Tugas Bahasa Bali Sambrama Wacana [PDF]

Citation preview

Nama: I Made Pasek Windu Merta No: 23 Conto Sambrama Wacana “ Manusia Yadnya : Pawiwahan” Om Swastyastu Sadurung titiang ngelanturang atur, pinih riin ngiring dumun ngaturang puja pangastuti majeng ring Ida Sang Hyang Widhi Wasa, duaning majanten sangkaning pasuecan ida parikrama rahina mangkin prasida mamargi antar tan kapialang. -Majeng ring para manggala desa, makadi Bapak Bendesa Adat miwah Prajuru Adat sane wangiang titiang, -Bapak Kelian Dusun sane kusumayang titiang -Ida dane banjar lang lan istri miwah uleman sampun prasida ngerauhin sane kusumayang titiang. Titiang pinaka penyeledhi sang sane madrue karya mungguing wastan titiang I Made Pasek Windu Merta lugrayang titiang jagi matur amatra majeng ring ida dane sareng sami. Kaping ajeng titiang ngaturang suksmaning manah ring sapangerauh ida dane para manggala taler ida dane banjar sinamian,sane samprun prama ledang nodia pakaryan titiang sajeroning pawiwahan pianak titiang sane mewasta I Putu Adiasa Putra sane pinaka purusa. Alaki rabi ring ipun sane pradana mawasta Ni Kadek Devi Wardhani saking Desa Cemagi,Kecamatan Mengwi,Kabupaten Badung. Kaping kalih titiang nenten lali nunas gung rena pangampura santukan sampun janten makeh makekirangan nyane inggihan indik genah,penyanggra,penamyiu,miwah sane lianan santukan doh wiakti tan prasida nagingin sekadi pangarsan ida dane. Mungguing pemargi yadnya sane sampun kamargiang pinaka bacakan manut grhasta asrama inggih punika kapartama sampun ngamargiang darma suaka ring keluarga pradana. Raris limang rahina sane lintang sam[pun taler ngamargiang papadikan. Wusan punika kamargiang upacara makalan-kalan. Raris ring rahinane mangkin, rahina Soma Pon Wuku Sinta saih karo pinanggal selikur sasih Agustus warsa 2017, pacang kalaksanayang upacara mawidhi widana,maka cihna madegang Sang Hyang Semara Ratih sang kalih prasida kadirgayusan wangun pumahan. pamargi sane pamuput raris majauman masuksma ngiket pakulawargan sang kalih maduluran antuk makts tipst bantal ring kulawarga pradana. Wusan punika puput sampun sapulah palih ri sajeroning upacara manusa yadnya manut sekala miwah niskala. Asapunika nganinin indik Upacara Manusa Yadnya sane kamargiang. Mogi-mogi sapangrauh ida dane semeton sareng sami ri tatkala nyaksiang madulururang ngrastitiang sane becik, prasida raris ipun sang kalih manggihin kerahayuan. Ida dane sane wangiang titiang, wantah asapunika mungguing atur panyembrama titiang . titiang ngaturang suksmaning manah antuk uratian ida dane sareng sami taler nenten lali titiang nunas gung rena pangampura antuk makakirangannyane. Maka wesananing atur puputang titiang antuk parama santi Om Santhi, Santhi ,Santhi ,Om