Khutbah Idul Adha Bahasa Sunda [PDF]

Citation preview

KHUTBAH IDUL ADHA 1437 H Ku : H. USEP SAEPULLAH RUHIYAT, S.Ag, M.Si Lapangan Sawahbera Desa Cicantayan Senin. 10 Dzulhijjah 1437 H/ 12 September 2016 M



ُ‫اﻟﺴَّﻼَمُ ﻋَﻠَﯿْﻜُﻢْ وَرَﺣْﻤَﺔُ اﷲِ وَﺑَﺮَﻛَﺎﺗُﮫ‬ ‫ ﻻَ إِﻟَﮫَ إِﻻﱠ‬.ً‫ وَﺳُﺒْﺤَﺎنَ اﷲِ ﺑُﻜْﺮَةً وَأَﺻِﯿْﻼ‬.ً‫ وَاﻟْﺤَﻤْﺪُ ﻟِﻠﱠﮫِ ﻛَﺜِﯿْﺮا‬.ً‫× اَﷲُ أَﻛْﺒَﺮْ ﻛَﺒِﯿْﺮا‬٩ ْ‫اﷲُ َاﻛْ َﺒﺮ‬ َّ‫ ﻵ اِﻟَﮫَ اِﻻ‬، ُ‫ وَﻧَﺼَﺮَﻋَﺒِﺪَهُ وَاَﻋَﺰَّ ﺟُﻨْﺪَهُ وَھَﺰَمَ اﻟْﺄَﺣْﺰَابَ وَﺣْﺪَه‬. ُ‫ ﺻَﺪَقَ وَﻋْـﺪَه‬، ُ‫اﷲُ وَﺣْﺪَه‬ .ْ‫ﺟﻌَﻞَ اﻟْﺤَﺞﱠ ﺧَﺎﻣِﺲَ اَرْﻛَﺎنِ دِﯾْـﻨِﮫ‬ َ ‫ﺤﻤْﺪُ ﷲِ اﻟﱠﺬِى‬ َ ‫ اَ ْﻟ‬.ُ‫ اَﻟﻠَّﮫُ اَﻛْﺒَﺮْ وَﻟِﻠَﮫِ اﻟْﺤَﻤْﺪ‬، ْ‫اﻟﻠَّﮫُ وَاﻟﻠَّﮫُ اَﻛْﺒَﺮ‬ ْ‫وَاَﻧْﻌَﻢَ ﻋَﻠَﻰ اﻟْﻤُﺆْﻣِﻨِﯿْﻦَ ﺑِﻌِﯿْﺪِاﻟْﺎَﺿْﺤَﻰ ﺑِﺤِﻜَﻤِﮫِ وَﺗَﺒْﯿِﯿْـﻨِﮫِ ‘ وَﺟَﻌَﻞَ ﻣَﻨَﺎﺳِﻚَ اﻟْﺤَﺞﱢّ ﻣَﺄﺧُﻮْذَةً ﻋَﻦ‬ ُ‫ ﺣِﯿْﻦَ اَرَاه‬.َ‫ﺎ ﺑِﺈِﺑْﺮَاھِﯿْﻢَ اﻟْﺨَﻠِﯿْﻞ‬‫ وَﺣَ ﱠﺘﮭُﻢْ ﻋَﻠَﻰ اﻟْﻘُﺮْﺑَﺎنِ ﻋَﻤَﻼً ﺑِﺎﻟْﻘُﺮْاَنِ ﺗَﺎَﺳِﯿ‬.‫رَﺳُﻮْلِ اﷲِ وَاَﻣِﯿْـﻨِﮫ‬ ‫ وَاَﺷْﮭَﺪُ اَنﱠ ﻣُﺤَﻤﱠﺪًا‬،‫ اَﺷْﮭَﺪُ اَنْ ﻻَ اِﻟﮫَ اِﻻﱠ اﷲُ رَبﱞ ﺟَﻠِﯿْﻞ‬.‫رَﺑﱡﮫُ وَاَﻣَﺮَهُ ﺑِﺪَﺑْﺢِ وَﻟَﺪِهِ اِﺳْﻤَـﺎﻋِﯿْﻞ‬ .‫ﻋَﺒْﺪُهُ وَرَﺳُﻮْﻟُﮫُ اﻟْﻤُﺒَﺸﱠﺮُﺑِﮫِ ﻓِﻰ اﻟﺘﱠﻮْرَاةِ وَاﻟْﺈِﻧْﺠِﯿْﻞ‬ ×٣



ْ‫اﷲُ َاﻛْ َﺒﺮ‬



Maha Agung Allah nu Maha Perkasa, Pangeran anu ngadalikeun sagala usik manusia dina sejarah kahirupanana. Maha Agung Allah Nu Maha Bijaksana, Pangeran anu tos ngutus Rasul Agung Nabi Muhammad SAW anu nyandak tuntunan hirup manusia anu paripurna, supaya manusia aya dina kabagjaan kasalametan di dunya sarang akherat. Maha Agung Allah, nu Maha Uninga anu masihan garansi ka sakabeh ummat mu’minin tinangtu maranehna bakal aya dina kabagjaan, kasejahteraan, salamet lahir bathin, upama leres-leres muntangna ka Allah dina nangtungkeun hak jeung kaadilan.



×٣



ْ‫اﷲُ َاﻛْ َﺒﺮ‬



Hadirin jamaah shalat id rohimakumullah. Dinten ieu umat islam di saantero dunya nuju ngalaksanakeun Hari Raya Idul Adha, dinten anu agung tur pahara mulyana. Idul Adha ieu ngandung 5 pokok kapentingan ibadah anu salamina ulah di popohokeun ku umat Islam nyaeta : 1. Kahiji: Shaum sunat ngawitan ping 1 dugika 9 Dzulhijjah, terutama ping 8, 9 Dzulhijjah, anu disebut shaum Tarwiyah sareng Arafah. Shaum ieu ngandung kautamaan sareng hikmah anu luar biasa. Rasulullah SAW ngadawuh



.ُ‫ﺻِـﯿَﺎمُ ﯾَﻮْمِ ﻋَـﺮَﻓَﺔَ أَﺣْـﺘَﺴِـﺐُ ﻋَﻠَﻰ اﷲِ اَنْ ﯾُـﻜـَﻔﱢﺮَ اﻟﺴﱠـﻨَﺔَ اَﻟﱠﺘِﻰْ ﻗَﺒْﻠَﮫُ وَاﻟﺴﱠﻨَﺔَ اَﻟﱠﺘِﻰ ﺑَﻌْـﺪَه‬ “Shaum dinten Arofah (9 Dzulhijjah) tiasa ngalebur dosa sataun anu kapengker, sareng sataun anu bakal datang”. ( HR. Ahmad & Muslim ) 2. Kadua: Shalat sunat Idul Adha anu dilaksanakeun ku urang sadaya dinten ieu. Ieu shalat berjamaah Idul Adha janten symbol kaakuran, persatuan jeung perdamaian anu leuwih luas tibatan anu di symbolkeun ku shalat berjamaah Jum’at atanapi shalat berjamaah 5 waktu.



Anu dimaksud ku ulama fiqih :



ِ‫وَاَنْ ﺗَﻜُﻮْنَ ﻓِﻰ اﻟْﺒَﻠَـﺪ‬ “Kudu aya shalat lebaran teh di tengah-tengah kota kota / kampung”. Ahli fiqih mandang makruh aya sabaraha adegan shalat Id di hiji kampung atau desa. Supaya symbol persatuan kesatuan katingali langkung luas.



×٣



ْ‫اﷲُ َاﻛْ َﺒﺮ‬



Hadirin jamaah shalat id rohimakumullah. 3. Katilu: Ibadah haji, puncak ibadah haji nyaeta wukuf di Arofah anu dilaksanakeun ping 9 Dzulhijjah kamari, dauhan kanjeng Rosul



.‫اَﻟْﺤَﺞﱡ ھﻮاﻟْﻌَﺮَﻓﺔ‬ “Ari intina haji teh nyaeta wukuf di arofah”. Wukuf di Arofah sareng rangkaian ibadah haji anu liana jadi symbol ukhuwah islamiyah sadunya, dina waktos wukuf, akidah islamiyah tos mempersatukeun umat islam sadunya, kalawan anggoan anu sami, bacaan anu sami, cicing di tempat anu sami, hal ieu ngaleungitkeun perbedaan manusia dina status sosialna, ngalunturkeun perbedaan bahasa, warna kulit sareng anu liana. Teu aya agama salain Islam anu mampu ngumpulkeun 5 juta umat dina waktu sareng tempat anu sami, nyaeta dina waktos wukuf di Arofah. Ibadah haji anu dilaksanakeun kalayan susah payah oge waragad anu kacida ageungna. Pantes ku Allah di jamin :



‫اﻟْﺤَﺞﱡ اﻟْﻤَﺒْﺮُوْرُ ﻟَﯿْﺲَ ﻟَﮫُ ﺟَﺰَاءٌ إِﻻﱠ اﻟْﺠَﻨﱠﺔ‬ “Ari haji anu mabrur teu aya balasan anu pantes iwal ti syurga” 4. Kaopat : Nyaeta nyeueurkeun bacaan takbir, tahlil sareng tahmid ti ngawitan dinten kamari dugika rengse dinten tasyriq ping 13 Dzulhijjah. Rasulullah SAW ngadauh



‫ﻓَﺎُﻛْـﺜَﺮُوْا ﻓِﯿْﮭِـﻦﱠ ﻣِﻦَ اﻟﺘﱠﮭْـﻠِﯿْﻞِ وَاﻟﺘَﻜْﺒِﯿﺮ وَاﻟﺘﺤْﻤِﯿْـﺪ‬ “Jeung kudu ngalobakeun anjeun dina eta poe (tegesna 10, 11, 12, 13 Dzulhijjah) tina maca tahlil, takbir, sareng tahmid” (HR. Ahmad) 5. Kalima : Nyaeta penyembelihan Qurban. Qurban asal hartina nyaeta kaparek, deukeut ka gusti Allah SWT, dina istilah Fiqih :



َ‫اِﺳْـﻢٌ ﻟِﻤَـﺎﯾُﺬْﺑَﺢُ ﻣِﻦَ اْﻻِﺑِﻞِ وَاﻟْﺒَﻘَﺮِ وَاﻟْﻐَﻨَﻢِ ﯾَﻮْمَ اﻟﻨﱠﺤَﺮِ وَاﯾﱠﺎمَ اﻟﺘَﺸْـﺮِﯾْﻖِ ﺗَﻘَﺮﱡﺑًﺎ اِﻟَﻰ اﷲِ ﺗَﻌَﺎل‬ “Qurban teh hiji ngaran pikeun sato anu dipeuncit tina jenis Onta, Sapi atawa Domba dina poe nahar / 10 Dzulhijjah sareng poe tasyriq (11, 12, 13 Dzulhijjah) pikeun taqorub / ngadeukeutkeun diri ka Allah SWT”. Hukum Qurban menurut Imam Syafei, Maliki, Hambali nyaeta Sunat Mu’akad, menurut pendapat Imam Hanafi mah Wajib pikeun anu mampu.



Nabi SAW ngadauh



.‫ﺳ َﻌﺔً َﻓﻠَﻢْ ﯾُﻀَﺢﱢ ﻓَﻼ َﯾ ْﻘﺮَﺑَﻦﱠ ﻣَﺴْﺠِـﺪَ ﻧَﺎھَـﺬَا‬ َ ُ‫ﻣَﻦْ ﻛَﺎنَ َﻟﮫ‬ “Sing saha jalma anu boga kamampuan harta, tapi manehna teu mencit Qurban sebab koret, saurna papacuan eta jalma ulah deukeut ka masjid kawula anu ieu nyaeta Masjid Madinah”. Salajengna Nabi ngadauh:



ْ‫ﻋﻠَﻰ اﷲِ ِﺑ َﻤﻜَﺎنٍ ﻗَﺒْﻞَ أَن‬ َ ُ‫ وَاِ ﱠﻧﮫُ ﻟَ َﯿﻘَﻊ‬،ِ‫ﻋﻤِﻞَ آ َد ِﻣﻲﱡ ﻓِﻰ ھَﺬا َاﻟﯿَﻮْمِ َاﻓْﻀَﻞَ ﻣِﻦْ إِْرَاقِ اﻟﺪﱠم‬ َ ‫ﻣَﺎ‬ ‫ﻷرْضِ ﻓَﯿَﻄِﯿْﺒُﻮْا ِﺑﮭَﺎ َﻧﻔْﺴًﺎ‬ َ َ‫َﯾﻘَﻊَ ﻋَﻠَﻰ ا‬ “Hanteu aya amal hiji jalma dina ieu poe Idul Adha anu langkung utama tibatan ngocorkeun getih nyaeta mencit Qurban, sareng saestuna eta Qurban enggal ditampi ku Allah samemeh getihna ngeclak kana taneuh. Ku lantaran kitu kudu arikhlas anjeun dina Qurban”. Sebab Qurban kudu didasarkeun taqwa jeung ikhlas: firman Allah :



ْ‫ﻟَﻦْ ﯾَﻨَﺎلَ اﷲَ ﻟُﺤُﻮْ ﻣُﮭَﺎ وَﻻَ دِﻣَﺎ ﺋُﮭَﺎ وَﻟَﻜِﻦْ ﯾَﻨَﺎﻟُﮫُ اَﻟﺘﱠﻘْﻮَى ﻣِﻨْﻜُﻢ‬ “Moal nepi ka Allah daging jeung getihna Qurban, tapi anu rek ditampi ku Allah nyaeta kaikhlasan jeung kataqwan ti aranjeun kabeh”. Ibadah Qurban ngagaduhan multi hikmah diantarana: 1. Masihan santunan ka fakir miskin 2. Jadi hadiah pikeun jalmi beunghar 3. Meungkeut tali mimitraan islamy 4. Wujud karelaan ngorbankeun harta / anu dipikanyaah pikeun ngahontal Ridho Allah SWT 5. Mapay tapak lacak Sunah para anbiya terutama Nabi Ibrahim sareung Ismail alaihimassalam 6. Pikeun meuncit/ngabunuh sifat bahaim/kabinatangan anu aya dina diri manusia seperti koret, tamak, rakus,



×٣



ْ‫اﷲُ َاﻛْ َﺒﺮ‬



Hadirin jamaah shalat id rohimakumullah. Eta lima rupa peribadahan anu berkaitan sareng Idul Adha upama dilaksanakan kalayan samata-mata ngarep ridho Allah SWT, maka pasti bakal ngabentuk pribadi mukmin muslim anu sampurna. Mudah-mudahan urang sadaya tiasa ngalaksanakeun eta lima peribadahan kalayan penuh kaikhlasan sahingga urang sadaya janten pribadi mukmin muslim anu sampurna.



ْ‫ وَﻧَﻔَﻌَﻨِﻲ‬.ِ‫ وَﻋَﻠﱠﻤَﻨِﻰ وَاِﯾﱠﺎﻛُﻢ ﻣَﺎﻓِﯿْﮫِ ﻣِﻦَ اﻟْﻌِﻠْﻢِ وَاﻟْﯿَﻘِﯿْﻦ‬.ِ‫ﺑَﺎرَكَ اﷲُ ﻟِﻲْ وَﻟَﻜُﻢْ ﻓِﻲ اﻟْﻘُﺮْآنِ اﻟْﻌَﻈِﯿْﻢ‬ ُ‫ وَﺗَﻘَﺒﱠﻞَ ﻣِﻨﱢﻰ وَﻣِﻨْﻜُﻢْ ﺗِﻼوَﺗَﮫُ اِﻧﱠﮫُ ھُﻮَاﻟﺴﱠـﻤِﯿْﻊ‬.ِ‫وَإِﯾَّﺎﻛُﻢْ ﺑِﻤَﺎ ﻓِﯿْﮫِ ﻣِﻦَ اْﻵﯾَﺎتِ وَاﻟﺬِّﻛْﺮِ اﻟْﺤَﻜِﯿْﻢ‬ ‫اﻟﻌَﻠِﯿْﻢ‬