dapotan sipanganon ganup ari. Sai patongon ma angka pidong si Gak na boi suruonMu paradehon sipanganon di hami. Tumpahi sandok dongan na boi manarihon donganna, na olo marsilehonlehon sian angka na adong di nasida be. Tumpahi nang dohot huriaM di sandok portibi on anggiat tung boi huriaMi tongtong marsahala laho manghatindanghon asi ni rohaM.  S : Ale Tuhan Debata, Pargogo na so hatudosan, asi ma rohaM di hami jala sesama dosanami. L : Ale Tuhan Debata, Pargogo na so hatudosan. Tatap ma nang dohot pamarenta ni bangsonami, angka pangubati dohot sude angka na mangula arian dohot borngin laho manghobasi angka dongannami na hona sahit ala ni virus corona. Pargogo i ma nasida be, unang loas tahutan nasida. UlaulaM do nasida di tonga ni bangsonami asa tung saut sangkap hatuaonMu di portibi on. Paloas ma mardame sonang rohanami  pamarenta dohot rakyatna, asa dos rohanami laho manggotap harararat ni virus corona di hasiangan on. Ala ni i, huundukhon hami ro tu toru ni tanganMu na gogo i. Sai sesa sude dosanami, dohot dosa ni dongannami. Ho sambing do haporusannami, jala marhaposan tu Ho do hami. Sai lehon ma di hami hangoluan siganup ari, jala palua ma hami sian hagogotan na masa nuaeng, pasonang jala apuli ma hami angka na hinophop ni Tuhan Jesus Kristus, Tuhannami. Amen. 4. Marende BE no. 763:1, ”Molo Jesus Donganmi Las Roham” 1.  Molo Jesus donganmi las roham.       Jesus i pangurupim las roham.       Hot haporseaonmi dohot pos ni rohami       mardonganhon Jesus i las roham.       Ref.:   Las roham, las roham, mardonganhon Jesus i las roham.                 Marsinondang ma di ho, bintang panghirimon i,                 Mardonganhon Jesus i las roham. 5.  Refleksi Pardalanan ni Borsak Mangatasi Nababan L : Dibagasan sadarion, tongon di ari 13 Oktober 2021, tingki na lehet di hita dinapinatubu ni Debata roha namangolu di natuatua ni Nababan laho patupa



rujiruji dipardalanan ni pomparan ni Borsak mangatasi Nababan, mansai masihol di hamajuon. Tu Debata do dialualuhon nasida marhite namarsangkap laho patupahon partangiangan dalan mangido pasu-pasu sian Debata. Marlaba do i dibagasan na lam mangarerak hamajuon dipinompar ni Borsak Mangatasi Nababan. Laos ditaontaon namangihut, gabe siingoton doi dalan laho sumomba Debata diganup luat nang inganan paboa Debata mual ni nasa pasupasu, Ibana do na tama sisombaon dohot sipujion. Marlas ni roha hita sadari on mamestahon  Partangiangan   naung pinungka ni natuatuanta pomparan ni Borsak Mangatasi Nababan, jala  tahalashon do i  ganup  taon  tongon di bulan oktober. Asa ingkon  parhatopoton ni rohanta do tung na balga do asi ni roha ni Jahowa tu hita marga Nababan, dohot boru bere nang Ibebere. Marparbue do partangiangan i manghorhon dapotan pasu-pasu hita on, diganup ulaonta be. S : Tung ise  ma nian hita marga Nababan umbahen pola ditanda jala diparhamaol  Jahowa hita ? Alai sian asi ni rohaNa dipiliit do hita gabe inganan panaburan ni Barita Nauli i. Di ari  13 Oktober  1955  na salpu, mansai  lehet  do  angka nasangap ni Nababan, marpungu di bagas ni Amanta si Jabujabu di Siborongborong. Padomu tahi laho martangiang tu Debata, ala hurang dope ditingki i  hamajuon di hita marga Nababan. Asa marhite partangiangan i gabe  hehe angka anak napistar sian Marga Nababan, dohot boru, bere nang ibebere  angka namarsangap tumpahon ni Amanta namartua Debata. Ama : Mauliate ma di Ho Tuhan ala diungkap Ho do roha ni natuatua nami  najolo laho mangido pasu-pasu sian  Ho, laos manonahon asa tu joloan ni ari  luhut marga Nababan marsada ni roha manjalo tua sian Debata. Tinggil do sipareon ni Debata  manangihon pangidoan ni najoujou tu IbaNa, ndang dung hea dihalupahon Ibana angguk-angguk ni naporsea namangkirim dihamajuon. Asa dung dipamasa partangiangan ni Nababan di ari 13 Oktober, tarida do  tutu  parbue  ni Partangiangan i: ai mamungka sian i,  pintor mamuhai  do mangerbang jala hehe hamajuon di hita Marga Nababan marhite angka ragam ni Ulaon.  Sahat  tu tingki sinuaeng, nunga tipak adong pomparan ni Marga Nababan  mangula di  Negara Indonesia on, tamba ni angka Wiraswasta, Pengusaha,  Parbarita Nauli, PNS, Pangajari, Dosen, TNI. Polri, dohot lan angka naasing, namarserak di sisik ni Indonesia songon i nang namangererak tu  luar negeri.  Ina : Pinuji ma Ho Tuhan na mangaramoti dohot mamasumasu hami, gabe boi  hudai  hami  hamajuon, haimbaruon  na manghamham parsaoran na umbidang  di liat portibion. Ndang  mansohot pandonganion ni Debata tu hita



Nababan i, di laonlaon ni ari, di parhusoran ni na masa, di na lam maju zaman, lam tamba angka marga naasing natarbarita diliat portibi on. Lam tangkas do hamajuon tajalo marhite naung boi marga Nababan  mangalului parbinotoan di